09' Foundation Block 2

Discussion in 'سنة ثانية' started by purple heart, ‏7/1/14.

  1. purple heart

    purple heart

    Staff Member Consultant
    Joined:
    ‏27/7/13
    Messages:
    95
    بسم الله الرحمن الرحيم

    السلام عليكم ورحمة الله وبركاته



    مواد ال foundation block 2 لطلبة الأسنان + البشري




    Microbiology


    مادة علم الاحياء الدقيقة واللي اهيه البكتيريا والفيروسات والفطريات الخ ..

    - الكتاب مرجع .. لكني ما شريته .. وما سمعت ان ناس استفادوا منه ... النوت تكفي وتوفي وتزيد بعد


    تعتمد على الحفظ بشكل أساسي .. تحتاج الى الكثير من الجهد والوقت .. ولازم تدرس النوتة بشكل لا يقل عن 3 مرات !! غير المراجعات .. والتلاخيص والجداول اللي تسويها ..


    - لازم تربطون المعلومات فيها .. وتحفظون ادق التفاصيل ... فيها محاضرات .. سيمنرز .. ليرنينق توبيكس .. وكلهم لازم اتعامل معاهم بنفس الطريقة !! احفظهم عدلللل ... وبليز لا تهملون ولا واحد فيهم !! كلهم والله بدون مبالغة مهمييييييين ... اتعامل مع نوتة المحاضرة نفس السمنر نفس الليرنينق توبيك ..


    - كثر ما تقدرون حاولوا تسوون كونيكشن حق المعلومات ... يعني مثلا باكتيريا nessiria = gram negative .. غير القصص اللي تألفونهم عن بكتيريا وحدة .. وتدمجون بالقصة كل خواص هالبكتيريا او الفيروس عشان ما تنسونهم ابد !! او مثلا قصة لمجموعة من الكائنات لهم نفس الصفات ...


    - في جداول اولردي القوائم مسويتهم راح توزعهم عليكم حيييييل حلوين .. غير طبعا انتوا بعد سووا ملخصات حقكم وتبادلوهم مع ربعكم .. حتى القصص اللي تألفونها لا تستحون من انكم تشاركون غيركم فيها !!



    - اذا سويتوا كل هالأشياء راح تستانسوووووون على المادة وتحبونها .. اكون معاكم صريحة اهيه حيييل دسمة .. ولازم تجابلونها اول بأول غير عن كل المواد !!! كلشششش ما يبيلها تكود .. لكن راح تقدرون تبدعون فيها ... واتيبون درجات حيل حلوة فيها ...


    - والتكرار يعلم الشطار !!! حيل حيل يبيلها مرجعات


    ويلا نبدي الحين مع الدكاترة


    د. اودو


    دكتور حيييل حبوب ونوته ابسط من البسيط .. فيها بس جم معلومة يديدة .. احنا بالامتحان كلش ما يابوا طاريها


    د. نورة السويح


    هاذي عاد الحب :$ انسانة رووووعة .. هادية .. طيبة .. حبوبة .. شرحها حلو .. لكن اثناء المحاضرة .. ممكن تقول معلومات واااااااايد بزيادة عن اللزوم وحتى تفريغها يصير كبيررررر ... لكن اغلب كلامها راح تأخذونه بعدين او مو معاكم !! انتوا من خلال محتوى النوتة راح تعرفون اذا معاكم ولا لا .. اذا كان تفصيل زيادة لمعلومات موجودة بالنوتة فمعاكم .. طريقة اسئلتها معظمها cases ... تحب الأشياء المميزة بالكائن ... ساعات تعطيكم اسئلة عقب المحاضرة ريفيو .. امبيه وااااايد تكرر منهم !! حتى في اسئلة من امتحانات قديمة تكرر ... وفي اشياء يديدة ... ساعات اثناء الشرح تذكركم باشياء لها نفس الصفات من المحاضرة اليديدة .. فتعرفون ان هالشي مهم


