11' كل ما تريد معرفته عن سنه ثانيه ( الكورس الاول )^,^ fb1 + english 183

Discussion in 'سنة ثانية' started by dr.dark0.o, ‏8/9/14.

  1. dr.dark0.o

    dr.dark0.o

    Trainee
    Joined:
    ‏7/4/14
    Messages:
    2
    مبرووك القبوول و ولكم تو ميدسن واخيرا صرتوا مقيدين :blush:
    النصايح اللي كاتبتها اهيا عباره عن تجربتي الشخصيه و الاشياء المهمه اللي فادتني وايد اني اييب قريد حلو

    183 :
    ناس وايد تسحب على الكلاسات وهذا غلط الفرست امبرشن من الدكتور واايد مهم لانه كل شي بايده .. الايسي و البرزنتيشن و الريسيرج كلهم بايده .. ودام حط بباله انه هالطالب ما يهتم و يغيب و يسحب هالشيء راح ياثر على تقييمه لك و هم اذا بنفس الوقت شاف انك طالب مجتهد تسوي الهوموركات و تحاول راح يرفعك .. شخصيا المس مالتي رفعتني واايد ومشتلي وايد اغلاط بسيطه و عطتني قريد قوي بالبرزنتيشن لاني كنت احافظ على الحضور و احل واسال دايما .. صج انه 183 ما يدش بحسبه ثانيه بس ياثر على المعدل .

    اكيد بتسالون شلون

    اف بي ون و تو و اي اند اي كل واحد منهم يعتبر كورس بروحه ولكن الحسبه حق سنه ثانيه راح تكون عباره عن هالثلاث كورسات و تقسيمهم مع الفاينل .. اما 183 تعتبر جنها ماده ماخذها زياده على هالسنه يعني جنك ماخذ صيفي قبل سنه ثانيه وهاذي الماده الوحيده فما تدش بحسبه ثانيه بس تدش بحسبه المعدل العام حق الطالب الجي بي ايه .. جنك قاعد تدرس سنه اولى وبعدين صيفي 183 وبعدين سنه ثانيه ..اتمنى وصلت الفكره :$.. ركزوا واايد بسالفه السايتيشن و الريفرنسز وايد يحبونهم و يسالون فيهم .. وبعض الدكاتره يطلبون منك تطبع الريفرنس (البحث اللي خذيت منه معلوماتك ) ..طلقو ويكيبيديا لانه راح يوديكم بداهيه الدكاتره يكرهونه


    بالنسبه للريدنج واللسننج .راح يكونون ادق و ميديكل مور .. لانكم خلاص مقيدين و دكاتره محد راح يدلعكم بعد .. دايما جيكوا على اغلاطكم بالايسي وخلو غيركم يصلحها ..

    "اللي يبي ماي ايسي و الاوت لاين مالي خل يعطيني ايميله و ادزله ياه و يقدر ياخذه مودل يمشي عليه خاصه اللي عند مس زوفيج ..بس ترا طريقه كل دكتور عن دكتور تفرق فلا تعتمد على مالي كبيرفكت اكزامبل للاسف النسخه اللي عندي مو اخر وحده سلمتها فاحتمال تلقون شوي قرامتيكل ميستيكس .. عالعموم اهوا للافاده "




    fb1 (foundation block one )::-

    الدكاتره اللي راح اذكرهم كانوا على ايام دفعتي 2011
    فاونديشن يعني اساس .. اساس يعني كل شي ..فاللي ما عنده اساس صح وقوي راح يضيع بال 7 سنين اليايه و راح يتمصخر من الدكاتره .
    .انت داش طب ..يعني السالفه سالفه انقاذ ارواح ناس .. وهالناس سلمت نفسها بين ايدينك وكلها ثقه فيك .. فاذا ناوي تسحب على لكجرات و تقط نوت و تخلي فلان وعلنتان يوقعلك و تفكر بالريست عشان تدرس اكثر وتنجح .. راجع نفسك و اقرا اول جمله كتبتها ..

    زليون دكتور يتخرج بالسنه من الكويت و الصين و امريكا و ايرلندا والخ ..بس دكاتره معينين اللي نعرفهم و نثق فيهم و في دكاتره لو تموت ما تروحلهم ؟ ..شالفرق؟ الفرق شيين
    1) يعرفففف شلووون يعالج ما راح يلعب فيك

    2) انك تكون طيب وحبوب و تعامل المريض مو من فوقيه و نرجسيه ..

