‍ أساتذة مادة اللغة الإنجليزية

Discussion in 'السنة التمهيدية | سنة أولى' started by Dr.ParroT, ‏12/8/14.

  1. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    138
    بسم الله الرحمن الرحيم

    السلام عليكم ورحمة الله وبركاته


    قول لنا رأيك في [ طريقة تدريس ] أستاذك للمادة English 181 أو English 182 وأي نصائح تفيد المستجدين عنه :)


    أساتذة المادة
    Instructor
    Zovig
    Alexine Meltzer
    Ayesha Kamal
    James Mayes
    John Rubino
    Thomas Wood
    Ahmed Bhuiyan
    Haya Al-Ansari
    Mariam Algharabally
    Nora Al-Selaiti
    Michael Phelan
    Patrick Mcmahon
    Sunita Sethi


    الرجاء عدم كتابة نقد لشخص الأستاذ
     
  2. Guest

    Guest ku-med.com

    Mr.john rubino
    181
    وايد شديد بالقريدات ودقيق بالرايتنق بس يحب يتغشمر ويطفر الطلبة ويحسسهم انه مايقدرون يكملون بهالكلية مو عشان يكسركم بالعكس عشان تصيرون اقوى وتثبتوله انكم قدها
    يحب شغله وشرحه ممتاز ومميز مو مثل باجي التيجرز والكلاس يونس لانه وايد فيه اكتيفتي

    Mr.thomas wood
    182
    ماقدر اقول الا انه عجيييييييييب طيب وكريم بالقريدات ويحب يساعد الطلبة ومايقصر معاهم
    اعطيه 10 من 10 مع انها شويه بحقه :)
     
  3. Failecha

    Failecha ku-med.com

    This is a general advice for the subject!

    Okay here's the thing. Forget everything you know about grammar and follow whatever the doctor says! Each doctor has different rules but if you follow them you'll be safe! That's for writing.


    As for, listening I suggest you practice those skills by taking notes during lectures! Take notes during physics, chemistry, biology! Kilshai! It's not only good for English but also for those subjects "obviously" xD!


    I hope I helped even in the slightest ^.^!

     
  4. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    138
    شكرا ً للجميع على التفاعل الطيب :)

    مس إليكس
    [ English 181 ]

    أول ما طحت عندها الكل يقول زينه بالتأسيس
    أول يوم راح تجمع منكم فلوس المقصف .. أقصد فلوس حق أوراق التمارين :sweatsmile: .. راح تتكفل اهي وتصورها لكم وتوزعها عليكم
    أوراق التمارين وايده لازم يكون عندك فايل عشان ما تضيع الأوراق ..
    طبعا بعد في شغلة مهمة راح تشرح لكم أياها واهي براءة اختراعها لأسمها aleyx بدال لا يكون فيه بالعاده i صار y :grimacing:
    عندها طريقة بعد وقت تمارين الكتابة والتعبير توزع الطلبة إلى قروبات صغيره بحيث كل قروب يتكون من 4 أشخاص يساعدون بعضهم بعض .. طبعا التوزيع عشوائي وعلى قولتها تحط اثنين شطار باللغة مع اثنين يعني 50% 50%

    ومرات تخلي المشاركة بكتابة التعبير بشكل جماعي على الكمبيوتر ..
    طيب تقدر تثبت نفسك عندها بس لا تقزرها يعني أهي من النوع الي تحب تساعد الناس الضعاف باللغة .. إذا كل مره راح تشارك بالأسئلة الي تقولها يمكن توصل لمرحلة أنها تسكتك وفعلا صارت مع أحد الطلبة عشان تعطي فرصة للغير
    :grimacing:

    الدرجات معاها بالتعبير زينه وخصوصا أنها تحنج وقت التمارين عشان تستفيدون صح بس وقت الامتحان نوعا ما فيه مرونه على حسب المزاج .. اذكر شقتنا بأخطاء الـ coherence والانقلش سكول coma splice xD


    مستر جيمز ميز
    [ English 182 ]