    د. ايمان مقدس


    هالدكتورة لها معزة خاصة بقلبي :$ شرحها يونسسسسس .. احلى شي فيها انها شديدة :$ وتعطي من قلب .. وتدمج لكم اشياء من جميع المحاضرات .. واهيه تشرح تقول اشياء يديدة وبنفس الوقت تراجع .. فحاولوا انكم تكونون مبطلين النوت قبل لا تحضرون محاضراتها .. تحب سؤال what is the most important characteristic of … ... يعني شوي توهق اسئلتها .. تلقى اجابتين صح لكن تبي الأصح .. والأصح هذا تعرفه من فهمك ومن خلال شرحها .. مو موجود بالنوتة بالنص الصريح ان هذي اهم خاصية .. ما اذكر اني شفت اسئلة مكررة منها


    د. وداد النقيب


    هالدكتور .. خل يصير مستانس .. ولا تعكرون مزاجه ... يبدععععععع !!! يقعد يسولف .. وينكت .. وتندمجووون بالمحاضرة .. شرحه عجيب... ومتخصص بالفيروسات ... كل محاضرات الفايروس اهوه بيشرحها ... يشرح عدل .. ويرحب بالاسئلة ..وحيل حبوب .. بس لا اتيون متأخر المحاضرة !! يعصببب .. واسئلته حلوة .. ممكن يكرر .. النوت فيها تفاصيل وايد .. على دفعتي ما كان يايب اسئلة عليها تفاصيل حيل


    د. اقبال جامشيد


    هالدكتور .. طريقة محاضرته ونوته ان يعرض cases .. وعقب يشرح شنو سببها ..شرحه حيل واضح .. النوت حيييل صغيرة .. وشبه فاضية .. والمعلومات اللي فيها يتكرر فالتفريغ حيييل مهم .. دايما يقول النوت مو كافية لازم كتاب .. مللنا بهالجملة .. ويقول انا كله بييب cases الصراحة انا عرفت احل اغلب الأسئلة بدون كتاب .. ويكرر جم سؤال .. ومو كلهم cases ... في ناس فتحوا الكتاب وما استفادوا شي .. يقولون بعض الأسئلة اجاباتها لا بالنوت ولا الكتاب


    د. روتيمي


    هالدكتور حييييييل حبوب .. بس شوي بتتضايقون من الاكسنت .. بس كل شيييي بالنوت .. واسئلته جيدة .. اللي يركز عليه بالمحاضرة فاهوه مهم .. وتقريبا كل شي بالنوتة مهم ولازم تحفظون عدل ..


    نصيحة بهالمادة .. درسوا مثل البكتيريا كلهم مع بعض .. والفيروسات كلهم مع بعض .. وهكذا .. عشان تتيمع المعلومات وما تتلخبطون ..



    واهيه اكثر مادة عليها درجات !!




    Psychology


    مادة علم النفس

    مادة ادبية وتدخل فيها معلومات علمية
    تعتمد على الحفظ بشكل أساسي .. معظم المحاضرات بيشرحهم د. روبينسون .. تقريبا عددهم 30 محاضرة

    الكتاب الصراحة شريته .. وبطلته مرة لان قالوا الدكتور نايف مهم لمحاضراته .. بطلته وانصدمت وصكرته .. متروس تفااااااااصيل ...وما احتجت لأسئلته كتاب .. في ناس يمدحون شرحه ودرسوا منه ...


    د. روبينسون


    هالدكتور شرحه زين .. النوت ما شاء الله كوبي بييييست من كلامه .. جنهم تفريغ !! حتى الكلام اللي مهم يحطه بالخط العريض .. اسئلته تتنوع بالسهولة والصعوبة .. بعضهم حييييل سهل .. وبعضهم لي فكرت شوي وركزت تعرف .. وبعضهم الصراحة .. لازم تكون حافظ النوتة كلمة كلمة .. عشان تجاوب .. سؤاله جنه ادبي مو معلومة ... وبعض المرات يقولون ايب اسئلة من كلامه بالمحاضرة مو بالنوت .. بس لازم تحضرون عشان تفهمون


