الأسئلة الشائعة حول كلية الصيدلة جامعة الكويت

Discussion in 'استفسارات القبول في كليات المركز' started by صيدلانية المستقبل, ‏6/7/14.

  1. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام
    سامحيني عالتأخير حبيبتي ،، الصيدلة الاكلينيكية لي الحين ما اقرّوها كوظيفة رسمية بوزارة الصحة فما ادري شلون راح تكون طبيعة العمل بالضبط اللي راح تقرها وزارة الصحة ،، بس اللي أتوقعه أن يدور بالأجنحة ويچيك عالادوية اذا اكو تضارب فيها واذا تناسب حالة المريض
    بالنسبة للخفارات الصيدلي العادي عادةً تكون مرتين الى ثلاث مرات في الشهر في يوم الجمعة او السبت اما الصبح من ٧ ونص لي ١ ونص او العصر من ٢ لي ٩ بالليل واذا صار عندنا عطل رسمية مثل الاعياد وراس السنة همن يصير فيهم خفارات اما الصبح او العصر
     
  2. nour67

    nour67

    Trainee
    Joined:
    ‏16/3/16
    Messages:
    1
    اختي انا خريجه هالسنه ان شاءالله وحييل بخاطري الصيدله وحابتها
    ابي اسألج عن نسب القبول هالسنه اذا تغيرت
    واقدر ادش طب مساعد بعدين احول ؟
     
  3. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    حبوبة شوفي بداية الموضوع راح تلقيني مجاوبة على اسئلتج وحاطة اسئلة زيادة ممكن تستفيدين منها موفقة يا رب ♥
     
  4. منيره22

    منيره22

    Trainee
    Joined:
    ‏12/5/16
    Messages:
    1
    السلام عليكم انا انشالله خريجه 2016 وانا حيييل بخاطري كليه الصيدله واعتقد ان اتخرج من الثانوي وسويت عدل بهذا الفاينل 91 او 90 بدون معدل مكافئ
    وانا حييل مسويه عدل بقدرات الانجليزي ماخذه فيه بال90 بس الي مو قادره اخذ فيه درجه عاليه الكيميا والرياضيات اخذت بالسبعين بالكيميا والرياضيات 60

    الحين انا خايفه ان ماانقبل قبول فوري بالصيدله الان اخاف يكتفون بالمقاعد او ان يكون حييل عليها طلب هالسنه

    فهل معقوله بنسبتي اضمن قبول؟

    واذا مثلا ماانقبلت هل اضمن اني احول من كليه العلوم ولا فيها خوف ان ماتصير

    واخر سؤال سوري طولت عليج الحين الصيدله قبولكم سنوي بس دراستكم كورسات؟ يعني لو اسقط بماده اعيد السنه نفس الطب ولا بس مااخذ محلقاتها او جذي شلون النظام؟
    ويعطيج العافيه
     
  5. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام
    نسبتج اتوقع نازلة بدون المكافئ ،، تقدرين تحسبينها وتشوفين
    التحويل بابه مفتوح لي الحين بس لازم تحققين شروطه من ناحية المعدل وانج تتجاوزين اختبار الانقلش
    اذا سقطتي بمادة ودرجتج من ٥٠ - ٥٩ راح تاخذينها ريست يعني امتحان دور ثاني واذا نجحتي تعدين المادة
    بس اذا كانت درجتج اقل من ٥٠ راح تعيدين المادة اللي سقطتي فيها بس بالسنة الياية
    هذا على ايامي جذي كانت القوانين ما ادري اذا غيروا شي ولا لأ!!

    الله يعافيج حبيبتي موفقة يا رب
     
  6. Hind

    Hind

    Trainee
    Joined:
    ‏3/6/16
    Messages:
    1
    هل ممكن احول من كليه الهندسه لي الصيدله؟
    واذا لا وين ممكن عشان ادش صيدله
    وشنو متطلباتها وهل سهل التحويل؟
    وشكرا
     
  7. Maryam

    Maryam

    Trainee
    Joined:
    ‏14/6/16
    Messages:
    1
    السلام عليكم
    بس بغيت اسأل انا نسبتي مع المكافئ صارت 91 شكثر احتمال اني انقبل صيدلة ؟؟
    اتمنى يكون الاحتمال كبير لان السنه الي طافت قبلوا 89.8 اقل شي .. والله حدددي خايفه ما انقبل
     
