10' نبذة عن سنة ثانيــة طـب!

Discussion in 'سنة ثانية' started by Dr.ParroT, ‏17/7/14.

  1. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    138
    بسم الله الرحمن الرحيم

    السلام عليكم ورحمة الله وبركاته

    كيـف الحـال جميعـا ً ؟

    سنـة ثانية راح تكملون تمهيدي ولكن هالمره التمهيدي له علاقة مباشرة بدراسة الطب

    سنـة ثانيـة تتكون من أربع أشياء :

    الكورس الأول:
    English 183
    +
    Foundation Block 1


    الكورس الثاني:
    Foundation Block 2
    +
    I & I Module



    ناخذهم حبة حبة

    English 183

    تقسيمة المادة

    كتابة The Cause and Effect Essay
    تعبير عادي بس هالمرة أنتوا مطالبين بـ
    كتابة الـ outline حق موضوعكم وعليه درجات
    بعد ما تخلصون الاوتلاين تبلشون تكتبون الـ essay
    ومطالبين تذكرون مصادر معلوماتكم الـ references
    إذا ما خاب ظني يعطونكم فترة أسبوع تكتبون المقال وأول جم محاولة الـ Drafts الأستاذ يصلحه ويقولكم شنو أغلاطكم بعدين تسلمون آخر نسخة والي راح يقيمها الأستاذ ويحط عليها الدرجات .. يعني الوضع سهالات وقبل ما تسلمون النسخة النهائية الطلبة الكبار راح يساعدونكم ويراجعون الي كتبتوه وينهبونكم إذا في أغلاط أو لا .. باختصار الدرجات المفروض تكون مضمونه

    مثال لـ طريقة كتابة C & E essay

    hsc.edu.kw/vpo/ELU/EFLLAB/Writing/e183/Sample.pdf

    Oral Presentation - Speaking
    تختارون موضوع وتسون الـ outline ماله وبعدين تقدمونه على الكلاس


    هذي مواضيع ممكن تتكلمون عنهم وتقدرون بعد تختارون مواضيع من عندكم ..

    والتقييم يكون من قبل دكتورين .. دكتوركم ودكتور ثاني

    Recommended topics list for English 183
    SELECTED TOPICS FOR ASSIGNMENTS


    هذي مواضيع ممنوع تقدمونهم :

    OFF-LIMITS TOPICS

    كتابة Compare and contrast research essay
    نفس الـ cause & effect essay بس هالمره اعمق واطول وتقارنون بين شيئين ..


    Reading and Listening

    مكونات كورس English 183 بالتفصيل :
    English 183 Course Syllabus



    [[​IMG]] Foundation Block 1

    عبارة عن أربع مواد:

    Anatomy + Physiology + Biochemistry + SDHI


    Anatomy
    مادة التشريح


    أي أي راح تدشون المشرحة بسنة ثانية ..

    المادة حلوه ودسمة .. راح تأخذون بس أساسيات علم التشريح

    وتنقسم إلى قسمين:

    Gross Anatomy
    أحلى جزء راح تتعاملون مع جسم الأنسان الخارجي حيث راح تتعرفون على أعضاء الجسم مع الشرايين والأوردة والأعصاب والعضلات .. ما راح تشرحون شي كل شي راح يكون جاهز لكم :smirkcat:

    هالقسم حيل ممتع وأخف من القسم الي تحت
    ^
    ^

    Histology
    ما حبيته لأن يبيله خيال .. راح تتعاملون مع أنسجة وخلايا الجسم عن طريق الميكروسكوب والليزر دسك
    أغلب المحاضرات راح تعطيكم أياها دكتوره عليا .. زينه وأسئلتها سهله .. بس كونوا أوادم وقت المحاضره ولا تسولفون وايد عشان لا تحقد وتكنسل المحاضرة .. :grimacing:

    هالمادة لها امتحان عملي أكيد بالمشرحه نسميه OSPE
    حيل سهل بالنسبة لمستواكم
    مجرد تتعرف على مكونات جسم الإنسان وتسميها أو تذكر وظيفتها
    يمكن الجزء الصعب أهو الـ Histology راح تبدعون بالإجابات :sweatsmile:


    Physiology
    علم وظائف الأعضاء


    المادة خفيفة حيل وكل الدكاترة الي راح يدرسونكم زينين
    ولازم تربطون المعلومات مع مادة التشريح ..
    راح تدرسون شلون الخلايا وأنسجة وأجهزة الإنسان شلون تتفاعل مع بعضها وتقوم بدورها الطبيعي

    Biochemistry
    الكيمياء الحيوية


    ربعكم من سنة أولى مواصلين معاكم بفنتق يديد قبل خذيتوا كيمياء .. الحين زودوا عليها كيمياء حيوية علشان يستمرون معاكم .. ما يقدرون على فراقكم ..

