تجمع الطلبة المقبلين على التحويل للصيدلة؟

Discussion in 'استفسارات القبول في كليات المركز' started by Future Pharmacist, ‏17/7/16.

  1. Future Pharmacist

    Future Pharmacist Assistant

    Joined:
    ‏17/7/16
    Messages:
    15
    السلام عليكم حبيت اسوي هالتجمع للطلبة المقبلين على التحويل للصيدلة
    لسنة 2016/2017 ان شاءالله
    وعشان انفيد باستفساراتنا الدفع الجديدة ❓“
    جم تتوقعون مقعد متوفر ؟
    وشنو تقييمكم لمواد التحويل ؟
    وجم استغرقت مواد التحويل معاكم ؟
    وافضل الدكاترة اللي خذيتو عندهم المواد؟
    ومن اي كلية محول؟


    :books: بتكلم لكم عن مواد التحويل :

    :bluebook:البيولوجي 101 :
    الماده حيل حلوه انا خذيتها عند دكتوره احلام بوعركي
    الدكتوره عجيبه ماعليها كلام وتشرح من النوت سلايدات، والماده سهلة بس بنفس الوقت كميتة الحفظ شوي كبيره بس ككل حلوه المادة وطبعا متلازم معاها لابها هم لابها حلو بس كميتة الحفظ يبلها مجابل بس اللاب ماعليه وحدات ويدخل بحسبة المادة.

    :orangebook:كيمياء 110:
    طبعاً هالمادة راح تسمعون عليها حجي وانها تعجيزية ومادري شنو يبالغون المادة يبيلها تدريب عالحل وعالمسائل اهيا كدراسة سهلة بس مشكلتها الامتحانات يعني كثر ماتدربتي كثر ماكان احسن وطبعا الامتحانات موحده
    انا خذيتها عند محمد حسن هم الدكتور حيل زين وشرحه حلو ويشرح من نوته بوربوينت سلايدات.

    :greenbook:كيمياء عضوية 114:
    هالمادة روعة شوية عليهاا حيل حيل حلوه وسهلة وكميتها هم حلوه ✅ماادري يمكن لاني ماخذتها صيفي بس المادة حيل حلوه واخذتها عند دكتوره امل العازمي هالدكتوره شرحها قوي وتفهم عدل بس تبي التزام يعني ماتتأخرون اكثر من 15 دقيقة❌بس ماتتطوف هالدكتور ولابها متلازم معاها وعليه وحدات لابها حداا سهل ينضمن ان شاءالله .

    :closedbook:فيزياء :
    بتكلم عنها بشكل عام
    لاني ماخذة فيزياء 101،102 مو 121،122
    فيزكس 101 زينه تندرس من نوت شريف وان شاءاالله اتعدونها
    فيزكس 102 صراحه انا موحيل تقبلتها عندي فيزكس 1 اسهل واحلا بس الاغلب يقول العكس او يرجع لكل شخص وميوله.

    :ledger:رياضيات :
    اخذت كالكلس a الماده حلوه ومضمونه ان شاءالله درسوها من نوت السفير او الدكتور اذا كان شرحه حلو خذيتها عند سامر السحار هالدكتور حيل عجيب وشرحه حلو وصج يعطي من قلبه .

    :greenbook:اختياري :
    ثقافة اسلامية: دكتور غسان حيل متساهل ويعطينا قبل الامتحان اسئلة تقريبا الامتحان نفسها ونحفظ جم سورة للامتحان بس هم اذا في سور مو حافظتهم قال كتبو اي سور قصيرة حافظينها يعني حيييل مسهل علينا .

    مهارات اتصال : دكتوره دلال الصفي هالدكتورره عجيبه شوي عليها صج حببتني بالنحو وانا كنت كارهتة وتعطي بونصات هم واوفات ماتتطوف.


    :orangebook:الانجليزي :
    يختلف باختلاف الكلية اللي محولين منها .


    وطبعا عقب مواد التحويل فيه اختبار للتحويل اول شهر سبتمبر وان شاءالله قبل الاختبار قائمة الصيدلة يسون دورة يعرفونكم عن الامتحان ويوزعون مذكرات تساعدكم بالدراسة .

