طريقة الإبتعاث إلى جامعة الشارقة [ كلية الطب ]

Discussion in 'الدراسة في الإمـارات' started by UoS Student, ‏29/4/17.

  1. UoS Student

    UoS Student Trainee

    Joined:
    ‏7/8/18
    Messages:
    6
    بسم الله الرحمن الرحيم

    السلام عليكم ورحمة وبركاته

    ❓ كيفية التقديم على جامعة الشارقة وتحويل القبول فيها إلى بعثة عن طريق وزارة التعليم العالي

    ✅ ‏آلية التقديم : [ www.sharjah.ac.ae ]



    :personalcomputer: إلكتروني لكن الأفضل تقدم شخصياً و تاخذ رقم الموظف اللي سوى معاملتك وإيميله وتتواصل معاه عشان تعرف شيصير

    :pointup:‏السبب : إن إيميلات الجامعه مبهمه
    ‏يعني أول شيء يدزون رقم الـ ID
    ‏ومثلاً ( تم ترشيحك للقبول) فما تدري أنت انقبلت و لا لا
    ‏و لما كنا نحاول نتصل ما كانت عندنا أرقام موظفين قبول الكليات الطبية فحيل ضعنا

    ⚠ ‏‏في حال تأخرت في استكمال إجراءات القبول يلغى المقعد للأسف و تروح عليك ، ‏فعشان توفر وقت روح قدم بنفسك أفضل

    :whitecheck: القبول يطلع عادة أول شهر 8

    :barchart: ‏النسب الأدنى للقبول بصراحة ماعندي علم بالضبط جم يعتمد كل سنة و المتقدمين

    :largebluecircle: ‏راجعتهم عشان بعرف اقل نسب انقبلت ولا عطوني شي
    ‏يقولون حسب كل سنة و عدد المتقدمين و نسبهم

    :mwcirlce: ‏لكن بشكل عام اذا فوق 95 ان شا الله مضمون اسنان
    ‏و اذا فوق 97 بشري ( هذا مو رسمي بس حسب اللي ينقبلون كل سنة )

    ❗ ‏أول سنة بالطب و الاسنان فاونديشن / تأسيسية / تنافسية ‏نفس جامعه الكويت قبل لا يثبتون معدل القبول بس الفرق إن كل كليه تنافسها بروح ‏( هالشي في ناس ما تدري عنه ينصدمون بعد ما يداومون )

    :bustsinsilhouette: ‏ياخذون أعلى 100 معدل نهاية كل سنة
    ‏( معدل مواد الأحياء و الكيميا ) بس
    ‏المواد الباجية مطلوب نجاح

    :chartingup:‏غالباً الطب شوي التنافس قوي
    ‏دفعة 2015 | أقل معدل تم قبوله 3.31
    دفعة 2016 | أقل معدل تم قبوله 3.71

    :chartdown: ‏أما الأسنان لا
    دفعة 2015 | أقل معدل تم قبوله 2.71
    دفعة 2016 | أقل معدل تم قبوله 2.82

    :leftmagnify: ‏والباجي اللي ما ينقبلون ؟
    ‏يكون عندهم فرصة سنة ثانية يعيدون مواد الاحياء و الكيميا و يرفعون معدلهم ‏او اللي يبي يحول كلية ثانية يفتحون له مجال ‏( القبول ما يطلع الا بعد الصيف يعني الطالب لو نزل بمادة و حب يعيد عنده كورس صيفي يعيد فيه )
    ‏بالفاونديشن حتى لو B تقدر تعيد

    ⚫ الاشياء الاساسية المطلوبة
    ➖ ‏صورة من جواز السفر
    ➖ ‏2 صور شخصية
    ➖ ‏رسالة عدم ممانعه من القنصلية الكويتية ( تطلعونها اول شي )
    ➖ ‏شهادة الثانوية مصدقة من وزارة الخارجية الكويتية و القنصلية الإماراتية
    ➖ ‏رسوم فتح ملف 300 درهم