    ما أدري .. الوقت حييييييييييييييييييييييييييل بطيئ معاه
    وخصوصا أنه يخلينا نقرا كل كلمة بالكتاب !!
    وقت تمارين الكتابة يخلي كل اثنين مع بعض .. أو يطلع الناس على السبورة تكتب وإذا في خطأ يطلع واحد ثاني يدور الغلط ..
    ما أدري ما عجبني تصحيحه أو أنه المشكله مني وقت الامتحان :sweat:

     
  5. ريان الريان

    ريان الريان Trainee

    Joined:
    ‏24/7/13
    Messages:
    6
    السلام عليكم

    ((اليكس ١٨١ ))

    تدريسها قوي جدا واجبات وتاسيس مظبوط تدرس من دقيقة لاخر دقيقة

    اذا عرفت تتعايش وتتحمل مع تعاملها الصعب وشدتها غالبا هتطلع قوي في الانقلش وتعدي ١٨٢ و ١٨٣ من غير ما تدرس


    ((بسمة ١٨٢))

    تدريس انجليزي شوية والباقي قصص غريبة عجيبة مالها اي علاقة بالدراسة
    التصحيح عالمزاج وانت وحظك
    ولكن تعاملها راقي جدا وطيبة وفي الغالب طالب واحد بس بياخد a
    اذا كان يعرف شنو يناقشها ولازم يكون انقلش سكول

    وشكرا

     
  6. Guest

    Guest ku-med.com

    هيا الانصاري

    زينه وتشرح وايد
    بس كلاسها ممل حييل
    تشرح من قلب وتعطي بس هم انت لازم تتعب معاها
    ماتطول وايد يعني غالبا كانت تطلعنا مبجر قلييل تطلعنا 12
    طريقتها بالشرح يكون على الكمبيوتر وتكتب ببرنامج ال word ويبين على الشاشه
    انا كنت احاول الحق على الكتابه بدون لا افهم وهذا اللي خرب علي
    فانتو حاولو ان تكتبون مجرد tips وبالبيت كملو الجمل
    وكانت تسوي قروبات ان نكتب الفقره مع بعض فيستلم الكتابه شخص او شخصين شطار والباقي سوالف وانا منهم طبعا :p
    قراءتها للسنق بطيئه وواضحه وحلوه
    تصحيحها حقاني حيل وماتطوف شي
    واجباتها تكون قطع الريدنق اللي بالكتاب وثاني يوم تناقشهم معانا على السريع
    بس نصيحه مهمه اذا تبون درجات زينه بالرايتنق حضروا الفقره بالبيت وكتبوها وثاني يوم لما تكتبها معاكم تعرفون اغلاطكم وتناقشونها اذا جملكم صح او غلط

     
  7. purple heart

    purple heart

    Staff Member Consultant
    Joined:
    ‏27/7/13
    Messages:
    95

    Ayesha Kamal
    181 English

    بالنسبة لي واعتقد لأغلب الطلبة الي كانوا عندها بهذا المقرر فاهيه the perfect english teacher

    بدون اي مبالغة

    تأهلك لكل شي بهذا المقرر من ليسننق وريدينق وقرامر وحتى الرايتينق

    دايما كلاسها الاعلى بالدرجات

    وحتى محاضراتها وااااايد ونيسة يعني وقت الجد جد تعطي نصايح من قلب..تدرب على الكتابة..وتكثف التدريب قبل الامتحان

    وحتى بعد الامتحان تعرض شنو اكثر الاغلاط صارت وترد تصلحهم معانا

    أسستني حيل الله يذكرها بالخير خصوصا بالرايتينق..خلتني مينونة قرامر ودرجاتي كلها باقي على الفل مارك 0.1 ولا 0.2 وغلطتي تكون سبيلينق ولا شي تافه

    والحلو فيها ان خلصنا مبجر نطلع..وساعات اليوم يتحول لكلاس نلعب معاها واللعبة تكون لها علاقة بالانقليش

    وايد تفتح المجال للسؤال او الاستشارة..اوراقها عجيبة سواء اثناء التدريب او للنصايح

