12' مادة السيكولوجي Psychology

Discussion in 'سنة ثانية' started by مجند طبي, ‏17/7/14.

  1. مجند طبي

    مجند طبي

    Trainee
    Joined:
    ‏16/7/14
    Messages:
    30
    بسم الله الرحمن الرحيم

    مادة السيكولوجي او علم النفس


    " psychology"


    تقع ضمن مواد الكورس الثاني لما تاخذون فاونيشن بلوك 2


    شوفوا آراء الطلبة متقلبة …هذا أمر طبيعي على حسب ميول واهتماماته

    و هاذي نظرة عاطفية ….


    احنا علينا لما ننصح الناس ونعطي نبذة ….علينا من النظرة العقلية

    أما المزاج مايهمنا !

    أوكي ؟


    1- دكتور روبنسون :

    المنسق و بتاع كلو للمادة


    راح يعطيكم

    1-تعريف عن علم النفس


    ومداخله وأقسامه…

    2-وتعريف التعلم ….يعني الفرق بين تعليم الانسان والحيوان -عزكم الله-

    3-تعريف الذاكرة…قصيرة المدى وطويلة المدى

    4-تعريف الادراك…والفرق بينه وبين الاحساس
    5-تعريف الذكاء….وشلون نختبر ذكاء الانسان
    6-التخلف العقلي
    7-الشخصية وشلون ندرس شخصية الانسان }}}عجيب



    طريقة دراسة نوته :
    راح يعطيكم نوته بعد المحاضرة …جنها مذكره …

    واهو يشرح جهاز شفافية نفس ايام الثنوي
    …الاغلب يسحب ع محاضراته لانها 8 الصبح …..عشان جذي وايد كلوها بالسيوكولجي …وضيعوا 45 سؤال مضمون من اصل 80 سؤال في الامتحان

    رأيي الشخصي …احضروا وحرام لاتضيعون الوقت …ولا ترفسون النعمة
    اول ما تخلصون المحاضرة و من التنويت البسيط "مايحتاج وايد"
    ردوا البيت اقروا النوته او المذكره مالته


    لان بيوم الامتحان راح تكون 31 نوته "جبل نوت"
    فراح تدرسون من خلال تلخيص راح يتوزع عليكم

    من القوائم…والتلخيص ممتاز يوفر الوقت وانتوا already دارسين النوت


    ----------------------------------------------


    دكتورة آنا ابراهام -ثاني مرة تدرس بالكلية

    هي دكتورة هندية درست في أمريكا واشتغلت في المانيا

    ماشاء الله عليها ….فهمااانه و مثقفه …ستايلها امريكي


    تخليك تندمج معاها بالمحاضرة

    مواضيعها

    1- الاحساس 2-التحفيز 3-الجوع 4-البلاسيبو"الدواء الجمبازي "لوول

    ….راح توتركم من طريقة دراستها
    اهي تشرح من الكتاب فراح توزع نوعين من السلايدات 1-سلايدات الكتاب
    2-سلايدات اهي مسويتها

    وفوق هذا راح تقول ادرسوا من الكتاب من صفحة كذا لي كذا

    الحين انتوا جدام طريقين :

    1-تدرسون كل شي …سلايداتها …كتابها

    او

    2-الطريقة اللي سويتها :

    تحضر المحاضرة …تنوت معاها…تدرس سلايداتها

    وسلايدات الكتاب …لانها ماراح تسأل خارج اللي قالته خلال المحاضرة

    حسب كلامها لنا….اسألوها بعد انتوا….!

    وعن نفسي الحمدلله جاوبت على اسألتها

    لاني بوفر الوقت و عندي مواد ثانية

    ------------------------


    دكتورة ريم الصباح

    من أفضل الدكاترة اللي مروا علي ….صاحبة أخلاق نبيلة

    و روحها حلوة ،،،،وشرحها حلو ومبسط …وأسألتها حلوة
    للي حاضر محاضراتها ،،،، ودارس نوتها عددل
    مواضيعها حلوة وبسيطة عن 1-الضغوط النفسية 2-خارج المألوف او الاب نورمل

    3-مواضيع عن الاطفال ،،،،،مثل مراحل نموهم وغيره ،،،،


    ----------------------

    دكتور نايف المطوع

    عطانا محاضرة وحده عن الaging أو الاعمار

    محاضرته سهلة ودرستها من التلخيص شخصيا

    --------------

    ملاحظة :


    وفي دورة تسويها الرابطة لدكتور فايز الذربان

    خوش دكتور …تروحوله دارسين ….ومعاكم كل النوت

    يسويلكم مراجعه شامله قبل الامتحان بمدة….اطلبوه وكلموا الرابطه

    اتوقع ياخذ عشر دنانير ،،،يسويها على يومين او ثلاث

    ----------------

    ولا تنسون تحلون امتحانات قديمه و تراجعون بيوم الامتحان

    وعسا ربي يوفقكم

    ولحد يستهين بالمادة لانها ثقيلة من حيث الدرجات ياما ناس كلوها وتحسفوا

    -------

    سامحونا على القصور

    دمتم بود

    أخوكم

    مجند طبي
     
  2. مقيدة

    مقيدة

    Trainee
    Joined:
    ‏17/7/14
    Messages:
    4
    يعطيك العافية و ما قصرت ..
     
  3. مجند طبي

    مجند طبي

    Trainee
    Joined:
    ‏16/7/14
    Messages:
    30

    حياج الله والله يعافيج :RpS_thumbsup:
     
  4. purple heart

    purple heart

    Staff Member Consultant
    Joined:
    ‏27/7/13
    Messages:
    95
    الله يعطيك العاااافية وتسلم ايدك

    اهم نقطة قلتها ان لما الشخص يكتب لازم ما يتأثر بميوله ويحكم عقله

    صح لسانك


    والصراحة شوقتني على مواضيع د.انا ابراهيم..احس العناوين حيل عجيبة

    انا ما لحقت عليها الا بخامسة لما اشرفت على جم بحث بالكومينتي..خوش دكتورة


    ومشكور على المواضيع اكيد الطلبة بيستفيدون منها

    بالتوفيق لك
     
  5. مجند طبي

    مجند طبي

    Trainee
    Joined:
    ‏16/7/14
    Messages:
    30



    ان شالله تلحقين عليها بسابعة ...
    :RpS_thumbsup:

    واجمعين ان شالله

    شكرا على كلامج الطيب :)
     

Share This Page