مواد الفصل الثاني للسنة التأسيسية [ الطب - الأسنان ] في جامعة الشارقة

Discussion in 'الدراسة في الإمـارات' started by UoS Student, ‏28/7/18.

  1. UoS Student

    UoS Student Trainee

    Joined:
    ‏7/8/18
    Messages:
    6
    ‏الفصل الثاني من السنة التأسيسية في كليات الطب و الأسنان في جامعة الشارقة ❤️

    لكل اللّي عدوا الفصل الأول أحب أهنيكم بصراحة حققتوا إنجاز كبير جداً و مو نص السنة راحت بالعكس أقدر أقول كلّ السنة و ما بقى إلا شي بسيط :twohearts:

    اللي ياب درجات حلوة بمواد التنافس عفيّة عليك و استمر و حافظ على مستواك .. :clapping:

    اللي ما ياب درجات أو درجاته سيئة أياً كان السبب أحب أقولك لا تيأس ولا يضيق خلقك و ما زال في وقت كبييير و فرصة أكبررر تعدّل من وضعك و تغير الموضوع لصالحك ١٨٠ درجة وإياك تسمح لأي أحد مهما كان يحسسك إنك فاشل أو تقلل من قيمة نفسك :thumbsup:

    الحين بديتوا الفصل الثاني و أبشركم بيكون واايد أحلى و أسهل من الفصل الأول خصوصاً إنكم خذيتوا على وضع الجامعه و النظام و المكان اليديد و كذلك مشاعر الغربة والتأقلم من المعيشة هناك ..

    طبعاً أنتو راح تكونون مسجلين جدولكم بنفسكم ..
    أهم نقطة أحب أقولها خلوا كل مادة بيوم بروح مثلاً أثنين و أربعا بايو و احد و ثلاثا بايوكمستري.. عشان لما تردون بس يكون عندكم هالمحاضرة ، شي ثاني جميل راح تقدرون تسوون جدولكم مثل الكورس الأول يعني الخميس أوف :handok:

    بس أكيد مراح تقدرون تنزلون مواد بايو و كمستري فقط

    لأن أقل شي ممكن تسجلون خلال الفصل الواحد في الجامعة ١٢ وحدة فراح تسجلون من المواد العامة في الجامعة اللي موجودة في الجزء الأول من الموضوع ، وأنصحكم تاخذون المواد البسيطة السهله.. ثقافه اسلامية عربي و هالمواد عشان ما تدرسونها الا قبل الامتحان و التكاليف فيها قليلة ..

    راح أتكلم عن أهم مادتين و هي البايو و الكمستري

    [ Biology 2 ] المادة وايد أحلى و أسهل من بايو ١
    و مرتبطة بالحياة أكثر و تقريباً أغلب المعلومات عارفينها

    تقسيمة الدرجات بتكون نفس بايو ١ بس فرق بسيط
    20% quizzes
    20% midterm
    10% lab
    5% TBLs
    45% final

    الTBL بتاخذونه أكثر من مرة خلال الكورس على كل جايتر
    عباره عن قروبات يقسمكم الدكتور
    و يوزع في البداية عليكم كويز تحلونه فردياً كل واحد بروحه irat
    و بعدين تحلون كقروب grat
    وتالي يناقش الاسئله معاكم الدكتور
    و درجتكم النهائية تكون معدل الدرجتين
    Tbls حلو ومفيد لان راح يساعدكم تعرفون طريقة الاسئله قبل الكويزات و الامتحانات
    و يجبركم تدرسون اول باول و تحضرون قبل المحاضرات

    الفرق بالTBLs و الكويزات عن الفصل الأول إن الاسئله بتكون عباره عن cases يعني مثلاً فلان يحس بجذي و الضغط سليم لكن تحاليله طلعت ان الخلايا الفلانية هالكثر و معاه نزيف و و و شنو تتوقعون فيه ، فأنتو من خلال دراستكم و ربطكم للمعلومات و الأمراض و علاقتها ببعض راح تعرفون تحلون

    و كل جابتر راح تاخذونه فيه نوت إضافية إما فسيولوجي أو أمراض أو حالات وما يخلى أي امتحان منهم

    محتوى النظري :

    1 - blood
    2- cardiovascular system
    3- lymphatic system and body defenses
    4- respiratory system
    5- endocrine system
    6- urinary system


    بشكل عام البلود أسهل جابتر و أكثر شي فيه أمراض و فبه بارت عن تكون خلايا الدم شلون و بالخطوات ، ركزوا على الأمراض و الcases اللي بالTBLS القديمة و وايد خلوا cases تمر عليكم و حلوها مثل الرياضيات معطيات و من خلالها نعرف شلون نحل و نستبعد امراض ، جداول الانيميا و homeostasis imbalance ضرورية و تيي بكل امتحان