  8. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    اذا تقدرين تاخذين مواد التحويل وتستوفين الشروط فعادي ما فيها مشكلة
    بأول الموضوع حاطة الشروط تقدرين تجيكين عليهم
    موفقة ان شاء الله
     
  9. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام
    ما اقدر اخمن والعلم عند الله ،، يعتمد على شطارة الدفعة والاقبال عالكلية ،، انا اقول ان شاء الله تنقبلين لان نسبتج ما شاء الله حلوة ،، موفقة يا رب
     
  10. Hee46x_

    Hee46x_

    Trainee
    Joined:
    ‏3/7/16
    Messages:
    1
    ‏السلام عليكم
    ‏انا مستجده قبلوني كليه الطب المساعد اذا ابي احول صيدله في مواد لازم اجتازهم لااييت اسجل يصصير اختار المواد اللي احتاجهم حق التحويل على كيفي ولا يحدووني بمواد معينه يعني جدول حق الطب المساعد كاول سنه؟
     
  11. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49

    وعليكم السلام
    والله ما عندي علم عن طريقة التحويل بالضبط وشلون يختارون المواد
    تقدرين تستفسرين من هالاكاونتات في تويتر وراح يفيدونج ان شاء الله
    جمعية الصيدلة
    @kpss_kw
    قائمة الصيدلة للمستجدين
    @al9aidala_f
    موفقة يا رب
     
  12. Ghinwa

    Ghinwa

    Trainee
    Joined:
    ‏19/7/16
    Messages:
    1
    السلام عليكم ورحمه الله ...
    عندي سؤال اذا اتكرمتي...خريجه جديد 2016 بكالوريوس في الصيدله ..أبغى مكان في الكويت للتدريب يقولون التدريب لازم سنتين لأقدر اشتغل صيدلانيه...وطبعا بهالسنتين أبغى مكان في صيدليه لاكتسب خبره بالادويه ...هل عندك فكره بالاماكن ؟!؟
     
  13. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام
    افضل مكان للتدريب عندنا هو مستشفيات الصباح ،، موفقة ان شاء الله
     
  14. Taibhh

    Taibhh

    Trainee
    Joined:
    ‏7/9/16
    Messages:
    1
    السلام عليكم يعطيكم العافيه
    انا توني تخرجت نفسي من زمان بالصيدله نسبتي ما تيزي لذلك ما قبلوني

    بغيت اسأل بس اقدر ادخل التطبيقي كلية علوم الصحيه ( العلوم الصيدلانيه ) و ادرس سنتين و عقب اكمل البكلريوس في الجامعه ؟ و هل تعادل ب سنتين و لا بسنه و لا كلش لا؟؟
    و الفني صيدله جم معاشه
    اتممممممممنى الردد
     
  15. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام حبيبتي ،، الله يعافيج
    للاسف لا والله ما تقدرين تكملين في جامعة الكويت ،، تقدرين تكملين في جامعة بالاردن اتوقع يعادلون المواد واكو جامعات في الخارج ما تعادل المواد يعني على حسب
    ما عندي فكرة عن معاش فني الصيدلة
    موفقة يا رب
     
  16. Ph_m7mad

    Ph_m7mad

    Trainee
    Joined:
    ‏24/10/16
    Messages:
    1
    سلام عليكم
    انا انقبلت صيدله في استراليا
    اذا ان شاء الله خلصت البكالريوس بالصيدله ورديت الكويت يصير ادخل برنامج الصيدله الاكلينكيه بجامعة الكويت؟
     
  17. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام
    حاليًا البرنامج بس حق اللي يدرسون بجامعة الكويت ،، يعني انا صيدلانية وخريجة جامعة الكويت صارلي سنة ما اقدر أقدم عليها الحين،،بس مستقبلاً ما أدري يمكن يفتحون المجال لنا وبنسب معينة والعلم عند الله ،، نصيحة من اخت انكم تكملون برا الكويت أفضل على حساب الوزارة
    موفقين ان شاء الله
     
  18. ساره

    ساره

    Trainee
    Joined:
    ‏4/12/16
    Messages:
    1
    سلام عليكم ,, بغيت اسال اذا انا ساقطه بالبري كالكلوس مرتين يصير احول صيدله?
     
  19. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    عليكم السلام حبيبتي
    والله ما عندي فكرة عن التحويل كلش ،، تقدرين تسئلين جمعية الصيدلة يقدرون يساعدونج
    وهذا اكاونتهم بتويتر
    @kpss_kw
    وهذا الاسك مالهم
    http://ask.fm/Kpss_kw

    موفقة يا رب❤️
     

Share This Page