    ما راح تفيدك النكت اللي تقطها عشان تضحك المريض اذا انته ما عرفت تعالج .. فاسس نفسك صح..اذا ناوي تكون دكتور عادي محد درا عنك والمرضى مايثقون فيك .. ادرس بس عشان الامتحان مو عشان المرضى !!!!

    زفيتكم وايد ادري بس عشان تبدون صح ^,^ .. نبدي بالمواد


    1) الاناتومي


    الماده اللي نص اللي داشين طب عشان يحبونها .. اناتومي يعني تشريح يعني راح تاخذ طبقات الجسم و اعضاءه ..شنو اهيا طبقات الجسم ؟


    ( اول شي جلد فيه اعصاب و فيه اوعيه دمويه وتحت الجلد في العضلات و العظام و تلقى الاعضاء المهمه مثل القلب والمعده والخ تحت العظام وهالاعضاء تغطيهم اغشيه )



    وبما انكم فاونديشن راح تدرسون اول شي الخلايا اللي تكون الجلد وهالاغشيه وغيره من طبقات الجسم واسمهم (ابيثيليم - تدرسها دكتوره عليا ) وبعدها (الدم -د.عليا ) وبعدها العظام (د.عليا ) وبعدها (العضلات - د.راو ) وبعدها (الاعصاب - خالد خان ) وبعدها تاخذون القفص الصدري والبطن - د. هبه وعن( بدايه تكوين الجنين - د. نارينا )


    د.عليا/

    مهم تحضرولها لانه راح تحفظون معاها كل اسئلتها من النوته ما تطلع برا النوته .لا تسولفون بالمحاضره و اهيا تحب الطلبه اللي يتفاعلون معاها فعادي تسال فجاه و تفشل اذا طالب ما جاوب بمعلومه توها قايلتها فركزوا منعا للاحراج :$


    د.خالد خان /

    تفريغ تفريغ تفريغ مهم تفرغون حتى الكحه -_- وحتى النكته لانه عادي تكون نكتته سؤال بالامتحان ومهم تشترون كتاب كلنكل اورينتد اناتومي وايد مهم انكم تبطلونه اييب اساله من الكتاب واسالته مو مباشره

    د.راو و د. نارينا /

    يحتاج انك تحضر معاهم بالمحاضره و تنوت لانه عادي يكون في غلطه بالنوته و يصلحها الدكتور بالمحاضره ..بس اسالتهم مباشره بالامتحان .. لكجرات د.نارينا بطلو اليوتيوب حقها لانه شوي تضيع فاليوتيوب يفهم

    د.هبه /

    التفريغ واايد مهم بس اهيا وايد تغلط واهيا تتكلم فاذا غلطت بشغله سئلوها عليها
    المشرحه مهم تحضرونها عشان تعرفون الاعضاء وتتخيلونها وتربطون المعلومات ..نصيحه درسوا النوته قبل المشررحه عشان تثبت المعلومات ..

    اسئله الامتحانات القديمه واااااااااااااااااايد مهمه .. وانسوا كلمه انكم تقطون نوت باف بي ون والله ينضمن و يتفول بعد .. حرام تلعبون باف بي ون حراااام


    2) البيوكيم


    البيوكم راح يدرسونكم عن المواد الاساسيه بالجسم عن التفاعلات الدقيقه اللي تصير بالجسم عشان تكون الاساس للخليه اللي راح بعدها تكون نسيج و بعده راح يصير عضو من اعضاء الجسم .. راح يعلمونكم عن تكوين البروتينات وتفاعلات الكربوهيدات و شلون نسوي طاقه ويستفيد منها جسمنا وغيره .. البيوكيم تفريغ تفريغ تفريغ تفريغ واايد مهم التفريغ .. ادري راح تسالون اللحين حتى دز بينوف و د.كريك نفرغلهم ؟ هذول اهم اثنين تفرغونلهم ..ادري انهم ينومون بالمحاضره بس والله لما تفرغ لهم راح تنصدم من الطريقه اللي يفهمون فيها ..الامتحان ما يطلع من كلامهم ..بس لانه الاغلب ما يفرغ فيقولون الامتحان صعب مع انهم يقولون كل شي .. راح تحتاجون كتاب ليبينكوت حق الصور اللي بنوت د.مي المغربي لانه الصور مو واضحه.. بطلووو يووووتيوب فيديوز ..والله ماتذكرت بالامتحان شي كثر الفيديوات ..الامتحانات القديمه تتكرر منها اساله وايد. ما ابالغ اذا قلت الامتحانات القديمه اهم من النوته.. لا تقطون نوت لا تقطون نوت لا تقطون نوت.. هالنوته عادي اذا ما انسالت فيها اللحين تنسال بثالثه عنها لانها اساس لنوت راح تاخذونها بعدين .. وغير جي تذكرو اذا قطيتوا شي اللحين راح ينقط بالفاينل لانه ما راح يمديك تبطل نوت عمرك ما قريتها