    لدرجة اختي العام بسنة أولى عطيتها الاوراق واستفادت منها حتى كلاسها

    وحقانية بالدرجات



    Jeanie Al-Fuhaid
    English 182

    مازلت اذكر اول اسبوعين لي بكلاسها كنت "مطنقرة"

    السبب بسيط..انتقلت من الانسانة الشديييدة واللي كل شي بيرفكت..الى الدكتورة اللي عادي..وشتحسون فيه؟ اثنينهم يصلح للرايتينق

    بس بالنهاية حبييييييييتها..حيل حبوبة وطيبة..تدرس زين اهيه مجرد اقل شدة واكثر حبابة
    وبعدين تأقلمت على طريقتها بالكتابة وعرفت شنو تحب او تكره

    ودرستنا زين للرايتينق ودربتنا حتى الليسننق والريدينق

    كانت تسوي خطوة حلوة ان القرامر كل طالبتين يشرحون قاعدة ويسوون اوراق تدريب..مثل نسوي شرح ولو في غلط اهيه تصحح

    كانت تدرسنا حتى الفوكابلاري مع ان مو مطالبة فيه..تتابع دراستنا فيه وتسوي لنا لعبة واللي تجاوب لها هدية

    فصار الكلاس يونس..كنت متأسسة عدل وصار ريلاكس هالكلاس وقدرت اكسب درجة اعلى..حتى اذكر مرة لقيت غلطة لي واهيه حاسبتها صح..كلمتها اني ما استحقها قالت خلاص هدية انا صلحت ورصدت الدرجات
    بس شوي يبيلكم تسئلونها اكثر شنو اللي تحبه او تعارضه

     
  8. Guest

    Guest ku-med.com

    Mr.john rubino
    ( 181)
    حيييل دقيييق بالتصحيح وشديد وما يلتزم بالكتاب .بس يأسس سواء بالرايتينق اواليسينينق وهالشيء راح تحسون فيه بس اذا رحتوا 182 .كلاسه واسلوبه مميز عن الباقي لانه يدرب الطالب انه يعتمد على نفسه بكل شيء وان ماكو شيء سهل لازم تتعب عشان تحصله للامانه كلاسه ممتع ومتعب بنفس الوقت.اذا اجتهدت ان شاء الله بتاخذ قريد حلو
    لأن في اشياء كثيره يدقق عليها ويحاسب واهي مو مهمه وبالكلاسات الثانيه ما يركزون عليها حييل وبعض المرات اصلا ما يحاسبون عليها.


    Ms. Haya
    (182)
    عجييييبه بمعنى الكلمه من كل النواحي تشرح كل شيء بالكتاب بالتفصيل وحتى تصحيحها عجيب تلتزم بالكتاب وتعطيج حقج وكانت لما تتكلم معانا حيييل تشجع وترفع المعنويات انا عن نفسي بعد كل امتحان رايتنق كنت اروحلها وتقرا معاي الامتحان كله وتصححه جدامي وتناقشني شلون اذا بصحح غلطي و وشنو الي ممكن اغيره بالجمله عشان تصير احسن. مس هيا تحب النظام والالتزام و قرائتها عجييييبه تقرا كلمه كلمه والاكسنت حييل واضح. واحلى شيء فيها انها واضحه بالتعامل يعني باول كلاس بتقولكم شنو تبي منكم وشنو الي ما تبي وبالامانه كنت بكل شيء اسالها ما تعصب وما تتنرفز وتشرح الشيء اكثر من مره لما تتاكد انه وصل صح. وحتى الفوكاب مرات كنت اسالها اذا مو فاهمه الفرق بين كلمتين لهم نفس المعنى تقريبا كانت تشرحلي وتعطيني امثله لما توصل المعلومه . نظامها بالكلاس توزع الطلبه بقروبات ويكتبون مع بعض وتصحح لهم انا هالطريقه حييل فادتني لان لما تتناقشين مع الطلبه تشوفين الموضوع باكثر من زاويه واكثر من فكره .