    د. نايف المطوع


    هالدكتور بتحسونه غيييير عن الكل .. ستايله امريكي .. ونوته غريبة .. حيل يحب الكتاب .. بس شرحه زين .. ديروا بالكم لا تأكلون بالمحاضرة ولا تمسكون موبايلاتكم .. يحب يفشل الطلبة اللي يسوون جذي :q .. بس شرحه زين .. حاولوا تركزون معاه بكلامه .. اسئلته حلوة للي فاهم وحافظ .. يكرر نفس الفكرة لكن مو نفس السؤال .. وفي اسئلة اللي يديدة حيل


    د. ريم الصباح


    هالدكتورة طيبة واااايد وحدها على نياتها ... تحب تعطي امثلة وتسولف .. بس لا تأكلون جدامها ... ولا تسوون شي مو زين .. مثلا احد تعبان ونايم على الطاولة .. تنقلب انسانة عصبية !! وتشرشح اللي يسويها >> رحت فيها من هالحركة L

    بس امبيه اسئلتها بأول امتحان ... كله تكراااااار .. كوبي بيست !! يمكن بس سؤالين غير .. مواضيعها حلوة عن اليهال وتطورهم من جميع النواحي .. بس يبيلها حفظ عدل لان متروس تفاصيل .. حيل ترحب بالأسئلة





    Pharmacology

    مادة علم الصيدلة
    عبارة عن مقدمة بسيطة .. واساسيات للصيدلة .. عن الدوا وشلون يمتص داخل الجسم .. انواعه .. ومميزاته ... كل نوته بسيطة لكن تحتاج لحفظة عدل .. فيها محاضرات و drug list ..

    الكتاب كلششش ما استفدت منه .. كل الأسئلة يت من المحاضرات وال drug list




    في كتاب ثاني بعد ... بس هذا قالوا احسن



    نبدي بالدكاترة


    د. صغير اخطر


    هالدكتور ايننننننن شوية عليه !!! فضيييييع بالشرح .. حيل حلووو .. يضحك ويتغشمر ويقول نكت .. وشرحه واضح ويفهم .. والنوت احلى واحلى .. واسئلته عسللللل ..


    د. منية الفليج


    دكتورة يديدة بهالمجال .. احنا كنا اول دفعة تدرسها .. حبوبة .. شرحها زين .. لكن النوت متروسة بس هم حلوة .. وايد اسئلتها تعتمد على الدرق ليست


    د. سليمان الصباح


    هالدكتور شرح مرة وحدة لنا .. النوتة حدها مافيها شييي وايد سهلة وواضحة .. وياب لنا اسئلة هم واضحة بس لازم تكونون فاهمين .. ضروري تنوتون معاه عدل .. يحب اسئلة الرسومات وايد .. واسئلة التعاريف .. وشرحه جيد


    د. شهاب الدين


    هالدكتورة عاد .. شوي بتتعبون معاها .. النوت فيها مجرد رؤوس اقلام .. وتحتاج شرح مفصل .. نصيحة اذا في دورات ضرورييييي تحضرون لها .. لأن تدرسون لها بروحكم حيل بتتعبون !! النوت تحتاج فهم عدل .. واهيه اساسا ما فيها كلام وايد !! وتحسه مو مرتبط ببعض .. لازم تفهم بعد وتنوت بالمحاضرة .. وفي جزء من نوتها مسائل .. امبيه الصراحة بدعت فيهم !! كلهم فيهم افكار قوية .. ولازم تحفظون القوانين عدل .. وتكون قادرين على انكم تدمجون اكثر من قانون بمسألة وحدة .. ويابت لنا مسائل وايد حتى بالفاينل .. اخر نوت لها كانوا حيل حلوين .. وركزت على الدرق ليست ..


