12' مادة الفارماكولجي

Discussion in 'سنة ثانية' started by مجند طبي, ‏25/7/14.

?

هل استفدت من مواضيع العضو مجند طبي ؟

Poll closed ‏1/8/14.
  1. نعم

    3 vote)s)
    100.0%
  2. لا

    0 vote)s)
    0.0%

  1. مجند طبي

    مجند طبي

    Trainee
    Joined:
    ‏16/7/14
    Messages:
    30
    السلام عليكم ورحمه الله وبركاته

    شلونكم ؟ شخباركم ؟

    اليوم ودي أتكلم عن مادة الفارماكولجي أو علم الادوية

    هي تقع من ضمن مواد الفاونديشن بلوك 2....في الكورس الثاني

    كميتها متوسطة خلاف كمية الميكروبيولجي أو السيكولجي "علم النفس"

    عدد المحاضرات تقريبا =21 محاضرة

    الفارماكولجي = 21 نوته + درق لست "القائمة الدوائية"


    شنو الـــdrug list...؟

    هي عبارة عن أسماء الادوية اللي موجودة في بعض النوت وليس "الكل"

    ومطلوب منكم تحفظونهم ...

    تتكلم عن خصائص الدواء وتصنيفه وطريقة عمله و استخداماته

    .....سطر سطرين ..."لاتحاتون مو وايد"


    فكرتها نفس فكرة ايام الثنوي كتاب الانجليزي ....كنا ما نحفظ كل الdefinition

    للكلمات...كانت تنزل لسته .....تذكرون ؟

    وبالعكس ترا هالشي وايد ممتاز وحبب الطلبة بالمادة وخلا الاغلبية تاخذ درجات عالية فيها

    لانها straight forward ....


    الدكاترة.....


    1-oriowo ....

    اسمه غريب ادري
    :RpS_blink:

    راح يعطيكم عن مقدمه في علم الصيدلة و مبادئها ..

    أسئلته في الاختبار ...فوق الجيدة و مباشرة

    2-د.سليمان الصباح

    محاضرة وحده بيعطيكم عن مستقبلات الادوية في الجسم الـreceptors

    شرح الدكتور نوعا ما معقد،،،وفيه لف ودوران

    لكن شرح النوته أفضل ...

    وانا شخصيا بطلت تفريغ "تنويت"

    الدفعه اللي قبلي 11" ...وكان ممتاز ،،،

    وأسئلته بالامتحان..فيها تركس..وخدع ديربالكم

    د.ابراهيم بنتر

    راح يعطيكم اربع محاضرات عن الـpharmacokinetics

    يعني شنو يسوي الجسم بالدواء...؟ الامتصاص والايض والتخلص

    أما المحاضرة الرابعة فيها مسائل ....عن الثلاث محاضرات اللي قبلها

    وتطبيقات عملية عليها

    صراحة توهقت حييل و أغلب الطلبة بعد ،،،،بليلة الامتحان

    ليش ؟

    لانه درسنا القوانين وحفظناهم وعرفنا الامثلة ...ووضعنا أوكي !

    بس !

    لما قمت احل امتحانات قديمة ! ماعرفت أحل !

    اللي شفته غير عن اللي موجود ....فكانت في قوانين ماكانت موجودة بالنوته !

    فنصيحة وانتوا تدرسون جزء المسائل بهالمادة انكم تبطلون امتحانات قديمة

    وتاخذون جزء المسائل......وترتبون القوانين بورقة ...

    الدكتور صراحة شرحه ممتاز،،،،ولكن الانتقاد الوحيد "اللي ذكرته فوق "





    د.منية الفليج

    دكتورة كويتية يديدة صارلها تقريبا 4 سنين

    شرحها جيدة و اسألتها ممتازة ....تركز على الدرق لست

    و ترحب بالاسئله و حتى الايميلات ...

    راح تعطيكم اربع محاضرات

    الاولى عن الادوية وعلاقتها بالجينات

    اما الباقي فهي نظام الكولينيرجك في الجسم

    والنوت هاذي بالذات تحتاج تكرار و ربط كبير

    اذا هذا قل ،،،،شنو راح يصير ،،،،وهكذاا

    د.مريم يوسف

    أفضل دكتورة بالقسم كله....شرح ممتاز ..أسئلة ممتازة

    و نسيت اقول انها هي الـcoordinator مالت المادة

    راح تعطيكم

    اربع محاضرات عن الجهاز العصبي و نظام الادرينيرجك

    أسئلتها ممتازة ومباشرة

    د.صغير أخطر

    راح يعطيكم محاضرتين عن المضادات البكتيرية و المضادات السرطانية

    شرحه ممتاز والنوت سهلة وبسيطه...واسألته فوق الجيدة

    د.عايدة

    راح تعطيكم آخر اربع محاضرات عن

    1-الحالة الدوائية لكبار السن والاطفال >>فيها مسائل لازم تحفظون

    2-التفاعلات الجانبية "المضاعفات"

    3-التفاعلات الدوائية "بين أكثر من دواء"

    4-علم السموم

    الدكتورة شرحها نوعا جيد ...للي منتبه وحاضر

    ما تعتمد 100٪ على الدرق لست

    فلازم تنتبهون معاها و في شغلات بسيطة تحتاج تنويت
    -------------------------------

    أتمنى تجاوبون على الاستطلاع "فوق" للفائدة

    دمتم بود

    أخوكم /مجند طبي

     

Share This Page