    ‏باجي المستندات بس يطلع القبول تروحون تكملونها
    ‏(تقدرون تطلعون رسالة عدم ممانعه من دون ما تراجعون القنصلية و يدزونها لكم عن طريق الإيميل)

    ➖ ‏شهادة حسن سير و سلوك من المنطقة التعليمية التابعين لها
    ➖ ‏صورة من البطاقة المدنية / الجنسية
    ‏➖ رسالة ( الى من يهمه الأمر ) من القنصلية الكويتية في دبي ( ان القنصلية عندها علم ان هالطالب بيقدم على الجامعه ) ✋ طلعوها قبل لا تروحون تقدمون عشان تكون اوراقكم كامله

    و هناك راح يفتحون لكم ملف بالسفاره

    ‏➖ اختبار ايلتز 5 و فوق او ما يعادلها في التوفل
    ‏( عشان تنقبل دايركت بدون لغه ) وتحصل بعثه

    ‏❗ الوزاره ما تحولك بعثه لو انقبلت مع كورس لغه
    ( ‏‏لازم التوتال 5 ، ‏لو عندك skill وحده اقل من 5 عادي
    ‏تتحول بعثه لكن تاخذ مواد الانجليزي مع مواد الكورس الاول و بس تعديهم تقدر تاخذ ماده التيرمنولوجي الكورس الثاني اللي تعتبر متطلب للفاونديشن )

    ‏ما احبذ هالطريقة
    ‏لأنها تشغل عن الدراسه خصوصاً اول كورس الوضع يديد و محتاج جهد

    ‏عندك مجال تعيد الايلتز لي اسبوع السحب و الاضافه
    ‏يعني لو يبت النتيجة اول اسبوع من الدراسه عادي يحذفون لك مواد الانجليزي و تسجل تيرمنولوجي

    ‏ويعطونك ورقه قبول دايركت ( قبول غير مشروط ) توديها عشان تحول بعثه

    ‏( لكن القرار بيتأخر بهالحاله ) فشدوا حيلكم من البداية

    ‏➖ دفع رسوم 1500 درهم حجز مقعد
    ‏و 3000 درهم رسوم الدخول في المنافسه ( عشان تدخل اوراقكم اللجنة )

    ‏❗ احتفظوا بكل الفواتير لأن لما تحولون بعثه راح يرجعون لكم كل اللي دفعتوه )

    :pagecurl: ‏و بمجرد ما تسلمون الأوراق راح يعطونكم ورقه تسوون فحص طبيب بمستشفى الجامعه والنتيجة تندز دايركت للجامعه بعد 10 او 20 يوم

    :ticket: ‏بالنسبة للهوية ( البطاقة المدنية عندهم)
    ‏بس يطلع القبول تاخذون رسالة القبول وانكم خلاص مقبولين و بتدرسون بهالجامعه
    ‏تروحون إدارة الهويات ( منطقة الرحمانية) في الشارجة
    ‏و يطلعون لكم الهوية ..
    ‏سافروا بالجواز مو بالبطاقة هالمرة
    ‏لان بيطلبون متى تاريخ دخول الامارات اهم و القنصلية بعد
    ‏( في حال ما دخلتوا بالجواز بيخلونكم تروحون عن الداخلية و مادري شنو عشان تطلعون ورقة متى دخلتم ) لوية

    ✋ ‏بس الحين طلع قبولكم بالجامعه
    ‏باجي الإجراء الثاني
    ‏تحويل القبول إلى بعثه

    :officebuilding: ‏تروحون بعد ما تخلصون مستندات الجامعه والفحص و كل شي و تطلع الهوية حق القنصلية وتاخذون منهم ورقة إلى من يهمه الأمر ثانية انكم مقبولين بالجامعه ( راح اتأكد من اسم الورقة ) و بس خلص شغلكم بالامارات