    واخر شيء حبيت اقوله كنصيحه عامه لسنه اولى :

    اعتمد على نفسك واجتهد وتوكل على الله وركز على هدفك بس لا يشغلك عنه اي موضوع جانبي . سنة اولى كمحتوى سهله صعوبتها انك طالب مستجد مو عارف النظام وطبعا المنافسه. انا للامانه كنت اكثر وحدة اتحلطم ومتازمه بس بالكورس الثاني استوعبت ان الغلط مني لاني ما عرفت شلون انظم وقتي ولاني كنت اراكم . درسوا اول باول واسئلوا الدكاتره والطلبه الي اكبر منكم و ساعدوا بعض وموفقين ان شاء الله .
     
  9. Guest

    Guest ku-med.com

    181
    مس مريم
    كأنها ابله بمدرسة تهتم بطالباتها حيييييل وتعرف كل وحدة فيهم اذا محتاجة اي شي صدرها وسييع بس مشكلتها كانت معانا انها جديدة فقوانينها ما كانت واضحة لنا، تبي التزااام و تدقيق و طوولة بال كلاساتها مو مملة كلش و تحب تساعد حييل بس تنغث من التفلسف الزايد وتحب التنظيم يشكل يعقد حتن اذكر اول السنة كانت تخلينا نكتب الهوم وورك كأنه امتحان :( بس لا تحاتين اذا كنتي عندها


    182
    مس لويس

    مس لويييس اخ ياا مس لوويس!! من ناحية الدرجات فوضعها عاالي العااال عادي تفوول الرايتنق معاها بس كلاااسهاااا موووووووت بطييييييء ممل بشكل خياالي تركز على اشياء بسيطة و تبي تحل كل شي بالكتاب و هوم ووركاتها ما تخلص بس طيبة حييل ، عطووها جووها و طولوا بالكم مع قرقتها اللي ما تخلص و سئلووها عن كل شييي كل شييي عشان الرايتنق لأنه اذا ما سألتوا بتضيعوون
     
  10. anonymous326

    anonymous326 Trainee

    Joined:
    ‏4/9/14
    Messages:
    1
    181
    مستر احمد
    كان يديد لما درسني وكسر خاطري انه القسم نفسه ماعلمه شنو المطلوب منه فكنا نساله ويقول اردلكم خبر باجر ... اللي تحتاجون تعرفونه انه طيب وايد وما راح يقصر من ناحية انه اذا احتجتوا تعرفون شغله راح يحرص انها توصلج .. بس من ناحية التدريس لازم انتي تسالين عن كل شي وحاولو تاكدون انه تبي نكتب جذي ولا جذي ؟؟ واهوا مو من النوع اللي مولازم شغله معينه على طريقته يعني الدراسة للرايتنق تقريبا على الكتاب وحاولو انه يصلح لكم وايد عشان تعرفون طريقته


    182
    مس لويس
    كلاسها عباره عن سوالف وبس انا شخصيا ما كنت استفيد منها اعتمادي الاول على الكتاب والصراحه تنقال اهيا لما كنا نسالها ما عندها جواب واثقه منه فاذا شكيتو بشي من القواعد سالوها واكدوا انكم تسالون "شنو تبين احط هاذي ولا هاذي ؟" او " اذا حطيت جذي بتحاسبيني؟" لان اتذكر وهقتنا تقول اثنيناتهم عادي وبالتصليح تغير رايها :confuse:
    اللي لازم تعرفونه انه بكلاسها اذا اعتمدتي على نفسج وشديتي حيلج شوي تقدريين اتيبين A باذن الله ما هي مستحيله بس لازم تركيز حييييل قوي بالريدنق والليسينينق لان انا ما كنت اييب درجات زينه بالرايتنق .. اقصد بشدة الحيل مو تعب وهلاك بس انج تحرصين على قواعد الكتاب ابسطها يوم قبل الامتحان هم حلوو:grinning:
    وبالتوفيق:innocent:
     
