09' Infection & Immunity module

Discussion in 'سنة ثانية' started by purple heart, ‏7/1/14.

  1. purple heart

    purple heart

    Staff Member Consultant
    Joined:
    ‏27/7/13
    Messages:
    95
    بسم الله الرحمن الرحيم
    السلام عليكم ورحمة الله وبركاته



    ( Infection & Immunity module )
    5 weeks


    - هذا اول موديول راح تاخذونه بكلية الطب .. واللي اهوه جهاز المناعة وكل ما يتعلق فيه ...

    - بالنسبة للكتاب ما اذكر ان في ناس شروه واستفادوا منه !! كل الأسئلة ما طلعت من النوت او من كلام المحاضرة


    - راح يدرسكونكم مجموعة دكاترة منهم اللي درسوكم بالمايكرو د. نورة و د. وداد .. ود. ايمان .. ود. منية .. ود.روتيمي .. عصام فرانسيس .. ودكاترة يدد .. مثل د. رجاء العطية.. ود. خان ... د. وفاء جمال

    - المحاضرات .. اغلبهم ماااايكرو .. بالبداية يكونون سهلين .. لكن عقبها يتعمقون .. في بعضهم راح يكون وايد مكرر من الفاونديشن بلوك .. لكن في اشياء هم يدد ووايد ..

    - وبينهم جم وحدة مثل ما قلت اثيكس ثنتين .. واناتومي محاضرتين عن الأعضاء بهالجهاز وحدة الدكتورة عليا والثانية خالد خان يونسون ..ومهم تفاريغهم.. ابدميولوجي وحدة للطيار امبيه اغلبها مكررررر لمحاضرة مالت اولى .. وجزء بسييييط اليديد .. اصلا الباور بوينت نفسه بس زاد عليه جم شي .. ..وفارما تقريبا ثلاث محاضرات .. كلهم ادوية لعلاج الفطريات والفيروسات والبكتيريا .. لكن الأدوية بتفصيل دقيق حيل .. وفيهم drug list .. لازم تحفظونهم عدل .. وباثو ...



    - فهمك وحفظك عدل بالمايكرو بالفاونديشن .. راح يساعدك وايد بال I &I ...


    - الدكاترة ملوت المايكرو راح يكون تعليقي اكيد عليهم نفس الفاونديشن .. اما الدكاترة اليدد .. فيبيلكم تحفظون عدل نوتهم .. التفاصيل حيل حيل مهمة ويدققون وايد مع ان النوت حيل سهلة وشرحهم وايد واضح .. لكن الأسئلة ابد مووووو هينة


    - راح يحوشكم فيه EMQ) extended matching questions)
    مثل يكون طريقة التوصيل .. شلون ان اول شي يحطون لك مجموعة اجابات من a الى g .. وتحتها سؤالين او ثلاثة تختار اجابتهم من الاجابات اللي فوقهم .. يعتبر اصعب من ال mcq ويحتاج حفظ دقيق .. لكن اللي يحفظ وفاهم عدل مراح يواجه صعوبة

    تقريبا عددهم 40 سؤال



    الدكتورة وفاء ضروري تحفظون كل الأمثلة بالنوتة !!! اسئلتها كانت مو طبيعية .. احنا كنا فاهمين الكونسبت بس .. اثاريها تبي حفظ عدل !!


    Physiology


    في جم محاضرة فسيولوجي راح يحطونها لكم بأخر الأسابيع من هالموديول .. عبارة عن مقدمة للأجهزة اللي راح تأخذونهم بسنة ثالثة .. الحضور راح ياخذونه .. لكن على دفعتنا والدفع اللي قبلنا ما دخلوا معانا بالامتحان ..فضروري تسئلون .. مو مهم حيل تحضرون .. لكن الصراحة حضرت جم وحدة واستفدت منهم


    نقطة مهمة لل i&i :

    كل الامتحانات قبل .. تقريبا اغلب النوت ايبون منها اقل شي سؤالين .. ويمكن بس نوتة اللي ما ايبون طاريها .. اما ال i&I انصدمنا واااااااايد ان ركزا على جم نوتة ويابوا منهم اسئلة وااااااااايد !! وفي نوت وايد كلش ما يابوا طاريها !!! وايد تأثرنا بالامتحان ووايد سقطوا .. لأن كانوا يقولون ال i&I اسهل امتحان .. طلع اصعبهم !!! على دفعتي هالكلام .. فديروا بااااالكم منه .. حتى بالفاينل يابوا وايد اسئلة منه

    - بس كدراسة .. وااااايد اخف من فاونديشن بلوك 1 و2 .. ومحاضراته اخف ..

    - نصيحة .. حاولوا تدرسون له أول بأول .. لان ماكو فجة كبيرة بين انتهاء المحاضرات والامتحان .. ممكن تخلصون محاضرات الخميس ... امتحانكم الأحد على طوووووول

    ودرسوا له عدل .. لان بالفاينل راح تمتحنونه مع Fb2 .. فممكن الكمية كبيرة




    تم الانتهاء منه بحمد الله .. ادري قصير الموضوع .. بس ما احس في شي زيادة لازم اقول عنه

    بالتوفيق يا رب

    وسامحوني على القصور
     

Share This Page