عدد كراسي طب الاسنان!!

Discussion in 'استفسارات القبول في كليات المركز' started by S.F., ‏12/3/15.

  1. S.F.

    S.F. ku-med.com

    تم انشاء كلية طب الاسنان بأمر أميري عام 1996. و تعتبر مؤسسة تعليمية مستمرة في التطور من أجل توفير مستوى عالي من التعليم في طب الأسنان.
    وحتى سنة 2014 يتم قبول 25/27 طالب/ة فقط في كلية طب الاسنان سنوياً


    عدد كراسي طب الاسنان تتراوح مابين 27-25 كرسي
    بينما عدد خريجو الثانوية العامة في سنة 2014 وحدها بحدود 30 ألف طالب وطالبة
    المصدر: http://www.moe.edu.kw/News/73343

    يبقى على لسان طالب الثانوية الراغب بدراسة طب الاسنان في جامعة الكويت سؤال برهبة: هل سأكون مثالياً بما يكفي ليتم قبولي؟


    أنا مجرد خريجة ثانوية تحلم بطب الاسنان بشدة ، و صوتي مهما كان صحيح وواقع ما راح يكون مسموع ، او حتى لو انسمع ماراح يكون ذو تأثير كبير على المسؤول عن توقف زيادة عدد الكراسي!

    أنا شخصياً ما ادري منو الجهة المسؤولة بالتحديد .. لكن مو معقولة الكل يقول أنه ما يقدر يغير شي!!
    -رابطة طلبة الطب الكويتية
    -عمادة كلية الطب
    -إدارة مركز العلوم الطبية
    -مجلس عمداء الجامعة
    لهم صوت و قرار مسموع بالتأكيد بخصوص هذا القرار.
    قال دكتور باروت في موضوع آخر «....الي حاط أماله بزيادة مقاعد القبول .. هالشي مو بيد الإدارة ولا الرابطة ولا القوائم .. بيد الحكومة بسبب عدم التنمية وعدم وجود كلية أخرى....»

    اتفق معاك السبب اهوا عدم التنمية والامبالاة من بعض الجهات، لكن دكتور هالشي لازم نحاول نوقفه عند حده، هالنوع من المشاكل مو نوع يحله الوقت بروحه ، على العكس تماماً هالنوع من المشاكل اهوا النوع اللي يتدهور مع الوقت ، قاعدين نتكلم عن مستقبل طلبة، و تطور و ازدهار ديرتنا الكويت.

    ولكي لا نظلم احداً بالفعل كان لهم بعض التحركات بخصوص زيادة عدد الكراسي وفي كل مرة يتم رفض القرار .. لكن نرجو ان يتم دراسة الموضوع مرة ثانية .. هالقرار بيصب بمصلحة الطالب و مصلحة مرحلة تطور التعليم في التخصصات العلمية الطبية في الكويت.


    يتم رفض قرار زيادة عدد الكراسي بـ ادعاء أن الميزانية غير متوفرة!
    *يعني في ميزانية حق البعثة الخارجية بس حق جامعة الكويت تخلص الميزانية :d *

    المطالبات هي:
    المساهمة بقدر الإمكان زيادة عدد كراسي كلية طب الاسنان -توفيير ولو على الحد الادنى 20 كرسي اضافي لما فيه من مصلحة تعود لهذه الارض وشعبها ولضرورة وجود مثل هذه التخصصات العلمية في الوقت الحالي.

    وأطالب بأن لايتم التهاون والتأخير في الموضوع اكثر من كل هذه السنوات.
    وأن يتم اخذ مصلحة هذه البلاد وشبابها الطامح بعين الاعتبار

    *أرجوكم نورونا اذا في سبب ماذكرته عشان ينرفض قرار زيادة عدد الكراسي..

    نهايةً، أحب اشكر كل من ساهم بانشاء وتطور هذا المنتدى المفيد ليتم تبادل الآراء ، وبالاخص اشكر دكتور باروت على جهده و اهتمامه.
     
  2. Guest

    Guest ku-med.com

    صراحة كلام عين العقل عالاقل لازم يكون 50 طالب/ة طب اسنان عدد قليل اللي ينقبل كل سنة مو معقول شعب كامل ينقبل منه 25 (شباب+بنات) احنا نبي ندرس بجامعة الكويت لانها جامعة قوية ومانبي نتغرب نبي ديرتنا....
    لازم يتم اتخاذ قرار باسرع وقت لزيادة عدد مقاعد طب الاسنان وكذلك البشري لما فيه لمصلحة ابناء الكويت
     
  3. Guest

    Guest ku-med.com

    انا تخرجت من الثانوية العامة السنه اللي طافت بمعدل امتياز ولله الحمد وكان حلم حياتي ادرس طب اسنان و الاهل ما رضو ادرس برا وكنت حاطه املي على جامعة خاصه لطب الأسنان اسمها aums ولكن لسوء الادارة راحت علي وعلى وايد طلبة غيري سنه كامله لان كانوا ناطرين هذي الجامعة وما فتحت و طبعا حاولت اعيد القدرات مره ومرتين بس راح تكون مجازفه كبيره لان لو دشيت اول سنه وما يبت معدل راح تكون ماره على شهادتي سنتين وراح اتوهق وشي ثاني ما اتوقع ابدا اني راح اكون من ضمن ال 25 طالب اللي راح ينقبلون طب الأسنان فشالفايده فعشان جذي اضطريت اني أقرر ادش هندسة و اهدم حلم طب الأسنان مع الاسف :(
     
  4. purple heart

    purple heart

    Staff Member Consultant
    Joined:
    ‏27/7/13
    Messages:
    95
    السلام عليكم

    معاكم حق فعلا احنا نحتاج نزيد مقاعد الاسنان بالكويت..اللي اعرفه ان الإمكانيات ما تسمح..مثلا الغرفة اللي يتدربون فيها الطلبة اللي داخلها رؤوس صناعية واسنان تركيب ما تكفي..ولكن هذا مفروض ما يكون شي يعيق دولة ما عليها قاصر مثل الكويت وبعدد خريجين كبير كل سنة
    ليش نخلي عيالنا يغتربون؟؟ ببساطة نزيد المقاعد وكل الإمكانيات

    انا لو باعترض على كلامكم باعترض على شغلة وحدة..ليش تقولون ان رابطة الطب وعمادة الطب مسؤولين ؟؟ عمادة الأسنان اهيه المسؤولة..ونتمنى نشوف جهود من جمعية الاٍسنان..وحتى جامعة الكويت اهيه المسؤولة مع عمادتها..احنا الحمدلله جهودنا بالرابطة اثمرت ان نثبت معدلنا..وفصلنا الصيدلة عننا..ونقبل عدد اكبر بالبشري..الاسنان ظل على حاله وما اشوفه مسؤوليتنا ابدا..

    اكيد اللي صار خيرة للجميع لو ما انقبلوا بالكويت..والله اعلم..الواحد اهم شي يتوكل على الله ويبذل الأسباب ويصلي استخارة وعسى الله يوفق الجميع
     
  5. Guest

    Guest ku-med.com

    للاسف محد يسمعنا ولا شي يخلون الطالب غصب يتغرب :(
     

Share This Page