16' نبذة عن المواد الإختيارية

Discussion in 'السنة التمهيدية | سنة أولى' started by Dr.ParroT, ‏7/7/14.

  1. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    138
    بسم الله الرحمن الرحيم

    السلام عليكم ورحمة الله وبركاته

    إن شاء الله يكون هالموضوع مرجع لمستجدين المركز عن المواد الإختيارية

    شنو المادة الإختيارية الي خذيتها
    مع نبذة بسيطة عنها

    وهل تنصح فيها مُستجدي المركز
    ؟
    عادي لو أكثر من واحد كتب عن نفس المادة لأن كل شخص له وجهة نظر وتجربته الدراسية تختلف عن غيره

    [​IMG]

    طبعا يا مستجدينا كل مواد المركز إجبارية ما عدا المادة الإختيارية
    (حتى بعد ما تقدر تختار دكتور المادة الاختيارية لأن مادة وحدة يدرسها دكتور واحد!)

    يعني وقت اعتماد القبول وتسجيل المواد بس يسألونك شنو المادة الإختيارية الي ودك تسجلها (عادة ينزلون لكم 2-3 مواد إختيارية) وباجي المواد الأساسية تنزل بشكل تلقائي بالجدول ..


    [ المواد الإختيارية الي كانت نازلة على دفعة 2016 راح أعرضهم مع تقييم الطلبة الي خذوها من قبل ]
    حقوق الإنسان

    مسؤولية طبية

    ومشكورين على تفاعلكم :thumbsup:
     
  2. Asmaa alshemmari

    Asmaa alshemmari Trainee

    Joined:
    ‏27/8/13
    Messages:
    6
    انا شخصيا خذيت مادة حقوق انسان الكورس الاول عند الدكتور صباح اليوسف والصراحه كان خوش دكتور انسان محترم ومثقف وسهل الماده علينا وايد والA شبه مضمونه عنده بس وايد يحب المشاركه اثناء المحاضره والحضور مهم ;)
    الكورس الثاني خذيت ماده مسؤولية قانونيه عند الدكتور خالد الهندياني ..هالماده كانت اخف واحلا بالنسبه لي لان كان لها علاقه بالطب اكثر:hearteyes: بس المشاركه والحضور ماكان مهم عنده فا الاغلبيه ما كان يحضر وهالشي خل الدكتور يحقد شوي بس مع هذا ماقصر معانا والاغلبيه طلع بA فانصحكم بهالمادتين.
     
  3. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    138
    بدفعتي الكورس الأول انزلت لنا هالمواد :
    حقوق إنسان ، critical thinking ، مادة ثالثة ما اذكرها

    طبعا لأني خريج حكومة اخترت حقوق الإنسان عند الدكتور عيسى العنزي :razz:

    طريقته مع الشباب ما كانت ذاك الزود مقارنة بالبنات بس مادته تطلعك A عند هالدكتور .. وامتحاناته حيل سهله وكمية الدراسة معقولة

    اعتقد كانت درجاته مقسمه على الحضور والامتحانات

    وفي شي حلو بعد الي يشارك صح معاه يعطيه درجه بونص تساعده لو نقص بالامتحان .. وعادي جداً تشوف ناس ماخذه 101\100 :lol:

    يعني باختصار إذا نزلت لكم هالماده انصحكم تاخذونها عنده

    بالكورس الثاني انزلت لنا هالمواد:
    تاريخ الكويت ، مدخل علم اجتماع ، First aid

    خذيت مدخل علم اجتماع .. ما عجبني ستايل الدكتور بس سمعته انه حاط منهج الصف الحادي عشر جان انحاش xD وحولت تاريخ الكويت عند الدكتور حمد القحطاني

    والله أحلى دكتور مر علي .. طريقة شرحه وسوالفه حيل عجيبه وتونس P:
    بس وقت الامتحان ما أدري شفيه مرات يشقنا شق يمكن لأن كمية دراسة المادة شوي ثقيلة
    الحلو أن يسألنا من تلاخيصه مو من كتاب تاريخ الكويت .. لأن الكتاب حيل سيئ من ناحية الدراسة
    تقدر تضمن الـ A بس بتعب صراحة وخصوصا بالكورس الثاني يعني لو كانت نازلة بالكورس الأول كان افضل ..
     
