10' مواد سنة ثانية الكورس الاول العجيبين

Discussion in 'سنة ثانية' started by Ph. Heba, ‏10/8/15.

  1. Ph. Heba

    Ph. Heba

    Trainee
    Joined:
    ‏10/8/15
    Messages:
    3
    مواد الكورس الاول 4 مواد 15 وحدة
    اول مادة: English 183 خمس وحدات
    طبعاً الانقلش يعتبر استمرارية لـ182 & 181 و يعتبر اسهلهم لان تتغير طريقة دراسة الانقلش. قيمة هالكورس بتحسون فيها لما تصيرون بسنة ثالثة و رابعة و خامسة لما يطلبون منكم تكتبون مواضيع عن ادوية معينة و حتى لما تكتبون مشروع تخرجكم بإذن الله.

    ثاني مادة: Organic chemistry اربع وحدات
    مادة جميلة.. تدرسون فيها سوالف البنزين و ربعه " ما اذكر تفاصيل هالمادة لان حيل من زمان عنها و الصراحة ما توفقت فيها ". الدكتور اللي يدرسها وااااايد عجيب "من اعجب الدكاترة في كليتنا" الله يحفظه د. خالد عرابي يشرح بضمير و يردكم لأيام الثانوية بس اسئلته على قد شرحه.

    ثالث مادة: Anatomy ثلاث وحدات
    علم التشريح من اجمل الموااااد ناخذها مع الطب المساعد و واايد حبوبين الدكاترة. مادة A بإمتياز و لا يأثر فيكم اي كلام سلبي.

    رابع مادة: Finite Mathematics ثلاث وحدات
    الرياضيات المنتهية... ادري كلش مالها شغل بتخصصنا بس مادري اهما جي حاطينها قالوا بيبدلونها بمادة ثانية بس ننطر السستم اليديد. هالمادة ناخذها من علوم يعني الدكتور و سستم التصحيح نفس نظام الخالدية و هذا هو الشي السعيد بالموضوع. أما الشي التعيس انه الدكتور ما رح يكون موجود بالكلية وقت تبون تسألونه. مادة A او كلش كلش B مو اقل من جذي.


    شدوا حيلكم الـ A ماهو مستحيل و اللي يابوا A ماهم احسن منكم

    بالتوفيق
     

Share This Page