    هالمره الماده لها علاقه بالطب مثل ماهو واضح بالتسميه ( حيويه ) .. راح تدرسون جزيئات الخلايا والأنسجة وشلون دورها في صحة الأنسان ..

    SDHI
    Social Demographic Health & illness

    طبعا المادة من قسم طب المجتمع الي كل يحبها!! :sweat:
    كل المحاضرات راح تعطيكم أياها دكتوره نصره
    ومألفه كتاب المادة .. لازم تشترن الكتاب
    محاضرتها فاضية .. ولازم تنوتون وقت المحاضره

    المادة تتكلم شلون النظام الصحي تطور بالكويت ومقارنته مع الأنظمة الصحية بالعالم وشنو العوامل التي قد تسبب مشاكل بالنظام ..

    تحت هالمادة بنهايتها راح تدرسون علم الاجتماع Sociology :sleepy:



    طريقة الامتحانات

    Midterm
    Endterm


    تمتحنون مادتين بيوم واحد مثلا Paper 1 : Anatomy + Physiology
    بعدها باقل من اسبوع امتحان Paper 2 : Biochemistry + SDHI


    الخلاصة Foundation Block 1 حلو وتقدر تطلع A إذا درست أول بأول ..


    [[​IMG]] Foundation Block 2

    عبارة عن أربع مواد

    Microbiology + Pathology + Psychology + Pharmacology


    [[​IMG]] Microbiology
    ماده حيل دسمه ويبيلها مجابل
    ومواضيعها تتكلم عن
    Bacteria
    Viruses
    Fungi
    Parasites
    وعلاقتها بالأمراض وشنو الأعراض الممكن تسببها وطريقة العلاج

    Pathology
    علم الأمراض والجراثيم


    ماده حلوه ، حيل أخف من المايكرو
    ترتكز على الـ Pathohistology

    أنتوا بالكورس الأول خذيتوا بـالـ Anatomy > Normal Histology

    الحين راح تشوفون الـ Abnormal وتعرفون شنو الآلية الي قد تسبب مرض معين الـ Pathogenesis


    [[​IMG]] Pharmacology
    علم الأدوية والسموم والعاقير

    مادة سهلة .. حيل مبسطينها لكم .. مو مطالبين بحفظ الأدوية .. بس بيعطونكم نبذة عامة عن الأدوية وشلون تشتغل


    [[​IMG]] Psychology
    علم النفس


    الدكتور من جيل الطيبين صراحه .. ما أدري إذا انتوا لحقتوا على موضوع الشفافيه أيام الإبتدائي بس هذي طريقة الدكتور :)

    ما أدري الماده دسمه بس سهله إذا راكضت وراها لأنها كلها حشو معلومات وأغلبها Logic sense
    والدكتور وايد يكرر أسئله من الامتحانات السابقة
    هذا الجزء بالنسبة لدكتور روبنسون

    الجزء الثاني من المادة
    راح تعطيكم أياه دكتور ريم الصباح ونايف المطوع

    راح ترجعون مره ثانية للجيل الحالي والعصري :sunglasses:

    ريم الصباح محاضرتها الحلو فيها قصص وتطبيق لأشياء لجم شغله نظريه

    الدكتور نايف محاضرته نشطه وفعاله يحب المشاركات والدكتور متواضع + ممنوع تشربون أو تأكلون أي شي داخل القاعه + حيل ملتزم بـ هالقانون .. وأنا اؤيده .. شغل البلع خلوه بالكافتيريا P:

    وفي محاضراتEthics للدكتوره منال بوحيمد .. أنا ادمجها مع السايكو لتقاربهم

    ببساطة تتكلم عن أخلاقيات المهنة وشلون الدكتور يتصرف وشنو واجباته وحقوقه

    وبدفعة 2012 انضافت مادة يديدة وهي



    بعد ما تخلصون الـ Foundation Block 2 كله
    راح يكون امتحانكم مثلا ً




    بعد ما تخلصون راح تبشلون دراسة أول جهاز من أجهزة الإنسان
    ويستمر نظام دراسة أجهزة الإنسان إلى سنة ثالثة ورابعة


    I & I = Immunology and Infection Module

    موضوع شامل عن الموديول
    دفعة 09'
    [[​IMG]]
    دفعة 10' [[​IMG]]


    نظام الدراسة قائم على Problem Based learning) PBL)

    شنو الـ PBL ؟ [[​IMG]]

    الموديول حيل حلو وخفيف .. ووايد معلومات تتكرر من الـ Foundation Block 2


    بس هذي ملخص سنة ثانية ..

