12' مادة الميكروبيولوجي

Discussion in 'سنة ثانية' started by مجند طبي, ‏18/7/14.

  1. مجند طبي

    مجند طبي

    Trainee
    Joined:
    ‏16/7/14
    Messages:
    30
    بسم الله الرحمن الرحيم

    أسعد الله اوقاتكم بكل خير

    اليوم ودي أتكلم بالتفصيل عن مادة الميكروبيولوجي --علم الاحياء الدقيقة

    وتنقسم لكذا قسم 1-عن البكتيريا 2-عن الفيروسات 3-عن الديدان 4-الفطريات

    هي من ضمن مواد الفاونديشن بلوك 2...و أعلاها من حيث الدرجات والصعوبة

    ليش غالبية الطلبة تشتكي منها ؟

    الجواب بسييط : لانها مادة تعتمد ع الحفظ بشكل اساسي

    بعدين مشكلتها انك تحفظ و تنسى وتخربط ليش ؟

    لانه محاضراتها مو مرتبة للاسف
    :RpS_crying:.... تدرس اليوم بكتيريا باجر فيروس

    بعد اسبوع يكمل البكتيريا مالت الاسبوع اللي طااف ....حوسه باختصار

    لو هالمادة حاطينها بالثانوية عندنا جان رتبوها مثل فصول أو أجزاء

    فصل بكتيريا بروح،،،،،،فصل فيروس بروح ،،،،،،

    فالحل الوحيد ،،،،،انك ترتب دراستك مثل تدرس البكتيريا كلها مع بعض

    والفيروسات مع بعض .....وهكذا


    -------------------------

    بالنسبة حق الدكاترة


    Foundation Block 2 ،،>>>> اضغط

    في تفصيل هني عنهم
    عدا الدكتور وداد النقيب

    والاضافة الجديدة من سنة 2011

    وطالع هي الدكتورة سحر


    راح تعطيكم عن الفيروسات .....نوتها عودة و مليانه تفاصيل

    نصيحة....ادرسوها بوقتها ....لا تراكمون النوت ملوتها خصوصا

    بس اسألتها مباشرة وجيدة ،،،،وتكرر اسألة نادرا
    :RpS_thumbup:
    ------------------------------

    وفي دكتور ...خان ...

    أخر واحد راح يدش عليكم

    راح يعطيكم كل شي عن الfungi

    ثلاث نوت عنهم ....اذا درستوهم بوقتها راح تغنيكم

    انكم تدرسونها بالموديول اللي ورا فاونديشن بلوك

    لانها راح تتكرر تقريبا 60 ل 70٪

    ويكرر اسأله
    :RpS_w00t:
    ----------------------------

    طريقة الدراسة

    1- المعلومات في هالمادة كثيييييييرة

    و متداخلة ببعض و المحاضرات مو مرتبة للاسف

    فأهم شي قبل لا تدرسون هو أنكم ترتبون المواضيع


    بكتيريا بروح ،،،،فيروس بروح ....وجذي

    2-التكرار :

    يا جماااعة كمية كبيرة والكلمات غريبه شنو هالمخ اللي بيتذكر من دراسة وحده !

    فلازم تكررون النوت او المواضيع أقل شي ثلاث مرات عشان ترسخ في عقلكم

    3-سوو جداول .....جدول للبكتيريا ...جدول للفيروسات...مو شرط انك تدرس منه

    ترا لما تسوون هالشي ....انتم تحاولون تدخلون المعلومات لمخكم لمدة اطول

    4-ادرسوا اسئلة قديمة من امتحانات سابقة لانه يتكرر بعضها خصوصا

    نوت دكتور اقبال جاشميد......
    ..

    5-القوائم راح يوزعون عليكم جداول وكتيبات .....

    انا شخصيا درست منها شوي بالامتحان و رسميا بالفاينل .

    ..لان وقتها تحتاج بس مراجعه و النوت وايد

    6-سوو قصص ،،،اربطوا المعلومات ببعض....قصص تضحك تبجي ...كيفكم

    7-المادة هي الاثقل بالكورس الثاني....واللي يضمنها يضمن الموديول اللي ورا الفاونديشن بلوك 2 ،،،،لانه يعتمد ع هالمادة بالذات

    ياما ناس عادت السنه و خذت ريسيت بسبتها

    لانها تحتاج فقط متابعة "بسس"

    وطبع الانسان ملول ويزهق

    لكن استعينوا بالرحمن عشان يعدي هالشهرين اللي تاخذون فيهم المادة

    وتحققون النجاح والتفوق

    =======\

    سامحونا على القصور

    دمتم بود
     

Share This Page