☤ خطوات وإجراءات تعيين خريجي [ كلية الطب ] في وزارة الصحة

Discussion in 'Trainee Resources Hub' started by KU-Med, ‏2/7/17.

  1. KU-Med

    KU-Med

    Staff Member Founder
    Joined:
    ‏20/7/13
    Messages:
    56
    بسم الله الرحمن الرحيم

    السلام عليكم ورحمة الله وبركاته

    :confettiball: أول شي مبروك التخرج ومنها للأعلى يا رب

    راح أتكلم عن خطوات وإجراءات التعيين للأطباء الكويتيين (سنة الإمتياز)


    ⚫ الخطوة الأولى

    (1) استلام الشهادة الجامعية

    (2) معادلة الشهادة عند التعليم العالي ( للطلبة المبتعثين للخارج )

    :roundpushpin:مجمع السنابل - شرق مقابل مستشفى الأميري
    تروح الدور الخامس بعدين M3 بعدها يطلبون منك ترفع المستندات أونلاين وتستلم معادلة الشهادة بعد أسبوع

    (3) ديوان الخدمة المدنية

    طلب كتاب ترشيح للعمل في وزارة الصحة

    :roundpushpin:طبعاً Google map عشان توصل للمكان

    أول ما تدخل المبنى: يسار > سيده > التصوير > يسار > يمين > صالة المراجعين > أخذ رقم كاونتر 2-8

    ✔ المستندات المطلوبة:
    ▪صورة من الشهادة الجامعية مع كشف الدرجات
    ▪صورة من البطاقة المدنية
    [عندهم مركز تصوير، يصور لك النسخ ببلاش]

    ” بعض الموظفين ممكن يطلب منكم الشهادة الأصلية عشان يتأكد منها فاحتياط خلوها معاكم “

    بعدها يعطونك كتاب الترشيح

    :time2: الدوام الرسمي ينتهي الساعة 1:30 م

    (4) وزارة الصحة

    :scroll: تسليم كتاب الترشيح والبدأ بإجراءات التعيين وفتح الملف

    :europo: أول ما تدخل المبنى الرئيسي يمين > سيده > يمين > قسم الموارد البشرية - تعيين الكويتيين

    :pagecurl: تاخذ كتاب الترشيح وتوقعه عند غرفة رقم 2 > 5 > 4

    :filefolder: بعدين يطلبون منك تصوره مع باجي المستندات كذا نسخه عند مركز التصوير يصور ببلاش مقابل غرفة 5

    ✔ نرجع مره ثانية غرفة 5 وتسلم لهم المستندات:
    ▪صور من كتاب الترشيح
    ▪صور من الشهادة الجامعية
    ▪صور من البطاقة المدنية
    ▪صور من شهادة الميلاد
    ▪صور من الجنسية
    ▪صور من شهادة تحويل راتب
    ▪7 صور شخصية -.-

    :family: للمتزوجين مطلوب منهم بعد:
    ▪نسختين من عقد الزواج
    ▪نسختين من شهادة الميلاد للاولاد
    ▪صورة البطاقة المدنية للزوجة
    ▪صورة بطاقة مدنية للابناء
    ▪شهادة استمرارية الزواج ( مبنى البطاقة المدنية بجنوب السرة )
    ▪ورقة حق بدل السكن

    :bookmarktab:بعدها تعطيك أوراق تعبيها وبعض المستندات توقعها عند غرفة 5 > 2 > مدير القسم > السجلات

    :clipboard: راح يعطونك كتاب للمجلس الطبي العام وكتاب للأدلة الجنائية

    :time1: الدوام الرسمي ينتهي الساعة 1:30م بس روح قبل الـ 12 عشان تخلص معاملاتك أسرع وما يأجلونها لباجر


