Senior '18 | أين تفضل دراسة الطب [ جامعة الكويت أم بعثة خارجية ] ؟

Discussion in 'اسـتـراحــة الـمـركـز' started by KU-Med, ‏20/4/15.

  1. KU-Med

    KU-Med

    Staff Member Founder
    Joined:
    ‏20/7/13
    Messages:
    54
    بسم الله الرحمن الرحيم

    السلام عليكم ورحمة الله وبركاته

    معظم طلبة الثانوية الراغبين بدراسة الطب تدور بأذهانهم الأسئلة التالية:


    شنو أفضل دراسة الطب بجامعة الكويت أم الإبتعاث للخارج ؟
    نظام الدراسة ؟
    الدراسة سهلة أم صعبة ؟
    شنو مميزات الدراسة بالكويت \ الخارج ؟


    [​IMG]

    \\

    طلبة الطب سواء بجامعة الكويت أو المبتعثين للخارج

    شاركونا رأيكم من واقع تجربتكم للدراسة

    من [ إيجابيات وسلبيات ]

    //


    بمشاركاتكم إن شاء الله راح تساعدون طلبة الثانوية في إرشادهم بإتخاذ القرار الأفضل لمكان الدراسة

    [​IMG]












     
  2. عبدالعزيز

    عبدالعزيز ku-med.com

    السلام عليكم و رحمة الله و بركاته ،


    أنا طالب طب مبتعث لإيرلندا ، مضت حتى الآن ثلاث سنوات من حياتي في إيرلندا و الدراسة هناك تحتاج لشخص صاحب جلادة و صبر ، جميع السنوات الدراسية في إيرلندا عبارة عن سبع سنوات ، و السنتين الأولى هي سنتين تمهيدية ، و بشكل عام الجو الغالب على حياة طالب الطب هناك هو جو دراسي ، في إيرلندا يبدأ الطالب في دخول المستشفيات في الثلاث سنوات الأخيرة و راح يمر فيها باختبارات عملية مكثفة.


    بالنسبة للسكن يـعتبر غالي مقارنةً بالدول الأخرى ، و متوفر في إيرلندا محلات و مطاعم إسلامية.


    أخوكم / عبدالعزيز العجمي
     
  3. Ahmed6919

    Ahmed6919 Trainee

    Joined:
    ‏23/8/14
    Messages:
    4
    أنا طالب طب سنة سابعة في جامعة الكويت

    لو خيروني بين الدراسة بره أو بالكويت راح أختار الكويت

    الصراحة ما أقدر عالغربة مع إن الغربة تعلم الواحد وايد أشياء تفيده بالمستقبل

    لكنّي متعود على زوارات الأهل الأسبوعية و الطلعات مع الربع و الصراحة ما أعرف أدرس و الأهل مو بالبيت معاي...يعني حتى لو أهلي سافروا فترة الامتحانات عادي ما أدرس أو إذا درست ما يكون لي نفس للدراسة

    و ثاني شي بعد ست سنين قعدت فيها بالكلية شفت إن الدراسة عندنا مو سهلة و قوية
    و ماشالله خريجينا على مستوى، و ماشالله وايد منهم راحوا بره حق البورد و ماشالله عليهم شطاّر و متميزين

    و بالنهاية عسى الله يوفق طلبتنا خارج و داخل الكويت في هذا المشوار الطويل

    آسف عالإطالة ✋
     
    Last edited: ‏13/6/15
  4. purple heart

    purple heart

    Staff Member Consultant
    Joined:
    ‏27/7/13
    Messages:
    95
    السلام عليكم
    موضوع جدا مهم ويستجق النقاش..واشوف الوقت جدا مناسب خصوصا عقب ما وصلنا لسابعة ودخلنا المستشفيات واحتكينا بالدكاترة

    شنو أفضل دراسة الطب بجامعة الكويت أم الإبتعاث للخارج ؟

    عن نفسي أفضل دراسة الكويت واشجعها..بديرتك وبين اهلك وناسك..ان ضاق خلقك افتح باب الصالة واقعد مع اهلك..او برفعة تليفون تطلع وتغير جو..وحتى وان تدرس وتداوم فتشوف وضع اهل الكويت..شلون الدوام بالمستشفى..شنو التخصصات اللي نحتاجها


    مستوى دراسة الطب ؟
    مستوانا ممتاز وقوي..سواء بالأربع سنين البري كلينيكال وحتى كلينيكال

    الدراسة سهلة أم صعبة ؟
    صعبة للي ما يدرس أول بأول وما يتقبل ان يكون ملتزم بالوقت وما يحب الشدة..اما اللي ماشي سيدة فاللي يدرس ويجابل بيحل الامتحان وايب درجات ان شاء الله..وانا اشوف دراستنا أهلتنا ان نتصرف بظروف الطوارئ البسيطة بأي مكان..

