نصائح لفترة ماقبل الفاينل

Discussion in 'Blog | NerdsMethods' started by NerdsMethods, ‏20/11/18.

  1. NerdsMethods

    NerdsMethods

    Staff Member Nerdsmethods@
    Joined:
    ‏15/11/18
    Messages:
    1
    في البدايه احب اشكر ku-med على هذي الفرصه الحلوه:heartdecoration: ، الله يقدرني وافيدكم يارب:praying:
    اليوم بتكلم عن اهم الاشياء في عطلة دراسة الفاينل
    قبل لا نتكلم عن النصائح الدراسيه ابي اذكرلكم شوية اشياء حيل مهمه :handpointdown:
    -بهذي الفتره بالذات ابتعدوا عن كلمة "تخصص":crossmark:، ادري انكم بآخر سنه و حيل خايفين اذا راح تنقبلون بالتخصص اللي تبونه او لا، واحياناً مو عارفين شنو التخصص اللي تبونه ،عندكم الوقت كله تفكرون بهذا الموضوع ، اما الحين خلوا تركيزكم كله على الفاينل و النسبه اللي تبون اتييبونها
    -تذكروا ان النسبة اللي راح اتييبونها اهيا النسبه اللي الله كاتبلكم اياها، توكلو على الله درسوا و بذلو الاسباب والله ماراح يضيع تعبكم يارب:heavycheck:
    -كثروا بالدعاء ، واستغلوا اوقات الاستجابه "ساعة الاستجابه بيوم اليمعه، بين الاذان والاقامه وغيرها...." اقروا عن اداب الدعاء وشنو اللي يخليه اقرب للاستجابه.:praying:
    -ابتعدوا عن الناس السلبيين اللي تحبطكم ، دايماً شجعوا نفسكم بنفسكم ، مو لازم احد يشجعكم:clapping:
    -دراستكم بهذي الفتره حيل مهمه:exclamation:، تعبكم بالكورس كله مو مهم كثر هذي الفتره ،كل الاشياء الثانيه لاحقين عليها بعدين .
    -انسوا درجات القصير و التقويمي :noentrysign:و ركزوا علي الفاينل ، اهوا اللي عليه درجات اكثر ولا تفكرون بشي ثاني غير الفاينل
    - عطوا الدراسه حقها لكن لا تخلون يومكم كله عباره عن دراسه:peace:، مارسوا هواياتكم، قعدوا مع اهلكم عشان ماتملون .
    -بالنسبة لي اكثر شي يخلي الانسان مايمل من الدراسه اهوا ان يكون عنده هدف حاطه جدام عينه و يبي يوصله ، ويتخيل حاله لما يوصله، سواء نسبه معينه او جامعه معينه او تخصص معين ، كتبوا الشي اللي تبونه و خلوه دايماً جدام عينكم.:soonarrow::star:
    - غيروا الاماكن اللي تدرسون فيها لا تدرسون دايماً بنفس المكان و بما ان الجو حلو درسوا برا
    -ضروري تنظمون نومكم و لا تنامون اقل من ٨ ساعات عشان تكونون نشيطين لليوم اللي بعده وتدرسون عدل

    بالنسبه للدراسه
    -دايماً خلوا الكتاب اهوا مصدركم الرئيسي للدراسه، و غيره راجعوا عليه بس، لا تعتمدون على المذكرات ابداً ، الكتاب اشمل و اضمن:thumbsup:
    -المواد اللي فيها مسائل ضروري تحلون المسائل بإيدكم وتتعودون على حلها، لا تعتمدون على النظر بس و المواد اللي حفظها وايد، حفظوها في بداية اليوم، لان مخكم وقتها يكون نشيط ومستعد يستقبل معلومات وايد
    -باليوم لا تدرسون بس ماده وحده راح تملون:heavymultiply: درسوا الصبح مادة صعبه والعصر مادة سهله
    -سوولكم جدول ونظموا مواد الصبح من الاصعب لي الاسهل و مواد العصر من الاسهل لي الاقل سهوله
    -ضروري تكتبون الجدول :heavycheck:سواء بورقه و قلم او بتلفونكم المهم انكم تكونون مسجلينه مو حافظينه بمخكم وبس
    -اذا انتوا تدرسون من تلفونكم حطوه do not distrub عشان ماتتلقون اي اشعارات ممكن ان اهيا تشتتكم ، وقت الدراسه خلاص ابتعدوا عن اي شي ثاني :noentrysign:و ركزوا بالدراسه وبس
    -نظموا وقتكم ونظموا البريكات والاهم من هذا التزموا بالبريكات اللي تحطونها
    -انا انصح انكم تدرسون ٥٠ دقيقه و تريحيون ١٠ دقايق لين ماتخلصون اول ماده بعدها ريحوا ساعه ونصف الى ساعتين وبلشوا بماد العصر ونفس الشي درسوا ٥٠دقيقه و ريحوا ١٠ دقايق
    -لا تخلص الفتره هذي الا وانتوا حالين نماذج اختبارات سابقه ، و مخلصين كمية الماده كلها قبل ليلة الاختبار
    -خلوا ليلة الاختبار حق المراجعه فقط، و يفضل انكم تكونون مراجعين على الماده قبلها ، يعني تراجعون مرتين
    -ان شاءالله تكونون استفدتوا-:yellowheart:
     
    Last edited: ‏20/11/18

Share This Page