  11. مجند طبي

    مجند طبي Registrar

    Joined:
    ‏16/7/14
    Messages:
    30
    English 181

    مس كريستين

    طيبة لابعد الحدود و تحترم طلبتها وتساعد جدا

    وتشرح من قلب وضمير ....و ترحب بالاسئلة

    وتقعد ساعة كاملة ورا الكلاس "منها" تستقبل الاسئلة

    وللعلم ..>> متعلمة لغة عربية من مصر ...ديربالكم ترا تفهم لوووول


    English 182

    مس جيني الفهيد

    صراحة شرحها جبار و ضابطة الكلاس وروحها حلوة

    واللي يعجبني فيها انها تخليك تدرب عندها بالكلاس

    فمايحتاج ترد البيت تدرب خصوصا في دورات ورا الدوام والواحد يرد بيته تعبان

    ففعلا كانت مستثمره وقت المحاضرة في المفيد

    وتقييمها بالرايتنغ ممتاز وتساعد


    باختصار

    افضل مدرستين في القسم برايي

    مس جيني ومس كريستين
     
  12. دانه جعفر

    دانه جعفر Trainee

    Joined:
    ‏12/7/14
    Messages:
    1
    (English 181 ( Miss Mariam
    مس مريم في البداية اول ما شفتها كنت حسبالي انها شديدة و مملة بس طلع العكس تماما ، من اول كلاس اتذكر كانت وايد حبوبة و تضحك ، بالنسبة لتدريسها عجييب و تعطي من قلب و مخلصة فوق ما تتصورون و تفهم ، كانت تصلح كل ورقة مالت الرايتنق و لا مرة عطتنا الموك ( الفقرة النموذجية ) بدون ما قبل اتصلح اوراقنا ، و اليوم الثاني كانت تشرح لنا الأخطاء الشائعة و هذا يخلي المعلومة تثبت ، و همن مرات كانت تكتب لنا ملاحظات تشجيعية على اوراقنا ، و اهيا وااايد طيبة و تهتم بطالباتها حييييل ، حتى بامتحان الفاينل كانت تتطمن علينا و اذا شافت وحدة خايفة اتهديها ، كلاسها مو ممل بس طويل اتطلعنا على الوقت او مرات نقعد زيادة ربع/نصف ساعة حسب متى انخلص الرايتنق ، بس مستعدة تقعد مع وحدة اتفهمها اذا في وحدة كانت ضعيفة بناحية معينة ، المشكلة بس مع مس مريم ان اهيا ما تحب السوالف في الصف و لا ان احد يطلع التليفون و لا ان احد يقاطعها لان راح تعصب ، التاخير اذا وحدة تاخرت شوية عادي عندها ما تعصب او تحط غياب ساعة كاملة بس همن الاحسن ان تحضرون على الوقت ، الرايتنق مس مريم وايد شاطرة فيه و مو وايد اتدقق فيه يعني اذا القسم قالها على كيفج اذا تبين تنقصين او لا ، ما راح اتنقص ،مس مريم اهيا من احسن المدرسات فالبنات اللي راح يكونون عندها راح يكونون وايد محظوظين :RpS_rolleyes:
     
  13. dr.dh

    dr.dh Trainee

    Joined:
    ‏13/6/15
    Messages:
    2
    181. (Miss alyx)
    قويه من ناحيه تاسيس و جذي و لااازم اتحبج و تحس انج مهتمه بالماده انا للاسف ماكانت تحبني و كنت ما احبها و بكلاسها كله اتحبط و اطالع الساعه ابي الوقت يمر و تعطي وااااااااايد اوراق ما تلتزم بالي موجود بالكتاب تبيكم تدرسون من اوراقها و لازم عندكم فايل لانها تعطي اوراق وايد و دقيقه حييييل من ناحيه الحضور يعني ان تاخرتي ثانيه تحطلج تاخير عكس باجي الدكاترة و تحللل وقت الكلاس يمكن تطلعكم قبل الوقت اب ربع ساعه و تعطيكم وااااايد هوم ووركات و رايتنق و تخليكم تشتغلون قروبات اهيا توزعكم على كيفها و حدها مزاجيه و تكتبون الرايتنق معاها بالكمبيوتر و تدزلكم اياه ايميل .. انا عن نفسي ما اشوفها الافضل و لا الاسوأ بس حسيت بالفرق لمن رحت 182 صارفيني لو كنت مركزه عدل اب 181 جان صج كان تاسيسي قوي اب 182 .. و من ناحيه تصليح عادي مرة تمشي مره لا .