    شنو مميزات الدراسة بالكويت \ الخارج ؟
    مميزات الدراسة بالكويت ان ماكو غربة وتعب الغربة..فيعني سوالف الطبخ والغسال وتوابعها الحمدلله مو موجودة :RpS_tongue: لا اتغشمر
    دراسة السبع سنين متساوية بكل كليات الطب..اللي يفرق الطالب نفسه ولا الشهادة ثابتة..لازم الواحد يتغير ويميز نفسه بالCV
    وحتى اهوه يكون جاد..
    والمميز بعد..ان عقب ما تخلص السبع سنين..يكون عندك طاقة كبيرة ان تكمل برا وتقدم بعد على احسن البوردات
    هذا الشي اقتنعت فيه عقب ما شفت وايد من دكاترتنا المتميزين سووها تخرجوا من كليتنا وكملوا برا..وحتى في دكاترة احتكينا معاهم بالمستشفى درسوا السبع سنين برا.. بس بعضهم اضطروا يأخذون البورد الكويتي لان تشبعوا من الغربة,,وفي دكاترة قدروا على السبع سنين برا وهم البورد..وقالوا ليتنا خذينا السبع سنين بالكويت

    شنو الصعوبات أو المعوقات الواحد ممكن يتعرض لها أثناء دراسته ؟

    شوي الإدارة شديدة..وساعات نشوفها بزيادة عن اللزوم..بس غيرها الحمدلله كل شي زين..الرابطة والقوائم موجودين حق الدورات والنوت والأنشطة التعليمية او الترفيهية..وطلبة الكلية وايد يحبون يساعدون غيرهم..واللغة لا تحاتونها راح تتطور تلقائي

    هذا اللي متذكرته حاليا

    لا تنسون صلوا صلاة استخارة وفكروا عدل وسئلوا واكيد ربي بيكتب لكم اللي فيه الخير
    موفقين

     
  5. Hamad

    Hamad ku-med.com

    طب بشري في جامعة كالقري

    نظام الدراسة في جامعة كالقري - كندا
    University of Calgary
    المقاطعة: Alberta
    المدينة: Calgary
    الموقع: http://www.ucalgary.ca

    بدايةً نظام الدراسة يقسم الى ثلاث أقسام

    1-السنة التمهيدية "اللغة" *يمكن اجتيازها عن طريق اختبار الايلتز.
    2- بكالريوس العلوم الطبية 4 سنوات.
    3- الطب 3 سنوات.

    المجموع الكلي + سنة اللغة = 8 سنوات

    نظام الكورسات:-
    تقسم كورسات الجامعة الى اربع كورسات سنوياً
    كورسين اساسيين
    Fall : من شهر 9 الى 12
    Winter: من شهر 1 الى 4
    كورسين صيفيين
    Spring: من شهر 5 الى 7
    Summer: من شهر 7 الى 8


    التفصيل:-


    1- اللغة
    المطلوب 6.5 في اختبار الايلتز وبكل قسم 6.5
    وبالامكان الاستغناء عن اختبارات الايلتز والاعتماد على دراسة اللغة في الجامعة نفسها وليس معهد خارجي..
    في بداية سنة اللغة يتم اختبار الطلبة لتحديد المستوى وبعد ذلك يتم تقسيمهم الى ثلاث مراحل:
    من يكون في المرحلة 1 يحتاج 3 كورسات
    ومن يكون في مرحلة 2 يحتاج كورسين
    اما المرحلة 3 يحتاج كورس واحد
    لاجتياز اللغة من غير احتياج لاختبار الايلتز

    وبعد ان ينتهي الطالب من احتياجه من الكورسات يبتدأ دراسة البكالريوس في العام المقبل

    2- مرحلة البكالريوس:-
    مدتها 4 سنوات
    يشترط الحصول فيها بعد التخرج منها على معدل اعلى من 3.2

    3- الطب:-
    مدتها 3 سنوات
    يشترط للقبول في برنامج الطب:-
    -معدل 3.2
    -اجتياز اختبار MCAT بمعدل 50٪‏
    -اجتياز المقابلة الشخصية
    -سنة تطوعية في كندا

    ختاماً
    الدراسة في الجامعة صعبة ولكن المخرجات ممتازة
    ومن يسال عن ميزة الجامعة او الدراسة في كندا
    ليسأل الاطباء المختصين وسيجد ضالته.