    :loudspeaker: تم فتح التحويل لكلية الصيدلة



    :calendar: فترة تقديم الطلب من 2/8 الى 11/8
    ملاحظة للتفاؤل: استفسرت من العمادة عن المقاعد الشاغرة للعام الماضي بالصيدلة كانت 10 مقاعد، وعدد المتقدمين للتحويل 5فقط✔”



    ☑ان شاءالله وفيت كل الاسئلة واذا في اي استفسار تفضلو
    وعسى الله يسهل علينا جميعاً
    لاي استفسار هذا التويتر مالي راح اتحصلون لنك الاسك بالبيو ان شاءالله مرح اقصر معاكم
    @dyomiii
     
    Last edited: ‏25/9/16
  2. Mekuwait

    Mekuwait Assistant

    Joined:
    ‏17/7/16
    Messages:
    10
    انتي اي دفعة
     
  3. Future Pharmacist

    Future Pharmacist Assistant

    Joined:
    ‏17/7/16
    Messages:
    15
    2014
     
  4. Mekuwait

    Mekuwait Assistant

    Joined:
    ‏17/7/16
    Messages:
    10
    حلو يعني بتحولين بداية السنه هاذي معاي ان شاء الله
    بس عندي سؤال عن اختبار التحويل اذا تعرفين عنه اي شي تكلمي فيه
    و بالنسبة للاسألة :
    جم تتوقعون مقعد متوفر ؟ ما أتوقع عدد معين بس اللي تم الشروط و نجح باختبار التحويل
    وشنو تقييمكم لمواد التحويل ؟ مواد التحويل زينه ندرس اول بأول كل شي تمام
    وجم استغرقت مواد التحويل معاكم ؟ سنتين
    وافضل الدكاترة اللي خذيتو عندهم المواد؟ كلهم مثل بعض لان الدرجات تعتمد علينا ماكو شي عند الدكتور و اغلب الاختبارات موحدة
    ومن اي كلية محول؟ طب مساعد
     
  5. Future Pharmacist

    Future Pharmacist Assistant

    Joined:
    ‏17/7/16
    Messages:
    15
    اي ان شاءالله
    بس اختبار التحويل يكون بأول شهر سبتمبر ويندرس له من كتاب المصطلحات الطبية اعتقد و قائمة الصيدلة يسون دورة يعرفونا فيها عن الامتحان وطريقته.

    لا بصحح لج معلومة المقاعد اتكون محدده وعلى حسب الاقبال على التحويل اذا المقدمين اكثر من المقاعد اتكون فيه منافسة على حسب المعدل عقب المنافسة يتحدد اذا بقدم الامتحان او لا ،يعني مو امتحان الانجليزي اهوا اللي يحدد ، المقاعد عقب الامتحان .
    بس اتوقع ان شاءالله ان المقاعد نفس العام اكثر من المحولين .
     
  6. Mekuwait

    Mekuwait Assistant

    Joined:
    ‏17/7/16
    Messages:
    10
    وين احصل هالكتاب
     
  7. Future Pharmacist

    Future Pharmacist Assistant

    Joined:
    ‏17/7/16
    Messages:
    15
    بدورة قائمة الصيدلة يشرحون طريقة الامتحان ويوزعون مذكرات
     
  8. Mekuwait

    Mekuwait Assistant

    Joined:
    ‏17/7/16
    Messages:
    10
    مو شرط فيزياء 122 و 121
    شلون آخذتي غيرة
    http://akphoto4.ask.fm/f1c/large/72857.jpg
    شروط التحويل من جميع الكليات بس اذا نقدر نأخذ فيزياء غير المذكور مادري متأكدة
     
  9. Future Pharmacist

    Future Pharmacist Assistant

    Joined:
    ‏17/7/16
    Messages:
    15

    اي انا سألت العمادة لاني مو طب مساعد ،هندسة فقالو لي 101 و102 يعادلون121،122 وليس العكس .
     