    اب 182 كنت عند جيمز ميز
    لازم تسمووونه مستر ميز ما يحب احد يناديه جيمز
    الدكتور حيييييييييييل حيييييييل طيب و حبوووب صج صج فرق عن 181 حبيت كلاس الانجلش و الوقت مر بسرعه لان ما يقعدج فاضيه كله تشتغلين و ما يشرح بس يقرا الكتاب و يخليكم تقرون كل وحده تقرا صفحه و يقوم على ترتيب الاسامي و يخليكم تكتبون على اللوحه و الدكتور حيييل هادي و تصليحه عجيب يطوف وايد و يقط نكت بالكلاس مره تضحك مره لا ... اهم شي اهم شي ان يحب كلاسكم علشان يطوفلكم و يمشيكم و لا تطفرونه و لا تغيبون. وايد يعصب ...طبعاا يحلللل وقت الكلاااااس عدلللللل يستغل كل ثانيه و اذا قالكم بطلعكم مبجر صج يطلعكم يعني قبل وقت الكلاس اب ساعه و نص انتو طالعين . اي و ما ايي مبجر الكلاس كله يتاخر عشر دقايق او خمس دقايق و عادي اتدشين وراه ما يحط تاخير هذا احسن شي فيه .
     
  14. Guest

    Guest ku-med.com

    181
    نورة السليطي
    وايد طيبة وتشرح عدل و تلتزم بالكتاب فمستحيل تظلم أحد بل بالعكس دايما تساعد
     
  15. Blank

    Blank ku-med.com

    181
    مس alyx
    باختصار اللي اتذكره انه مزاجها كان حيل صععععب بس الاهم من هذا انه تشرح بضمير وتطلعنا من الكلاس فاهمينا بعد ما تخرعنا طبعا بس وااايد استفدت من كلاساتها لي الحين اتذكرهم تستغل الوقت كلللله وتشرح بضمير والاهم من هذا انه وااايد تعطينا تمارين وما تحب احد يعاندها او يسولف وايد نفسي وتستانس لما الجواب يكون صح الخلاصه سايروها بتطلعون مستانسين من الانقلش وبالنسبه حق الدرجات كانت زينه مو سيئه تعطينا حقنا وو ما حسيت انها ظلمتنا..

    182
    ميز جيمس مادري جيمس ميز
    نظامه ممل شوي ودقيق حيل وكان يخلينا نكتب عالصبوره وطول الكلاس بس نقراا وما كان يشرح شي بس مو سيئ كلش طبعا لانه خلاص نكون تأسسنا ونعرف اغلب الاشياء وبالدرجات ما اتذكر بس هم ما كان حيل سيئ ...
    اتمنى فدتكم ولو بالقليل وموفقين ...
    ويييت تذكرت انه ميز يحب تنادونه ميززززز مايحب احد ينادي اسمه غلط صج يتنرفز ومن حقه xD
     
  16. مــرام.

    مــرام. ku-med.com

    English 181

    كنت عند Ms. eve bispham
    الدكتورة حيييييل طيبة، ومتعاونة، وماتظلم كلللش
    بس مشكلتها انها ماتعرف توصل المعلومة
    يعني مسكينة تشرح تشرح تشرح بس موعارفة توصل لكم المعلومة
    انا عن نفسي سحبت على شرحها وقمت ادرس من الكتاب
    والكتاب فادني حمدلله وشرحه مبسط وسهل
    تعطيكم عادةً سلايدات بوربوينت صوروها بالفون عشان تراجعونها بالبيت

    بس لاتشوفكم وانتو تصورون لان طفارتهاااا شي اسمه فون
    من ناحية تصحيحها حيييل حلو وترفع للي تشوفهم يحاولون وتطوف اشياء واااااااجد وتساعد حيل (بس ماتظلم!) تزيد اوكي، تنقص ظلم لأ

    وكلاسها طووووويييييييل يعني حتى بالايام الي ماعندكم شي تدرسون فيه تخليكم تلعبون وياها عادي