  4. MedStudent

    MedStudent Trainee

    Joined:
    ‏10/7/14
    Messages:
    8
    السلام عليكم :)
    شكرا دكتورنا على الموضوع وإن شاء الله الكل يستفيد

    انا خذيت مادة علم الاجتماع (sociology)
    بصراحة مادة مملة ومو حلوة كلش بس سهلة. حقوق إنسان اللي خذيته الكورس الأول وايد أحلى. المادة مثل ما قلت سهلة اذا درستو طبعا. الدكتور كان مصري ما أذكر اسمه بس كان زين و طيب وايد وعطانا قريدات عالية وكان يقرأ معانا من الكتاب ويقولنا الأشياء المهمة. إذا خيركم الدكتور بين الأسئلة الموضوعية والمقالية حاولو أن تقولون له نبي أسئلة مقالية لأنها وايد وااايد أسهل من الموضوعي. كثر ما تقدرون وخرو عن الأسئلة الموضوعية لأنها تلخبط.
    المادة سهلة وال A فيها مضمون إن شاء الله بس دراستها مملة
    وبالتوفيق إن شاء الله
     
  5. purple heart

    purple heart

    Staff Member Consultant
    Joined:
    ‏27/7/13
    Messages:
    95
    السلام عليكم

    طبعا انا قديمة شوي..كانت نازلة لي مادة تاريخ الكويت عند الدكتور نواف العبيسان او المطيري

    المادة دسمة ويبيلها حفظ وشغل..جنها اجتماعيات وامتحاناتها مو هينة..الموضوعي دقيق..صح ام خطأ مع تصحيح الخطأ..يبيله حفظ بالضبط

    والدكتور ما يعطي الكل درجات زينة..الا اللي يتعب ويشارك معاه وايب درجات عالية بالامتحان وما يغيب هني يعطي a

    وعطى بعض الطلبة سي ونزل معدلهم


    المادة الثانية كانت حقوق انسان عيسى العنزي

    خوووش دكتور والمادة حلوة خفيفة..وعطى اغلب الدفعة a يمكن بس ثلاث بنات a-

    يحب اللي يحضر ويجاوب ويلتزم معاه..ولو ما يبت درجة زينة بالامتحان الأول..يدبل لك الثاني



    نصيحة عامة..بالنسبة للمواد اللي تنزل بالانقليزي..انصح ما يأخذونها الا الانقليش سكول..لأن راح يتعبون بالمواد العربية..وموفقين يا رب
    يعطيكم العافية على الموضوع
     
  6. Guest

    Guest ku-med.com

    تجربتي مع المواد الاختيارية للسنة الدراسية الأولى

    آنا دفعة 13' ، أنصح بمادة حقوق الإنسان للكورس الأول والمسؤولية القانونية للكورس الثاني،، للأمانة اثنينهم سهاين والدكاترة محترمين وطيبين والA مضمونة،، لكن حقوق الإنسان عادة وقتها الساعة 8 الصبح ودكتور المادة -دكتور صباح اليوسف- يحرص على الحضور ( راح يتفق معاكم على كل شي.. مثلاً لي متى تبون يسمح لكم تدخلون بعده؟ احنا قلناله نبي ربع ساعة ووافق،، وتبون الامتحان موضوعي ولا مقالي؟ قلناله نبي مقالي ووافق-طبعاً الاسئلة سهلة وبالضبط نفس كلام الدكتور بالمحاضرة واي اجابة ببالكم منطقية فهي صح لان السؤال يطلب التعبير عن رايكم-،، المادة وايد حلوة وسهلة ،، الدكتور كان يحب ان نشاركه بالنقاش أثناء المحاضرة بس مو الكل كان يقدر فقال اللي ما تحب تشارك تقدر بعد المحاضرة تيي اهي و جم وحدة من رفيجاتها ويتناقشون جدامي عن موضوع معين أو تعطيني بحث صغير عن موضوع يهمها -وحتى اللي ما سوو هالشي بس كانو موجودين اثناء النقاش و علقوا حتى لو بجملة وحدة يعطيهم درجات مشاركة إيجابية والكل يضمن الA !)،، أما الكورس الثاني فأنصح بمسؤولية قانونية لأنها تكون الساعة 9 والدكتور ما يحرص عالحضور والغياب بس يقول لكم ابيكم ليلة الامتحان تقرون الكتاب مثل الجريدة من فوق لي فوق.. وهالشي وايد يساعدكم لان عندكم بيولوجي و BBE فافضل لكم باقي الايام ما تحاتون المادة وتدرسون موادكم الثانية.. وطبعاً الدكتور يعطيكم أسئلة بونص بالامتحان الفاينال ويضيفهم عالدرجة الكلية و فوقها راح يرفعكم grade ... يعني لو عقب البونص يبتو A- يعطيكم A ،، وطبعاً اسئلته تتكرر كل سنة ويقولها اثناء الشرح .

