Summer Electives! ✈

Discussion in 'اسـتـراحــة الـمـركـز' started by Dr.ParroT, ‏24/8/15.

  1. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    142
    بسم الله الرحمن الرحيم

    السلام عليكم ورحمة الله وبركاته

    شلون العطلة معاكم
    :sunglasses:

    بعضنا قرر يستغل عطلة الصيف أو الربيع بشي مفيد عشان يقوي الـ C.V ماله ودخل Clinical Electives / Research Programs
    :handok:

    فكرة هالموضوع .. نبي نعرف تجارب الطلبة مع الكورسات الاختيارية أو الأبحاث الي شاركوا فيها خلال عطلة الصيف أو الربيع وإن شاء الله تفيدون الطلبة الي حابين يقدمون على مثل هالكورسات الإختيارية


    شنو الـ Elective الي خذيته وهل كان داخل الكويت أو برا وبأي جامعة ؟

    هل اخترت الـ Elective من خلال المراسلة المباشرة بينك وبين الجامعة أو من خلال الرابطة ؟

    شلون كانت طريقة التقديم له؟

    ايجابيات وسلبيات الـ Elective الي اخترته وهل تنصح الطلبة فيه


    مو شرط تجاوبون على الاسئلة .. تقدرون تكتبون تجربتكم بشكل عام


    نتمنى ما تبخلون علينا بمشاركاتكم :smile:

    ــــــــــــــــــــــــــــــــــــــــــــــــــــــــــــــــــــــــ

    هذا دليل كامل حق الي يبي يقدم على الـ Elective برا من تقديم الطالبة ياسمين عليوة
    مجهود تُشكر عليه صراحة


    [​IMG]

    [​IMG]
    [​IMG]


    وطبعاً معهد دسمان للسكري يقدم برامج جداً مميزة للأبحاث ، بحيث يعلمونكم أساسيات البحث العلمي وتشاركون مع الدكاتره وتساعدونهم بأبحاثهم ، يفتحون التقديم على شهر يناير والدورة تكون بالصيف شهر يوليو

    [​IMG]
     
  2. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    142
    قدمت هالسنة Elective in Respiratory Medicine بمستشفى العدان صراحة طافني التسجيل بكندا برا :\ قلت أسوي شي مفيد بالكويت :handok:

    المهم طريقة التقديم ..

    1\ أول شي تطلع رسالة To whom it my concern تطلبها من مستر مامن وتعطيهم أسمك والرقم الجامعي وبعدين تستلمها من شؤون الطلبة خلال يوم أو يومين .. هذي بس تثبت أنك طالب طب بجامعة الكويت


    2\ تكتب كتاب رسمي "بالعربي" تحدد أي مستشفى تبي تدوام فيه وأي تخصص والفترة الي تبيها ( طبعا يفضل قبلها تتفق مع دكتور وتستأذن منه أنك تداوم معاه ولما تخلص يعطيك بنهاية الإلكتف Recommendation letter حيل مهمة وتساعدك لما تقدم على البورد مستقبلاً خصوصاً إذا كان الدكتور عنده البورد الأمريكي والكندي)


    3\ تروح وزارة الصحة عند قسم الشؤون الفنية والإدارية عند د. موضي وتعطيها الكتاب عشان توافق عليه وتختمه بعدين تروح المنطقة الصحية التابع للمستشفى مثلاً العدان تابع لمنطقة الأحمدي الصحية ... أنا سمعت الأحمدي قلت ولييين درب آخر شي طلع المبنى مقابل مستشفى العدان :sweatsmile:... المهم تعطي الكتاب عند سكرتارية مدير المنطقة ويصدقون عليه


    4\ آخر خطوة تأخذ الكتاب وتسلمه لمدير المستشفى ويوافق عليه وبعدين تعطي الكتاب القسم الي راح تداوم معاهم



    للأسف أدري حيل السالفة روتينية لأن كليتنا ما عندهم إلكتف للطلبة بالصيف حسب كلام مستر مامن! بس قالت لي د. موضي إذا كنت طالب طب من جامعة الكويت تقدر تكلم العميد وأهو بدوره دايركت يكتب كتاب لمدير المستشفى ويختصر كل هالأمور :thumbsup:

    دكتوري كان أغلب أيامه عنده لجان طبية فـ ما كنت أقعد معاه وايد للأسف فـ كنت بس أدوام معاه 3 أيام بالأسبوع .. يعني الإلكتف كان زوين شفت حالات متنوعة بالريسب وجم حالة نادرة .. أول أسبوع كان Rounds والريجسترار عجيب كل ما يشوف حاله فيها Findings يسمعنا آياها .. الأسبوع الثاني كان كله Opd حيل استفدت من الدكتور خصوصاً طريقة شرح المصطلحات المبسطة وطريقة التواصل مع المرضى لأن دكتوري صراحة حيل كانت أخلاقه عالية مع المرضى ودايم مبتسم وأقوى شي خلال هالأسبوع أن الدكتور مسكني عيادة ثانية بروحي مع مريض أناقش حالته وأعرضها بعدين على الدكتور :sunglasses:
     

Share This Page