    3) الفيسيولجي

    بالاناتومي تاخذون الاعضاء و بالبيوكيم تاخذون تكوين المواد الاساسيه لتكوين الاعضاء .. اما بالفيسيولجي تاخذون شنو وظائف هالاعضاء ..شلون تشتغل و شنو تسوي .. د. حميد الصراف راح يعطيكم اكثر المحاضرات وايد مهم تركزون معاه كل شي يقوله مهم ..وخلو الريب يقوله انه يسويلكم لكجر يراجع فيها الاشياء المهمه لانه كل اللي يقوله بهالمراجعه اهوا بالضبط الامتحان حتى الارقام .. التوتوريال واايد مهم تفهمونه و تحفظون القوانين .. بعدها راح يعطيكم د.هنكل لازم تفرغونله .. د.تورجاني حضروا دورات لانه حتى التفريغ ما يفهم .. الفيسيولجي ماده تنضمن خاصه انه دكتور حميد راح يعطي معظم اللكجرات


    4) sdhi & HE

    سوشيوديموقرافيك مادري شنو .. المهم الزبده ..الكتاب وايد مهم لانه الدكتوره اللي كاتبته اهيا اللي تدرسكم و تحط الامتحان فراح تحلل السنين اللي راحت من عمرها تكتب هالكتاب.. فاشتروه و حفظوه ^,^ وايد وايد وايد مهم ..


    1/ اول لكجرات راح تكون ديموقرافي تقريبا اهوا نفسه احصاء 12 .. يعني كله رياضيات برياضيات تحسبون معدلات الوفاة و الولاده والنسب والمتوسط والخ .. شي وايد سهل اذا درستوه من الكتاب والنوت .. وحفظتوا القوانين


    2/ القسم الثاني اهوا سوشيولوجي .. اهوا علم الاجتماع وبما انه طب فانتوا راح تقارنون المجتمعات الطبيه يعني شنو ؟ يعني راح تتكلمون عن الفرق بين الطب بالكويت و برا وسيستم المستشفيات راح تتكلمون عن قضايا المراه و الطب و عن القتل الرحيم والخ .. النوت وايد مهم و الكتاب بس تستعملونه عشان تجاوبون الاسئله اللي بنهايه النوته ..هالاسئله وايد مهمه و تدخل بالامتحان



    3/ الHE الهيلث اديوكيشن .. راح يعطونكم جم لكجر بس نوته وحده فيها تقريبا 30 صفحه شي جي ..اللكجرات ضحك:$ اللي يقوله الدكتور شي و المحاضره عالم اخر .. المهم بالموضوع انه تحضرون لانه يحاسب عالحضور وينادي الاسامي .. اسئلته مكرره من الامتحانات القديمه و هم اهوا راح يسويلكم توتوريال يقولكم الاشياء المهمه بالامتحان .. مو زين الدكتور يطنقر عليكم نفس ما سوا بدفعتي و ياب اساله مو من الامتحانات القديمه من النوته و كان العموم قاط النوته :( .. ماودي اقول جي بس صج حضروها فور فن

    الكتب اللي تحتاجونها
    1) lippincott's biochemistry
    2)atlas of human anatomy by netter
    3) essential clinical anatomy by moore
    4) medical sociology by cockerham
    5) medical demography by nasra shah
    6) 183 english


    موفقييين و im so happy اني رديت اكتب بالمنتدى

    ثانكس تو @sh_alhamdan
     
  2. purple heart

    purple heart

    Staff Member Consultant
    Joined:
    ‏27/7/13
    Messages:
    95
    الله يعطيج العاااافية
    ما قصرتي على مجهودج
    وتسلم ايدج

    متأكدة وايد طلبة راح يستفيدون منه
    ومتشوقة نشوف مواضيع أكثر منج
    :blush:
     

Share This Page