الدراسة اليومية

Discussion in 'Blog | NerdsMethods' started by NerdsMethods, ‏29/1/19.

  1. NerdsMethods

    NerdsMethods

    Staff Member Nerdsmethods
    Joined:
    ‏15/11/18
    Messages:
    3
    مبروك لكل اللي حصلوا على النسبه اللي بخاطرهم :heartbeat:، و لكل اللي ماحققوا المستوى اللي يبونه اكيد يمديكم ترفعون مستواكم و تتخرجون بنسبه حلوه ان شاء الله:greenheart:
    ------------------------------------------------------------------------------------------------------​
    -وايد افضل انكم ببداية الكورس تكتبون كل الاخطاء اللي وقعتوا فيها بالكورس الاول وتحاولون تتفادونها بالكورس الثاني:heavycheck:
    مثلا:

    :crossmark:راكمتوا المشاريع لاخر الكورس و صار ضغط عليكم
    :crossmark:ما درستوا اول بأول فصارت دراسة الفاينل صعبه

    -حددوا المواد اللي نزلتوا فيها و ماكنتوا متوقعين انكم تنزلون فيها:chartdown:
    -حاولوا تعرفون وين موضع الخلل مثلاً: :heavymultiply:ماتدربتوا على نماذج الاختبارات السابقه :heavymultiply: ماكان حفظكم قوي
    ---------------------------------------------------------------------------------------------------​
    -بالدراسة اليومية لا تربطونها بالوقت:noentrysign:، ربطوها بالكم:whitecheck:
    :questionwhite:يعني شنو, كل يوم تدرسون كل شي خذيتوه بالمدرسه و توقفون لما تخلصون الكميه، مو كل يوم تدرسون لمدة ساعتين
    :question:ليش لان اذا اعتمدتوا على الوقت راح تراكمون الدروس ليوم ثاني لما يكون جدولكم طويل و هذا مانبيه يصير.

    انتوا تدرسون اذا مريتوا بمادة سهله لا تتجاهلونها:noentrysign:
    مثلاً اذا حسيتوا ان درس الاسلاميه اليوم سهل درسوه، درسوا كل شي اول بأول سواء كان سهل او صعب لا تراكمون شي

    -في فرق وايد كبير بين الدراسه و حل الواجب :!!:
    يعني لما تحلون واجب الرياضيات تكونون تدربتوا على مسائل الدرس صح بس هذا مو كافي ، و احتمال كبير ماتكون اجابتكم صحيحه :100: لانكم حليتوا بدون ماتراجعون الدرس، عشان جذي ضروري تبلشون بالدراسه اول بعدين تحلون الواجب:heavycheck:

    -حددوا اوقات بريكاتكم بالضبط و التزموا فيها:time1030:
    نفس الشي ما افضل ان يكون بالوقت الافضل بالكم ، مثلا مادتين بعدين بريك ١٠ دقايق ، :sparkles:عشان تسهلون على نفسكم درسوا اول شي ماده صعبه بعدها سهله لا تخلون الصعبين ورا بعض عشان ماتتعبون بسرعه:sparkles:
    --------------------------------------------------------------------------------​
    بالنسبه للرياضيات :
    #1 اول ماتبلشون فيه شوفوا اي مسأله تكونون حالينها مع الابله/المدرس ، شوفوا خطوات الحل و تذكروا عدل شنو سويتوا بالصف
    2# بعدين حلوا كل المسائل الثانيه اللي حليتوها بالصف + الامثله اللي بالكتاب (غطوا الجواب و حلوا بعدها تأكدوا من حلكم)
    #3 كثر ماتتدربون كثر ماتفهمون اكثر فإذا حسيتوا نفسكم ضايعين شوي حلوا مسائل زياده لين تقنون الحل:warning:
    #4 اخر شي حلوا الواجب :endwarrow:
    --------------------------------------------------------------------------------​
    بالنسبه للكيمياء و الفيزياء
    #1 اقروا الدرس كله على بعضه ، و فهموا بس بدون ماتحفظون:whiteexclamation:
    #2 اقروا فقره فقره و خططوا المهم و حفظوه:whitecheck:
    #3 لو الدرس في مسائل نفس طريقة الرياضيات شوفوا مسأله انتوا حالينها بالصف عرفوا طريقة حلها بعدين حلوا المسائل الثانيه:pointup:
    #4 حلوا الواجب او كملو اي شي يخص هالمادتين:endwarrow:
    -------------------------------------------------------------------------------------------​
    باجي المواد الانجليزي و الاحياء و العربي و الاسلاميه و الدستور تعتمد على الحفظ اكثر
    :exclamation:لكن الفهم مهم عشان تسهل عليكم عملية الحفظ
    عشان جذي اول شي 1# اقروا الدرس كله على بعضه و فهموه بدون ماتحفظونه:heavycheck:
    #2 اقروا فقره فقره و حددوا المهم اللي فيها و خططوا :whiteexclamation:
    #3 حفظوا و كرروا لين ماتتقنون الحفظ :recycle:
    -------------------------------------------------------------------------------------------------
    :star::star:اللي اهم من هذا كله انكم تراجعون على دراستكم و تكونون دايماً مستعدين للاختبارات:star::star:
    بالويكند قسموا المواد على يومين سواء اليمعه و السبت او الخميس و السبت اللي تفضلونه المهم يكونون يومين:whitecheck:
    قسموا المواد بحيث يكونون مادتين صعبين و مادتين سهلين باليوم الواحد :heavycheck:
    و راجعوا كل شي خذيتوه بالاسبوع :recycle:

    -موفقين يارب:yellowheart::sparkles:، و اذا عندكم اي استفساراو اقتراح تقدرون تكتبونهم اهني:heartpulse:
     
    Last edited: ‏30/1/19
    AmarAlshalani likes this.
  2. Future doctor

    Future doctor Trainee

    Joined:
    ‏7/2/19
    Messages:
    1
    شكراً على الموضوع الي اينن والمفيد انا طالبة بعاشر ونسبتي الحمدالله امتياز بس مو مرتفع وانا متعودة من المتوسط مااقل عن ٩٥ بس لمن دشيت عاشر مادري شصار ، المهم خايفة ان نسبتي ما تدخلني جامعة الكويت صج ان سالفة القدرات وايد تنزل النسبة ؟ ولا في امل للطب والصيدلة بامتياز منخفض؟ ويعطيج العافية من Future doctor‍⚕️
     
  3. NerdsMethods

    NerdsMethods

    Staff Member Nerdsmethods
    Joined:
    ‏15/11/18
    Messages:
    3
    عفواً:yellowheart:، مو شرط القدرات ينزل اذا يبتي درجات عاليه ان شاءالله ماينزلج، و اكيد في امل اصلاً في وايد ناس يرتفعون من بعد عاشر او حتى بالكورس الثاني من عاشر لان البدايه تكون صعبه بعدها بتتعلمين من اخطائج و ان شاءالله ترتفع نسبتج، الله يعافيج و يوفقج
     

Share This Page