    وبالتوفيق !!
     
    Last edited by a moderator: ‏13/8/17
  7. مجند طبي

    مجند طبي Registrar

    Joined:
    ‏16/7/14
    Messages:
    30
    انا خذيت ثقافة اسلامية


    مادة فادتني والدكتور كان ممتاز


    مادة راائعه والاهم درجات عالية
     
  8. مقيدة

    مقيدة Trainee

    Joined:
    ‏17/7/14
    Messages:
    4
    أنا خذيت الكورس الاول : مسؤولية قانونية - خالد الهندياني ..
    الكورس الثاني : حقوق انسان - صباح اليوسف ..

    كلهم زينين الحمدلله . بس لازم تعطون المواد حقهم بالدراسة و اهمه خوش دكاترة يقدرون الوضع
     
  9. Khaled W. Husain

    Khaled W. Husain Trainee

    Joined:
    ‏27/7/13
    Messages:
    3
    أول شي أبارك للطلبه المقبولين في جميع كليات المركز
    وبالأخص كلية الصيدلة زملائنا المستقبليين

    بالنسبه لمواد الاختياري
    انا خذيت الكورس الاول حقوق انسان عند عيسى العنزي، باختصار أسلوبه ما كان الي تبيه ومنفّر لي كطالب مستجد وخذيت عنده b للأسف فانصح الابتعاد عن شعبته
    والكورس الثاني خذيت علم اجتماع ودكتور الماده كان ما يشرح عدل "ما اذكر اسمه" بس عند أي دكتور من بعد دكتور دفعتي كانت قريدات الطلبه مرتفعه
    شخصيا انصح من المواد الحاليه المسؤوليه القانونيه عند أنس التورة
     
  10. Dr.

    Dr. Trainee

    Joined:
    ‏14/7/14
    Messages:
    4
    الحين مادة حقوق الانسان بس دكتور واحد يدرسها ؟؟ بس صباح اليوسف ماكو دكتور غيرة ؟ و نفس السؤال حق المادة الثانية بس انس التورة؟ و جم طالب اب كل شعبة ؟؟
     
  11. Dr.ParroT

    Dr.ParroT

    Staff Member Consultant
    Joined:
    ‏20/7/13
    Messages:
    138
    أي نعم بس دكتور واحد لكل مادة .. تقريبا ً بين ٦٠-٩٠ طالب
     
  12. Guest

    Guest ku-med.com

    اول كورس خذيت مدخل الاعلام عند دكتوره فاطمه السالم
    الكورس الثاني خذيت حقوق انسان عند صباح اليوسف
    مدخل الاعلام مادة وايد حلوه بس تعطيكم بروجكتات
    حقوق الانسان مجرد انك تداوم كل محاضرة و تشارك يعطيكم درجات و اذا حبكم يخلي الامتحان سهل
     
  13. HNGUEST

    HNGUEST ku-med.com

    المادة الاختيارية

    بوقت التسجيل ماكانوا فاتحين مادة غير حقوق إنسان و المادة سهله حيل و حلوة ممتعة للانسان الي يتمتع بالقدرة على الحفظ و حتى الطالب الي يحب يفهم الدكتور لطيف بس يحب الناس يكتبون بالامتحان من قلب و حافظين عدل .. الكورس الثاني مادة مسؤولية طبية تعتمد عالفهم و متخصصة بمجالنا عكس حقوق إنسان
    المادة الاختيارية فرصة ترفعون المعدل لا تعتمدون على فكرة انا شاطر افهم ما احفظ لان ماراح تاخذون a
    للتذكير التجارب و القدرات تختلف من شخص لي ثاني و بالتوفيق
     
