أشياء نجهلها في كلية الطب بالكويت

Discussion in 'اسـتـراحــة الـمـركـز' started by مجند طبي, ‏26/9/14.

  1. مجند طبي

    مجند طبي Registrar

    Joined:
    ‏16/7/14
    Messages:
    30
    السلام عليكم....

    ادري صارلي فترة مو كاتب شي !

    لكن أحب اقولكم كل عام وانتم بخير

    واليوم ودي اتكلم عن موضوع حلو وغريب

    عن أشياء...تعلمتها أو تأكدت منها بالكلية "غير الدراسة"

    لانه في موضوع مماثل يهتم بهالجانب

    وأتمنى كل من يقرا يشارك لو بشي بسيط

    راح ابتدي


    1-الاخلاق مالها شغل بالعلم...نعلم انه العلم يزين بالاخلاق لكن ليس بالضروري يلازمه

    2-الذكاء مو بس نوع واحد اللي هو "دراسة"

    ولكن في ذكاء اجتماعي أو وجداني

    كثير نشوف ناس متفوقة جدا ...لكن ما عنده اي ذكاء اجتماعي

    واحيانا يسبب حرج للي يكلمه ويثير شفقه البعض ..للاسف حقيقه

    3-لا أقدم النصيحة الا للي طلبها

    لانه اذا قمت بدور معلم وقمت انصح 24 ساعة ....سيسمعها البعض

    ويطنش البعض و يمدح البعض و يستهزأ البعض...فليش اييب هالكلام لنفسي ؟

    في بيت شعر يقول " من لا استشارك لا تبدي له الشور"

    4-تحديد الاولويات ،،،،وترتيبها،...لانه كليتنا مشوار طويل

    ويحتاج صبر وتنظيم ...فلا مجال للزعل اذا اخفقت او ما ضبطت خطتي لاننا

    لازم نتقبل هالشي

    بل المفروض ازعل اذا ما قمت من عثرتي مرة ثانية...المسألة مثابرة


    5-حقيقه ولو هي مرة.....أنه محد راح ينفعك بالجامعه غير ذراعك

    وابسط مثال لو خذينا درجه مو حلوه الناس تبتعد عنا عبالهم بنحسدهم

    واذا اخذنا درجه زينه ،،،زين مايسوون اعلان بالجرايد والبعض يحقد من غير سبب

    6-الكلية مكان للدراسة واذا ناوي تسوي شي فيها فخل هالشي يكون لوجه الله

    من دون مقاصد مباشرة او غير مباشرة ...مثال ...مساعدة الغير في درس او شي من

    هالنوع

    7-اسأل الكبار عن المواد اللي اخذها عن كيفية دراستها .....لكن عمري ما اسألهم

    عن آراهم بالمادة لان المسأله ميول....وكل واحد لما يتخرج بيتخصص غير عن رفيجه

    فمهم نعرف شلون نستشير الناس الكبار

    8-الكلية...كل ما تعمقت فيها ،،،،كل ما احس اني مقصر في صلة الرحم

    فسبحان الله قاعد اتواصل مع عماني وخوالي أكثر من قبل ...بعد !

    حتى لو واتساب

    9-الكلية ليست مكان للعداوات...لان الكلية باعتبار مكان عمل...وليست دوانية نتهاوش

    فالواجب أنه الانسان يضع خطوط حمراء حتى الناس تعرف تعامل معاك

    لانه اذا احترمت نفسك الناس ستحترمك....فحرام يكون طول الدوام تفكر

    شنو قال فلان وعلان وشلون انتقم من هذا وهذاك !!

    10- رضا الوالدين....واعمال البر والصدقة

    مو ضروري نعلن عن نوايانا بتويتر او انستاغرام

    اجمل شعور لما تتبرع بمبلغ معين ومحد يدري عنك الا الله سبحانه

    انشراااح صدر وتفريج هموم ...واخر نقطة رضا والديكم عشان الله

    مو عشان أخذ درجه حلوة....

    11- اكتشفت انه اللي يخالف هالترتيب ويبدي شي ع شي... الله ما ييسر اموره


    رضا الله ثم رضا والديك ثم رضا نفسك



    دوركم الحين قولوا اللي عندكم....بانتظار ردودكم !!
     
  2. skeptical

    skeptical Trainee

    Joined:
    ‏26/9/14
    Messages:
    1
    و أهم شي ان ما تقارن نفسك بغيرك لأن هالشي يتعب ليش فلان مايدرس و قريده اعلى و مادري شنو، و انك قد ماتقدر ما تشوف نفسك على غيرك و تتفلسف
     
    Ghadeer AlDahham likes this.
  3. Dr.M

    Dr.M ku-med.com

    الكلية تعتبرها بيتك الثاني ومو حلوه تييب لنفسك المشاكل بسبب انتخابات مدتها يوم وتشيل بقلبك على شخص راح تدرس معاه مدة طويلة وهي سبع سنين ، إذا ما اقتنع بالفكر الي انت تمثله خلاص تعايش معاه ليش مبدأ إذا أنت مو معاي فأنت ضدي ؟ وبالأخير الانتخابات يوم والزمالة دوم وخصوصا كل القوائم تسعى لمصلحة الطلبة.
     
  4. مجند طبي

    مجند طبي Registrar

    Joined:
    ‏16/7/14
    Messages:
    30

    صح لسانكم

    وهالنقطة نسيت اذكرها


    المنافسة مع الآخرين مرهقة للعقل وتضيع الوقت

    اهم شي انه الانسان يتحدى نفسه


    شكرا لمروركم :)
     
  5. مجند طبي

    مجند طبي Registrar

    Joined:
    ‏16/7/14
    Messages:
    30

    صح

    ذكرتوني بحديث الرسول عليه افضل الصلاة والسلام "من حسن إسلام المرء ترك مالا يعنيه "

    شكرا لمروركم
     
  6. medstudent23

    medstudent23 Trainee

    Joined:
    ‏3/7/15
    Messages:
    1
    Kuwait

    Love ur simple helpful tips
     

Share This Page