    د. ابراهيم


    هالدكتور وايد طيب وحبوب .. وشرحه زين .. يفهمكم عن جهاز السمبثاوي ونظير السمبثاوي .. اذا فهمتوا اول وحدة .. راح تفهمون الباجي .. وتحسون مكرر مع معلومات يدد ... ويركز على الدرق ليست .. احنا وهقنا بشغلة .. ياب سؤال عن دوا مو موجود بالليست .. وهم سواها بالدفعة اللي قبلنا فديروا بالكم


    د. شيماء كرم


    هالدكتورة يا الله .. نوتها دسمةةةةةةةةةةة مترووووووووووسة تفاصيل ... ما ندري شنو نحفظ وشنو نخلي !! وما كانت واضحة معانا شنو تبي .. اخر شي ما يابت التفاصيل !! بس يابت المعلومات الرئيسية والأسئلة كلهم تقريبا عن الدرق ليست .. بس انتوا ديروا بالكم وخلكم بال safe side


    Drug list **


    عبارة عن لستة يعطونها اياكم ببداية الكورس .. في مجموعة اسامي ادوية .. اهيه لازم تحفظونهم .. وتحفظون لشنو يستخدمون ومعلومات عنهم .. ووايد ايبون عليهم اسئلة بالامتحان .. في بعض الادوية تكون خارج هذي اللستة .. تكون مو حفظ بالضبط .. لكن لازم تحفظ الكلاس اللي تحتها يندرجون .. فشنو تأثير هالكلاس ؟؟ لشنو يستخدمون ؟؟؟ وهكذا




    Pathology

    مادة علم الأمراض
    فيها محاضرات .. ولابات .. و تقريبا 3 learning topics

    هالمادة وايد حلوة ... محتواها حلو .. تحس انك صج طب .. وبسيطة .. كميتها معقولة .. واسئلتها حلوة .. بس اكيد لازم تدرسون لها عدل .. وان شاء الله تحبونها


    الكتاب يعتبر مرجع .. ووايد يمدحونه .. لكن الأسئلة ما تطلع من المحاضرات والنوت..


    الكتاب هنا


    د. جنيد


    هالدكتور طيييييييييب ... ما عليه خلاف بولا شي .. النوت حلوة والأسئلة حلوة


    د. سعاد عابدين


    هالدكتورة ما شاء الله شرحها عجيييييب .. تحس نفسك ترجع لأيام الثانوية .. شلون الأستاذ يفهمك عدل .. ويعيد ويزيد بالشرح .. وكل شوي يسألكم بالصف .. وياويله اللي مو منتبه لووول .. نفس الشي اذا قالت مهم .. يعني بيي بالامتحان .. النوتة حلوة وبسيطة .. ساعات بالشرح تقول كلام وااااااايد .. وتشوف ان ببداية النوتة ما فيها شي عن هالكلام .. لكن تكتشف عقب انه ورا .. واسئلتها حيل حيل سهلة ..



    Dr. S. Olusi


    هالدكتور .. عطانا نوتة وحدة تقريبا .. الأشياء اللي يركز عليها اهيه المهمة .. واذا قالكم هالشي حفظ .. فبالفعل حفظ ..خفيفة وبسيطة واسئلته حلوة .. ما اذكر ان يكرر .. اولردي اسئلته سهلين


    Dr. k. kapila


    هالدكتورة .. طيبة حيل .. لكن نوتتها معفوسة وايد الصراحة مو شوية .. تحسونها مقطعة .. نصيحة دوروا عن مصدر ثاني مثل النت .. يوضح لكم الموضوع بصورة أحلى واوضح .. وبشكل مرتب .. اسئلتها كانت زينة ..ممكن تكرر


    د. موجميني


    هالدكتور يونسسسسس شرحه .. حده غشمرجي ... لكن ديروا بالكم من اسئلته ومن نوته ... مو هينة .. ودسمة شوي .. لكن مواضيعه حيل حلوة .. واساسية .. تفيدكم بالمستقبل ... الأسئلة مجرد يبيلها فهم عدل وحفظ بعد .. وراح تقدرون تحلونهم كلهم .. الاسئلة نفس الأفكار بس ما يكرر



    د. بشرى


    هم هالدكتورة حبوبة .. تعيد وتزيد بالشرح .. لكن اسئلتها مو عادية .. يبيلها فهم عدل .. حتى اجوبتها ... لازم تركزون فيهم .. لكن ينحلون .. النوت شوي دسمة وتبي حفظ تفاصيل لكن مو وايد .. ما تكرر اسئلة