  14. GUEST

    GUEST ku-med.com

    اختياري سنه اولى

    السلام عليكم
    انا الكورس الاول أخذت حقوق إنسان عند د. علي الدوسري الساعه9 و كان في دكتور ثاني يدرس حقوق الساعه 8 احنا ما نختار لا الوقت ولا الدكتور بس نختار اذا نبي ميديا ولا حقوق العماده تحط لكم الوقت و الدكتور يعني لان الشعبه وايد ف يقسمونا قسم الساعه 8 و قسم الساعه9 ،حقوق الانسان الصراحه كان حييييل حلو وحيل سهل و الدكتور كان عجيب و طيب طلعت بالماده ب a كان الدكتور يقولنا شنو نركز عليه و شنو مهم و كان يسويلنا كرف (يعني يزيدنا ) و ال ما اخذ كامل بعد الكرف يخليكم تسون برزنتيشن اذا تبون يعني انا اعرف و حده عقب ما زادنا الدكتور للحين كانت نازله ما درست قالها الدكتور اذا تبين سوي برزنتيشن اعطيج a و والله سوت و عطلها و كان الكلاس حيييييل يونس و كان حتى ال مو بالكلاس معانا كانوا يحظرون و بس بس يعني انا الصراحه انصح فيها و ترا الدكاتره احتمال يتغيرون سنه عن سنه

    الكورس الثاني أخذت مسؤوليه طبيه قانونيه عند د. عادل بهبهاني الساعه هم 9 الدكتور عادل هم يدرس شعبه الساعه 8 الصراحه الماده كانت سهله و حلو و هم طلعت ب a الحمدلله و الصراحه طلبه دفعتنا ما قصروا ب التلاخيص و بامتحان الفاينل كان كوبي حق امتحان الميدترم و كان الدكتور معطينا الامتحان مال الميدترم لمن خلصنا منه و هم قالنا شنو نركز عليه والدكتور هم سوالنا كرف و رفعنا
     