    ⚫ الخطوة الثانية

    (1) المجلس الطبي العام بمنطقة الصباح الصحية

    :roundpushpin:اكتب بـ Google maps ”المجلس الطبي العام“

    ⚪ راح يطلبون منكم ثلاث فحوصات
    ▫ Blood Sample (النتيجة تطلع بعد 3-5 أيام)
    ▫ Urine Sample (النتيجة تطلع بعد يوم)
    ▫CXR (التقرير يطلع بعد يوم)

    (2) مركز الأدلة الجنائية حسب المحافظة لإصدار شهادة حسن سير وسلوك مع البصمة

    :bowing: مطلوب صورة شخصية

    (3) طلب كتاب لمن يهمه الأمر تثبت أن ما عندك عقار ‍:expressionless: من مجمع الوزارات (وزارة العدل) قسم السجل العقاري الدور الثاني أو برج التحرير الدور الأول لو حاب تروح العصر ( أخذ طابع بو دينار قبل لا تروح عند الموظف )


    ⚫ الخطوة الثالثة

    :hospital: تراجع المجلس الطبي العام وتسلمهم نتائج الفحوصات وتاخذ منهم كتاب لائق للعمل

    :europo: بعدها تراجع وزارة الصحة عند قسم التعيينات نفس مكان أول مرة غرفة رقم 5 وتعطيهم كتاب لائق للعمل وشهادة حسن سير وسلوك من الأدلة الجنائية وراح يعطونك كتاب لـ إدارة التراخيص


    ⚫ الخطوة الرابعة

    (1) التسجيل عند الجمعية الطبية بالجابرية

    :clipboard: تسلم لهم كتاب التراخيص وتسجل العضوية عندهم وتاخذ منهم وصل عشان تسلمه لإدارة التراخيص بالسالمية

    :euro: رسوم العضوية 36 د.ك ( عندهم K-NET) والإشتراك إجباري! :angry: بعدها توقع العقد معاهم يخصمون من الراتب سنوياً 20 د.ك رسوم العضوية

    ✔ المستندات المطلوبة:
    ▪صور من الشهادة الجامعية
    ▪صور من البطاقة المدنية
    ▪صور من شهادة الميلاد
    ▪صور من الجنسية
    ▪صورة شخصية

    :time3: أوقات العمل:
    الصبح من الساعة 9ص إلى 1م
    العصر من الساعة 5م إلى 9م

    (2) إدارة التراخيص الصحية - السالمية

    :roundpushpin:اكتب بـ Google maps ”إدارة التراخيص الصحية“

    :construction: المكان عبارة عن جبرات » تروح عند الجبرة 4 تختم كتاب التراخيص » بعدين تروح عند الجبرة 1 » بعدين تروح عند الجبرة 3 تسلم لهم المستندات » بعدين تروح قسم المحاسبة قبل جبرة 6 تدفع لهم 20 د.ك ( عندهم K-NET) وبعدها ترجع جبرة 3

    ⚪ المستندات المطلوبة:
    ▫صورة من وصل الجمعية الطبية
    ▫صورة من الشهادة الجامعية
    ▫صورة من الجنسية
    ▫3 صور شخصية

    ⏳ المعاملة يبيلها أسبوع على ما تخلص

    ⚫ الخطوة الخامسة

    (1) تراجع وزارة الصحة عند قسم التعيينات بعد ما تستلم كتاب الرخصة من إدارة التراخيص وتسلمها لهم مع كتاب لمن يهمه الأمر بخصوص العقار

    ❗غالباً راح يصدر قرار تعيينك خلال أسبوع أو أسبوعين ، بعدها لازم تباشر عملك خلال شهر من صدور قرار التعيين وتراجع كيمز عشان تحدد متى تاريخ مباشرة العمل خلال هالفترة

    (2) تراجع معهد الكويت للاختصاصات الطبية (kims) مجمع بهبهاني (الدور العاشر)

    :roundpushpin:اكتب بـ KIMS ” Google maps“

    ⚪ مطلوب:
    ▫ كتاب قرار التعيين
    ▫ 7 صور شخصية ( استغفر الله :expressionless: )
    ▫ صورة شهادة الجامعة مع كشف الدرجات
    ▫ صورة من البطاقة المدنية