    اكثر شي استفدته منها الليسننغ، الاكسنت مالها موطبيعي


    English 182
    Dr. Basma alshaar

    كانت اول مرة تدرس بنات، على حظي
    كانوا يمدحونها مع الشباب تحبهم وتساعدهم وحتى احنا كانت تقولنا انها تحب الشباب وتحب تساعدهم لان برايها (البنات اكثر من الشباب بالكلية والشباب يستاهلون الكلية اكثر، لان عادي البنت تتزوج وتهد دراستها)

    ماعجبتني، شرح تشرح بضمير صح! بس لما يجي وقت الرايتنغ اسألها عن شي اقولها ليش حطينا هذي هني؟ تقول بس جذي بدون سبب ، منطقياً.. وكانت طول الكورس في اشياء ابي اعرف شلون افرق بينهم موقادره! كنت لما اسالها تقول لي منطقياً، ماتنشرح! لين خذيت اوراق من رفيجتي عند دكتورة ثانيه اوراق مشروح فيها كل القواعد الي كنت ابي اعرفها ومس بسمة تقول لي ماتنشرح لانها منطقية:)

    مشيت عالاوراق وسحبت عليها وحمدلله تحسن الرايتنغ عندي، مشكلتها اذا شافت احد شاطر بالانقلش تحب تتحداه:(

    يعني مثلا بنت ماتعرف تكتب عدل وقريدها بالكورس الاول نازل حيل
    تساعدها وتعطيها فوق حقها
    بس البنت اللي قريدها زين بالكورس الاول وانقليزيتها زينه ماتساعدها! وعادي جداً تحطلج شي غلط وهو اساسا مو غلط! تروحين تسالين كل الدكاتره يقولولج صح الا هي تقول لج غلط وهذا رايي وهذا تصحيحي وكيفي
    كانت تحذرنا ان نروح للكو اوردنيتر عشان يعيد تصحيح الورقة لنا، مادري ليش تحذر بس يمكن لانها تدري ان اعادة التصحيح بتردلنا حقنا وتفشلها، انا شخصياً ظلمتني حيل بالرايتنغ وبآخر رايتنغ صدمتني حيل ورحتلها المكتب ووريتها اغلاطي، توترت لاني جيتها واثقه وبدون ماتناقشني رفعتني بدون ماتجيك على غلطاتي اصلا، ولما جيت بكمل معاها نقاش على باقي الاغلاط قالتلي (مش انا رفعتك هلأ؟) يعني تذل الواحد اذا رفعته حتى لو كان هالشي من حقه، بس انا وصلت مرحلة ان خلاص ختخلص السنه على خير ماني مخلية الكوردنيتر يصلحلي وطاف وطقيت القريد بالطوفة اهم شي ابي اعطّل
     
  17. GUEST

    GUEST ku-med.com

    181. Ms. Eve Bispham
    1. مس ايف تدقق بالوقت ⏰ يعني يُفَضَل ما تتأخرون. (هذه النقطة المفروض ما تكون مشكلة لان انتو طلبة جامعة يعني مو لعب)
    2. المس تيي الكلاس و عندها جدول شنو بنسوي اليوم‍ (و مو كل المدرسين جذي) يعني ما نطلع الا واحنا مخلصين شغلنا✅ وهذا الشي زين لان يجبركم إنكم تتعلمون حتى لو مالكم خلق
    3. بالرايتنق كانت تخلينا نكتب partners مو كل واحد بروحه. جذي تستفيدون من اللي معاكم و بنفس الوقت تصححون اغلاط بعض...و اذا تحسون ان هالتكنيك مو شي عادي ردو البيت وكتبو بروحكم
    4. امشو على قوانينها وسمعو الكلام عشان تحبكم
    5. يمكن توصلون مرحلة اللي تبون تشقون هدومكم من reading and listening لان اتذكر كانت تقرا السؤاااال والجواااب بدال ما بس تعطي الاجوبة.. بس والله تستفيدون

    اهم شي الجهد الشخصي

    Practice practice practice so you can master everything

    اللي عند ايف you should be okayyyy
     

Share This Page