  10. فاطمة

    فاطمة Trainee

    Joined:
    ‏18/7/16
    Messages:
    1
    سلام ويعطيج العافية .. بستفسر انا توني خريجة وانقبلت طب مساعد وبحول صيدلة هل اذا تخرجت اتوظف بسرعة ؟ ومنو اكثر احتياج سوق العمل له طب مساعد ولا صيدلة؟ وشكراً
     
  11. Future Pharmacist

    Future Pharmacist Assistant

    Joined:
    ‏17/7/16
    Messages:
    15
    وعليكم السلام والرحمة ، والله ماعندي معلومات عن التوظيف اذا بسرعة وبهذي التغريدة احتياجات سوق العمل وبالنسبة للطب المساعد على حسب التخصص

     
  12. Aye

    Aye Trainee

    Joined:
    ‏18/7/16
    Messages:
    4
    السلام عليكم انا هندسه وجم يبيلي عشان احول للصيدله و سمعت ان اذا بحول لازم بهالمواد ما يقل القريد عن b ؟
     
  13. Future Pharmacist

    Future Pharmacist Assistant

    Joined:
    ‏17/7/16
    Messages:
    15
    وعليكم السلام، على حسب كل شخص اذا ضغطتي على عمرج تقدرين خلال سنة ، على دفعتي هم سمعت هالكلام من الطلبة وبتويتر ان اقل شي b ولما تأكدت من العمادة طلع اقل شي c وهم دفعة 2015 اقل قريدc ، فما عليج من كلام الطلبة سألي العمادة عن دفعتكم .
     
  14. Mekuwait

    Mekuwait Assistant

    Joined:
    ‏17/7/16
    Messages:
    10
    ما سمعتي متى نقدم ع طلب التحويل بالضبط
     
  15. Future Pharmacist

    Future Pharmacist Assistant

    Joined:
    ‏17/7/16
    Messages:
    15
    لا للاسف انا ناطره يعلنون بس التحويل الخارجي يبدأ من 2/8فاغلب الظن ان التحويل بهالفترة يبدأ ولازم نقدم على كشف درجات عارفة شلون طريقته ؟
     
  16. Mekuwait

    Mekuwait Assistant

    Joined:
    ‏17/7/16
    Messages:
    10
    اي رحت لهم من شهر اخذت كشف درجات باللغه الانجليزية ( لازم جواز السفر ) بالشويخ في صاله الاستقبال هذا اسمها تكون بمبنى العمادة مو صاله القبول و التسجيل .
     
  17. Future Pharmacist

    Future Pharmacist Assistant

    Joined:
    ‏17/7/16
    Messages:
    15
    اقدم طلب بالنت واروح تالي استلمه لاني ماخذه صيفي وبيصكر التقدم عالكشف 21/7 لي اخر يوم تنزل فيه درجات انطر عقب ماتنزل درجة الصيفي ولا قبل اقدم الطلب عالنت لان اخر يوم تنزل الدرجات 28/7؟
     
  18. Mekuwait

    Mekuwait Assistant

    Joined:
    ‏17/7/16
    Messages:
    10
    والله سألي فيها
    انا رحت من غير موعد و عطوني كشف الدرجات
    بس انتبهي انا رحت اول مرة بالبطاقة المدنية الأصلية وردوني لازم لازم جواز السفر ( اخذي احتياط و جيبي الاثنين ) .
     
  19. Mekuwait

    Mekuwait Assistant

    Joined:
    ‏17/7/16
    Messages:
    10
    نسيت اذكر قالت اذا ماخذة صيفي مايصير اطبع لج لازم تعالي بعد الصيفي
    بس انا مو ماخذة صيفي فطبعت الكشف
     
  20. Aye

    Aye Trainee

    Joined:
    ‏18/7/16
    Messages:
    4
    لو سمحتي كيمياء عضويه و بيولوجي مو نازلين بالسستم اهم ما ينزلون كورس اول ولا شنو ؟
    واذا بحول لازم اكلم التوجيه و الارشاد ولا العماده يعني في اجراءات حق التحويل ؟
     

Share This Page