    راح تحدد عندهم تاريخ مباشرة العمل والمستشفى ( حدك اسبوعين تحجز المستشفى ، بمعنى إذا طلع قرار تعيينك بتاريخ 1\8 ما يصير تقولهم أبي أتعين بتاريخ 27\8، حدك تاريخ 14\8 ، بس إذا نطرت ورحت لهم بتاريخ 14\8 تقدر تختار 27\8 .. :exclamation:المستشفيات لها مقاعد محددة: first come first serve )


    :officebuilding: بعدين تروح الدور الثامن وتطلع رقم الـ CME points
    :pointup: سجل بالموقع قبل لا تروح لهم لأن مطلوب ترفع صورة من البطاقة المدنية وصورة من الشهادة الجامعية: www.kims-cepd.org

    (3) التسجيل في المنطقة الصحية

    :hammer: بعدين قبل الدوام بيومين تروح كيمز وتاخذ منهم كتاب العمل وتوقعه عند مدير المنطقة الصحية التابع للمستشفى وبعدها تروح توقع الكتاب من مدير المستشفى وسكرتارية القسم وبعدها بجم يوم يعطونك كتاب مباشرة العمل توديه مره ثانية لمدير المستشفى بعدين المنطقة الصحية بعدها لـ كيمز وآخر شي الوزارة قسم التعيينات

    :checkeredflag: بعد أسبوع تراجع الوزارة وتاخذ منهم براءة التعيين وتوديها المنطقة الصحية وبعدين تروح قسم الرواتب عشان يضيفون ملفك بالسيستم، قبلها دق على البنك خل يضيفونك بالنظام المتكامل عشان ما تتأخر لما يضيفون بياناتك بالسيستم. إذا قدرت تسوي هالخطوة قبل من 10 الشهر > الراتب راح ينزل لك أخر الشهر :)

    صافي الراتب 1842 د.ك
    بالنسبة للمتزوج 2021 د.ك

    الختم تقدرون تسونه عند الجمعية الطبية بالجابرية محل The Doctor Bookshop وتقريباً ياخذ له 3-4 أيام عشان يخلص وسعره 4.5 د.ك


    مبروك! تمت بحمدلله



    :whitecheck: بالنسبة لـ مكافأة الخريجين ، إذا صدر قرار تعيينك تقدر تراجع إعادة الهيكلة بدون موعد وراح يصرفون لك 200 د.ك عن الأشهر السابقة حتى يوم صدور قرار تعيينك
    - صورة من قرار التعيين (+ قرار المباشرة في حال باشرت العمل)
    - صورة من البطاقة المدنية
    - صورة من الشهادة الجامعية (بدون كشف الدرجات)
    - شهادة تحويل راتب
    :time12: دوامهم ينتهي الساعة 12:30
    ( للإستفسار: برنامج إعادة الهيكلة 103 )
     
  2. Dr.dana

    Dr.dana Trainee

    Joined:
    ‏19/2/18
    Messages:
    2
    بدل السكن وتأثيث حق كل الدكاتره ولا بس للشباب
     
  3. KU-Med

    KU-Med

    Staff Member Founder
    Joined:
    ‏20/7/13
    Messages:
    56
    حق الكل
     
  4. Dr.dana

    Dr.dana Trainee

    Joined:
    ‏19/2/18
    Messages:
    2
    حتى لو مو متزوجه ؟ جم بدل سكن وبدل التأثيث للإناث واذا في كشف بالراتب تفصيلي للإناث وشكرا
     
  5. KU-Med

    KU-Med

    Staff Member Founder
    Joined:
    ‏20/7/13
    Messages:
    56
    بدل الأثاث ينزل مره وحده بداية التعيين 2000 د.ك لـ غير المتزوج و 2500 د.ك لـ المتزوج
    صافي الراتب مع البدلات مذكور فوق وما يفرق إذا :boy: أو :girl:
     

Share This Page