    للتواصل او الاستفسار:
    WhatsApp: +965 6553 9274

    الطالب: حمد محمد فزاع/ جامعة كالقري
     
  6. GUEST

    GUEST ku-med.com

    السلام عليكم انا ولله الحمد عديت سنة اولى بنجاح وحبيت اشارك بتجربتي بسنه اولى لعل وعسى خريجين 2017 الي تحتنا يستفيدون

    ‎شنو أفضل دراسة الطب بجامعة الكويت أم الإبتعاث للخارج ؟

    بالنسبة لي الدراسه بجامعه الكويت افضل بمراحل خصوصا ان الكلية ضغط بضغط ما هوّن علي التعب الا لما امي وابوي اشوفهم قدامي كل يوم واصبح وامسي على دعواتهم لي يارب لك الحمد وبين ربعك وناسك وامن وامان متى مابغيت ترفه عن نفسك رحت لاهلك .. بالغربه صعبه جداً وفوق ضغط الطب يكون عليك مسؤوليات من شقة و اكل ومصرف وفواتير وبلاوي اما بالنسبه لمحتوى الدراسه للامانة مادري عن الفرق

    ‎نظام الدراسة ؟
    اربع سنين بري كلينكال و 3 سنين كلينكال .. لما اقارن دراسه سنة اولى ب باقي السنوات اكتشفت ان سنة اولى عباره عن ثانوي بس بلغه انقليزية وباقي السنين هم فيهم دراسه الطب الصجي

    ‎الدراسة سهلة أم صعبة ؟

    للامانه دخلت الكلية باحباااط الكل يحبطني من صوب من بنات الكلية الله يسامح الجميع كان الكل يقولي الدراسه صعبه وموقادرين ندرس الكورس الاول عديت مسكرة اذني .. اما الكورس الثاني سمعت كلامهم وحطيته ب بالي و فعلا مادرست واهملت دراستي بشكل موطبيعي! النتيجة شنو ؟ كل الي قالو لي الدراسه صعبه خذو بكل المواد A و B اقل شي وانا شنو ؟ D بالbbe و biology وبعد موت ! ليش سويت بنفسي جذي ! للحين مادري! بس بإذن الله هذا طراق وتعلمت منه واتمنى الي يقرا كلامي ينتبه و يسكر اذنه لاينغش بالحجي مثل مانغشيت انا وكليتها عدل كنت ايضا مهملة بمادة الانقلش جدددا مهملة ودايما اقل درجة بالكلاس انا ! مع اني اقدر اجيب اعلى وكانت تقولي دكتورتي الكورس الثاني انتي تقدرين بس كنت اطوف كلامها لين نقصت وااااجد وكانت تقولي راح تطلعين مني ب C وتذكري كلمتي ومستحيل تتطلعين ب B الا اذا سويتي معجزة ومانقصتي بالامتحان الا بالكثير 4 درجات ! مني خذيت الطراق الثاااالث بعد طراق القريدات قلت ليش جذي مستهينين فيني وانا مستهينه بنفسي ! كان باقي اخر امتحان انقلش وااااحد فقط وعليه 40% من total grade ف هذي ترفع وتخفس ودشيت الامتحان بقووووة متدربة عليه و دراستله ( لاول مرة ادرسله طول السنه ) كان ريندق ولسننق .. وطلعت وحليييت ودعيت ربي ياجماعه طلعت ب B+ overall مستوعبين !!!!!!! يعني لوشادة حيلي طول الكورس كان طلعت ب A وقليلة بحقي اصلا انا حبيت اقولكم القصص الي انحطيت فيها عشان لحد يعيش تجربتي السيئة الي خفست بقريدي !!! صج فرحانه اني نجحت و جبت قريد بالانقلش عالي ومحد توقع اني اجيبه لكن ندمااااااانه على my gpa حييل نازل مو شوية لكن ادعولي الله يعوضني والله يوفقكم جميعا الدفع الي تحتنا اتمنى تتعضون من قصتي الي تكسر الخاطر


    واحب اوجه كلمة حق الطلبة الي اكبر مننا والي بدفعتي اتمنى تبطلون تحبيط بالدفع الي اصغر منكم صعب وصعب وصعب .. لو تعجيزي وصعب مثل ماتقولون جان ما عديتوها انتم ! تمنوا الخير لغيركم مثل ماتتمنونه لنفسكم جزاكم الله خير انا طحت طيحة بهالسنه بسبة كلامكم لكني ولله الحمد وقفت و تداركت وضعي ممكن غيري من كلامكم يسحب اوراقه لاسمح الله! ، وياجماعه والله العلي العظيم مايضيع من يتوكل على ربي ! اتجهو لربي اتجهوا له اتجهووووا له !! بيفتح بوجيهكم اشياااء ويرحمكم بأشياااء ماخلاني اطلع من سنة اولى الا اتجاهي لربي اولاً ودراستي ثانياً هالله هالله بالعباده يادكاتره لاتهليكم الدراسه
    وموفقين زملائي
     

Share This Page