    الكارديو :brokenheart:
    وما أدراك ما الكارديو
    لا تعتمدون ع الدكتور بس لان كل دكتور شرحه غير
    فهموا الفسيولوجي بكل تفاصيله و شوفوا فيديوات باليوتيوب وايد حاولوا تستوعبون كثر ما تقدرون
    و سوالف منو اكثر منو اقل دايماً يحبون يلعبون فيها بالامتحانات ع الصمامات و ترتيب الفسلز من اكبر من اقل والأمراض اللي بالنوت و فهموا كل انتيكلوتنق شلون ينوخذ الاسبرين و الوارفرين و الي معاهم منو التوبيكال و منو اللي ينوخذ بإبره لان بيحطون لكم بالسيناريو و انتو تقررون اي واحد يصلح ، بارت الضغط ركزوا فيه وايد و خصوصاً الاسباب حق كل حالة

    الريسبايرتري
    وايد حلوو بس يبيله فهم و حفظ وايد بنفس الوقت
    شوفوا له فيديوات بيوتيوب و تدربوا على الأسئله وايد

    الاندوكراين
    أحلى واحد فيهم ❤️
    راح تستمتعون وايد وانتو تدرسونه
    رتبوا كل وحدة شنو تسوي و شيصير اذا زاد واذا نقص
    عشان تترتب المعلومات بمخكم

    اليوريناري
    وايد طويل و مشكلته اخر جابتر و حزتها بتكونون طافين
    خلوا دراستكم حق الكويز و الامتحان مع الtbl عشان مرة وحدة لما يشرح الدكتور تفهمون كل شي
    فهموا الاناتومي و الفسيولوجي خصوصاً بارت اسيد و بيز بالانس لان يحوس شوية راح احطلكم قناة باليوتيوب ساعدتني وايد بالدراسة و الفهم

    https://www.youtube.com/channel/UCNI0qOojpkhsUtaQ4_2NUhQ

    https://www.youtube.com/user/armandohasudungan

    فلاش كارت واسئله وايد مهمة و اييبونها بكل امتحان

    Chapter 16 The Endocrine System Exam
    Chapter 17 Blood Exam
    Chapter 18 The Cardiovascular System: The Heart Exam
    Chapter 19 Cardiovascular system: blood vessels Exam
    Practice Exam: Cardiovascular System + Blood Vessels
    Chapter 20 The Lymphatic System and Lymphoid Organs and Tissues
    Lymphatic system immune system and respiratory system
    Chapter 22 The Respiratory System, multiple choice exam
    Chapter 25 The Urinary System Exam
    Chapter 26 Fluid, Electrolyte, and Acid-Base Balance Exam


    https://www.easynotecards.com/notecards



    Chemistry 2
    " Biochemistry "


    المادة وايد حلوة و سهلة و راح تلاقونها مرتبطة بالبايو أكثر بتاخذون عن الكاربوهيدرات البروتينات و الليبيدات و الانزيمات و شلون يشتغل كل واحد بالجسم و بعدين بتاخذون عن الدهون و الجينات و اشياء جذي

    ونفس الكورس الاول ما تطلع الاسئله من أفكار التست بانك و في شي حلو بعد إن بعض الجابترات مو كلها داشه وياكم بس بارتات صغيره

    لازم تفهمون كل جابتر عدل عدل ، و انصحكم بسلايدات د.احمد المهدي وايد ملخصه و مفيدة احلى من الكتاب و بالنسبة لاسئله الكتاب من وجهة نظري ماشوفها مفيده لان الموضوع فهم و تالي حفظ بحت امانةً ما استفدت منهم لان مافيهم افكار كثر التست بانك فاكتفوا باسئله الهومووركات و انتو تحلونهم

    والفهم شوفوا قناة خان اكاديمي

    أو

    هالقناة الاستاذ اللي يشرح فيها عظيم جداً حتى لو الفيديو طويل راح تطلعون حافظين الدرس :clapping: و في فيديوات عنده طريقة يعلمكم شلون تتذكرون الخطوات و تربطونهم ببعض عن طريق قصص ✨
    https://www.youtube.com/user/TheFunsuman


    [​IMG]
    [ Test Bank Q: Chemistry ]

    بالنهاية أتمنى لكم فصل سعيد و منجز و أتمنى لكم التوفيق و الخير و القبول في كليتكم ، شدوا حيلكم و هالأيام بتصير بيوم من الأيام ذكريات فخلوها جميلة و ابتعدوا عن التوتر سوو اللي عليكم و بالنهاية مراح يصير إلا اللي رب العالمين كاتبه فاستعينوا بالله و توكلوا عليه و موفقين يارب
     

Share This Page