    د. عصام فرانسيس


    هالدكتور عجيييييييب ... تونس طريقته بالشرح... نوته حيل حيل بسيطة .. وكل شي عنه .. حتى اسئلته وايد حلوة .. ويحب يكرر وايد



    د. مأمون


    هم هالدكتور ما شاء الله عجيب كشرح ... وكموضوع للنوت .. ما اذكر اني قريت اسئلة مكررة له .. لكن اسئلته حلوة للي فاهم ... والنوتة كميتها ومعلوماتها اكبر من نوت الدكتور عصام .. ولي قال مهم .. فالشي مهم ..


    د. فهد الملا


    كل ما هو جديد بالطب .. يعطيكم اياه الدكتور فهد .. ما شاء الله عليه .. حيييييل up to date .. معلوماته تبهرك .. ويوصل المعلومة بطريقة وايد حلوة .. جنه يسولف بالمحاضرة .. لي قال مهم وحفظ .. بالفعل مهم .. واسئلته حلو للي حافظ وفاهم .. وحده غشمرجي .. اول محاضرة له ما قدرت امسك نفسي من الضحك .. والله دمعت لوووول



    Dr. d.k. das


    هالدكتور يعطي محاضرتين تقريبا .. ممكن يكرر اسئلة .. مواضيعه حلوة ومهمة للمستقبل .. وسهلة .. ممكن شوي تتعبون مع الأكسنت مالته .. لكن لا تحاتون كل شي بالنوتة


    Labs **


    اللابات كلشششش ما دخلت معانا بالامتحانات ... بس ضروري تسئلون لأن على دفعتنا كانوا محتارين يحطونه ولا لا .. مجرد تقعدون وتشوفون سلايدات مع الدكتور ويسئلونكم .. راح يكون شوي صعب تعرفون شنو الطبيعي وشنو المو طبيعي .. لأن راح يحطون لكم انسجة اول مرة تشوفونها بحياتكم .. فما تدرون لأي عضو هذا .. ويسئلونكم .. ممكن يثبت المعلومة لكم .. ومن رأيي ضروري تنتبهون لان راح يفيدكم بسنة ثالثة ... بس كا حق سنة ثانية ... لا عادي ...




    Ethics

    مادة الأخلاقيات الطبية

    لا يوجد لها كتاب



    د. منال بوحيمد تدرسها ... عبارة عن خمس محاضرات تقريبا .. 2 بال I&I و3 بال FB2


    - هالمادة كانوا الطلبة يأخذونها بدون ما يمتحنون فيها .. لكن على دفعتني .. 09 .. لا دخلت معانا .. ويابوا عليها اسئلة وااااايد ... بس للأمانة كانت احلى مادة !! بالنسبة لي على الأقل .. واعتقد لطلبة وايد ..


    -الدكتورة ما شاء الله عليها روووووعة ... والكل يحبها .. وكانت دكتورتي بال pbl انسانة واااايد افتخر فيها واحب شخصيتها وكل شي فيها .. ما شاء الله عليها .. محاضراتها تونس وتشد حيييل .. ودك ما تخلص .. وكلها فناتق .. ضحك .. واستفادة .. وقصص ..


    - ما تعطي نوت .. لكن شرحها حيل واضح .. واهيه تتكلم تقول هذا مهم .. يعني داخل بالامتحان !! وتقول نوتوه ... اما الباجي لمعرفتكم انتوا .. والصراحة اسئلتها بالامتحان للي فاهم عدل ومنوت بالمحاضرة ومنتبه راح يجاوب ... يعني اللي ما نوتوا كلوها عدل ..


    -ونوعية اسئلتها حتى اجوبة ال mcq لازم تركز فيهم .. وتقراهم عدل .. وممكن الاجابات قريبة من بعض .. لكنها تنحل للي فاهم ... نوع اجاباتها .. مثلا ممكن اجابتين صح .. واهيه تبي الأصح !!




    تم بحمد الله


    سامحوني على القصور ولو في سؤال اتمنى ان اقدر اجاوبه .. بالتوفييييييق


     

Share This Page