  15. Danah

    Danah ku-med.com

    السلام عليكم ورحمه الله وبركاته
    هلا والله بالمستجدين ❤ ومبرووك على القبول بأرقى صرح تعليمي .
    حبيت انقل لكم تجربتي بسنه اولى مع المواد الاختياريه .
    بالنسبه لي كوني من مدارس حكوميه اخترت المواد الاختياريه بالعربي. واذا كنت من مدارس خاصه افضل لك تاخذ بالانجلش واهي ماده وحده ( media) حق الكورسين .
    اما المواد الاختياريه بالعربي ( حقوق انسان - ومسؤوليه طبيه)
    كل ماده حق كورس واحد . مايصير تاخذ حقوق انسان او مسؤوليه الكورس الاول واعلام الكورس الثاني . لان الاعلام جزئين فلازم تكون ماخذ الجزء الاول عالاقل . اما يصير تاخذ اعلام الكورس الاول وحقوق او مسؤوليه الكورس الثاني . الحين ادش بالنسبه الى سهوله اوصعوبه الماده ، انا الكورس الاول اخترت حقوق انسان عند دكتور مساعد العنزي ، كان خوش دكتور الصراحه ومنظم بطريقته ، اهم شي بالهماده انكم تخططون شنو الي يقوله بالمحاضره ، حتى لو بالكم مو معاكم ان شاء الله تسرحون بجزر مالديف اهم شي التخطيط يعني لازم دشون والقلم والهلايتر معاكم وتكتبون على الجنب الاسئله الي يقولها بالمحاضره لان 99.9% راح تيي بالامتحان خصوصا هل ماده لان فيها ارقام تواريخ ودول وتعاريف وخلكم اذكياء ومالكم شغل بالي يمكم يطقطقون بتلفون او الي يسونه ، قتلكم اهم شي طالعين من المحاضره خاطين كل شي قاله ، في ناس تسجل فويس نوت ، انا عن نفسي احس مالا داعي حق المواد الاختياريه تسجلون فويس لان غالبا بالعربي وسهالات عليكم تلقطون كل شي وملا داعي تضيعون وقت اما بالنسبه للمواد الدسمه مثل بيوفزكس او كمستري امبله تحتاجون تسجلون فويس . الماده حيل حيل سهله والله لعبه يهال وكله بالاختياري عاد حسب الدكتور اذا قال يبي جزء مقالي او لا بس هم بعد سهل لا تحاتون وكلش مايبله دراسه اول بأول اهم شي كل فصل تخلصونه اخذيلج يوم ونص وايد كافيي اصلن راح تحفظين فيه كل شي وحتى تكونين بالسيف سايد لما يسألج الدكتور حق الشفوي . اهو فصلين قبل المدتيرم شي جذي المهم يعني اقربيا انتي دارسه من عندج حقه 3 ايام وفاهمه الموضوع ودرستي الي مخططته بس وقاريه الباجي .. وقاريه وقاريه قعده أأكد لكم انكم مو بس تحفظون التخطيط لازم هم تكونون فاهمين الاشياء الثانيه عشان تفلون الماده . والدكتور راح يحذف معاكم اشياء قبل الامتحان فلازم تكونون حاضرين كل المحاضرات عشان مايضيع عليكم شي وماتنذلون من احد ادورون شنو المحذوف ، وراح يحدد معاكم موعد الاختبار قبلها باسبوعين تقريبا انا كنت ادرس قبل الامتحان بثلاث او أربع ايام قبل الاختبار كافي جدا الوقت والمعلومات فرش ولاتنسون كنت دارسه قبل قبل الطريقه الي علمتكم ياها 3 ايام . الحمدالله انا يبت A وحسيت كلش ماتبعت لاني كنت احضر واخطط. حضور وتخطيط من نفسك بدون ماتعمد على غيرك = A بالجيب وسهالات حيل .
    بالنسبه للمسؤوليه الطبيه ..، الماده كلها فهم قليل الحفظ ، كلها دور عن مسؤوليه الطبيب تجاه مرضاه بس هذا الشي . انا كنت عند دكتور عادل بهباني حيل عجيب ويعلملكم جنكم احفاده ، مايسأل وايد ، هم في تخطيط بس هالمره خفيف مو نفس قبل لان قتلكم اغلبه فهم ويجيب كل شي وغالبا يكون مقالي وصح وخطأ مع التعليل ..مافي اختياري لان الماده تتطلب فهمج وطريقه الصياغه واسلوبج تكتبين كل الي تعرفينه لان يحاسب على النقطه . وتقدرين تكلمين الدكتور اذا منزلج لان رفع دفعتنا عطنا 5 درجات زياده فكلنا تقريبا صرنا A وهم بالفاينل عطا كيرف . بس المهمل عادي جدا ايب c او b بالماده . فحسافه ماتسوى كل الناس تيب A لان الغرض منها رفع المعدل . بالنسبه لطريقه الدراسه ، ماقولكم درسوا اول بأول بس درسوا علاقل مره بالاسبوع لان وايد حجي ماراح تقدرون تذكرون الحجي بالامتحان اذا انتو دارسين قبله بيومين عالاقل حافظين وفاهمين من قبل .فيصير الوضع سهالات وكأنه مراجعه ، خذا مني بالمدتيرم تقريبا اربع الى خمس ايام لاني كنت احفظ كل شي وكان هذا غلط يعني كنت احفظ تعاريف وكل دوله شنو قالت عن مسؤوليه الطبيب وهذا غلط خذا وقت وايد واخر شي ماياه بالامتحان ،الزبده بالامتحان تقع المسؤوليه او لا مع ذكر السبب ، سهلات كثر ماتخليون ، حفظوا الامثله ملوت حالات المرضى وايد يكررون . بالنسبه للفاينل وايد اسهل بعد اغلب اسئله المدتيرم يت لان تقريبا اهي الاساس ومحتجت وايد وقت لان عرفت شنو احفظ وشنو اخلي خذا مني قبل الفاينل 3 ايام وطلعت هم بA الحمدالله .
    الفال لكم ان شاء الله . وان شاء الله استفدتوا
    مع السلامه حبايبي .
     

Share This Page