    أي أضافة .. تصحيح .. تدرون شوي معلوماتي قديمة يمكن تغيرت أشياء حق الدفع الي تحتي .. موفقيـن :)
     
  2. مجند طبي

    مجند طبي Registrar

    Joined:
    ‏16/7/14
    Messages:
    30
    يعطيك العافية موضوع جميل و مرتب
     
  3. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    138
    الله يعافيـك يـا رب :)
     
  4. مقيدة

    مقيدة Trainee

    Joined:
    ‏17/7/14
    Messages:
    4
    يعطيك العافية جد ما قصرت و الله يوفقك يارب
     
  5. مجند طبي

    مجند طبي Registrar

    Joined:
    ‏16/7/14
    Messages:
    30
    عفوا دكتور في تعديل على فاونديشن بلوك 2

    على دفعتي 2012

    زادوا مادة nutrition biochem ....مادة عن التغذية

    6 محاضرات او خمس مع سيمنر يدرسها دكتور جيمس كريك

    عن اهمية الفيتامينات والمعادن والبروتينات والفرق بين الببسي العادي والدايت ....سهلة

    ------------------

    وفي مادة الاثيكس او الاخلاقيات الطبية تدرسها دكتورة منال بوحيمد

    وتدخل بالامتحان

    ---------------------

    أما امتحان fb2 ماكان ميدتيرم و اندتيرم مثل الكورس الاول


    لما خلصنا البلوك كامل

    امتحنا paper 1 تشمل جميع كمية السيكولوجي والفارما والفسيو والاثيكس

    أما

    امتحان paper 2 ..تشميل جميع كمية المايكرو والباثو والبيوكم "التغذية"

    وعليهم اثنينتهم 12٪ من اجمالي الدرجات

    --------

    شكرا و سامحنا على القصور :grinning:..
     
  6. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    138

    الله يعافيكم .. حياكم الله


    زين والله .. بجذي راح تفتكون من الـ LTs بسنة ثالثة عن سوالف التغذية وحتى بعد بسنة رابعة .. راح تصير عليكم سهلة

    بالنسبة لـ ethics .. صح نسيت اذكرها .. محاضرات الدكتوره عجيبه وحلوه بس أسألتها للأسف Advance من ناحية الصياغة والخيارات ممكن تشوفون أكثر من اجابه صح لأن الاجابات حيل متقاربه .. المفروض ومن العدل تكون دراستها من المحاضرات بدون تقييم من الامتحان .. عموما الـ ethics راح يستمر معاكم لسنة رابعة بس يمكن مجموع المحاضرات ما يتعدى الخمس بسنة ثالثة ورابعة

    ممم همن صح كلامك ما كان فيه ميدتيرم واند تيرم حق fb2.. زين الذاكره قامت شوي شوي ترجع ، الفرق بينا وبينكم بالإضافات ما كان عندنا nutritional biochemistry

    اتوقع الامتحان الاول كان paper 1 : Micro + Patho \ paper 2: Pyscho + Pharmacology

    شكرا ً جزيلا ً على التصحيح :thumbsup: .. بعد أذنك راح أعدل النقاط الي ذكرتها بالموضوع :hand:
     
  7. dr.dh

    dr.dh Trainee

    Joined:
    ‏13/6/15
    Messages:
    2
    اول شي مشكوور يعطيك العافيه على الشرح بس عندي سؤال
    الحين fb1 بس حق الكورس الاول؟
    يعني لمن يبلش الكورس الثاني ما ارد ادرس fb1 ؟
    و الفاينل اخر السنه امتحن ب fb2 و i&i بس و لا حتى fb1 معاهم ؟ و شكراا ☺️☺️
     
  8. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    138
    الله يعافيـك .. لا راح تمتحنون بـ FB1 بالفاينل آخر السنة بروحه بعدها بأسبوع أو أسبوعين تمتحنون فاينل FB2 + I&I module

    لأن بالكورس الأول لو تلاحظون ما كان في فاينل لـ FB1 كان مجرد Endterm ( كمية الـ Midterm مو داشه بالـ Endterm )

    العفوو
    :relieved:
     

Share This Page