    :whitecheck: ‏الحين شغلكم بالكويت بالتعليم العالي
    ‏تروحون عند قسم البعثات العربية
    ‏تقدمون أوراقكم و مستنداتكم
    ‏نفس المستندات اللي بالشارجة
    ‏+ ورقه إلى من يهمه الأمر من جامعه الكويت انكم غير مقيدين فيها

    ‏تدخل اوراقكم لجنة تقريباً اسبوع الى اسبوعين يطلع قرار البعثه اذا كانت اوراقكم كاملة و معدين الايلتز و كل شي

    ✈ ‏خلاص الحين انتو طلبة مبتعثين
    ‏لكم جميع مميزات البعثة ( راتب - بدلات كل كورس - تأمين صحي - و مكافأة تفوق يعني شدوا حيلكم الحين )

    ✔ ‏القرار لما يطلع ينرسل دايركت للمكتب الثقافي
    ‏المكتب الثقافي يرسل رسالة للادارة المالية في الجامعه ان المكتب الثقافي اهو المتكفل بكل رسوم الدراسة لهذا الطالب ..

    :euro: ‏راح يدفع كل مستحقات الجامعه ( حتى اللي دفعتها انت رسوم فتح الملف وحجز المقعد ) يعني بيصير فائض بحسابك بالجامعه فتروح لهم بالاداره المالية وتستلم فلوسك

    ❗‏ملاحظة :
    ‏راجع قرارك أول بأول وين وصل و شصار عليه عشان لا يتأخرون فيه

    ❗‏ملاحظة ثانية نسيتها:
    ‏بعد ما تطلعون الهوية .. ‏لازم تفتحون حساب بنك هناك لأن الراتب ( الاعانة ) بتنزل فيه

    :europo: ‏في بنوك وايد بالإمارات
    ▫‏‏بنك دبي الإسلامي
    ▫‏بنك أبوظبي الإسلامي
    ▫‏مصرف الشارقة الإسلامي
    ‏‏وغيرهم

    :pointup: ‏أرشح مصرف الشارقة الإسلامي
    ‏له ثلاث فروع بالجامعه
    ‏لو لا سمح الله صار مشكله قريب مو تضطر تطلع لي دبي او ابوظبي عشان معامله او عشان تراجع الفرع الرئيسي

    ‏بس تفتحون الحساب و تطلعون ورقه تحويل راتب منهم عشان مرة وحدة لا رحتوا القنصلية تكون اوراقكم كامله

    ‏الأشياء الثلاثة الاساسية للتقديم اللي ذكرتها اول شي
    ‏هذي في حال قدمتوا أون لاين بس ( ما افضلها )

    ‏لكن في حال رحتوا
    ‏ممكن تسلمون كل المستدات بالبداية و بس يبقى فحص الطبيب و الهوية بعد القبول تكملونهم مع اجراءات البعثه هناك ( يعني تكون سفرتين بس)

    :mobilecalling: ‏راح ادز ارقام ممكن تستفيدون منها

    :whitecheck: ‏التعليم العالي قسم البعثات العربية
    22906122 (دايركت)

    :whitecheck: ‏أ. هشام النبتيتي -‏المرشد الاكاديمي بالقنصلية
    Mobile: 050-3656134
    Tele: 04-3979768/9
    Hesham_kuwt@hotmail.com
    ‏‏استاذ هشام راح يعطيكم تفصيل اكثر عن موضوع تحويل البعثه و مايقصر مع الطلبة بالتوجيه الله يعطيه العافيه ( اهو اللي تراجعونه لما تقدمون اوراقكم بالقنصلية )

    :whitecheck: محمد النعناعي - محاسب
    Mobile: 052-9807343
    Tele: 04-3979768/9
    Kuwaitconsulate.dubai@yahoo.com
    ‏وارقام المحاسبين ( تتواصلون معاهم اذا تبون تستفسرون عن الامور المالية )

    :gbp: ‏راح ينزل لكم مبلغ تجهيز السفر بعد ما يصدر القرار من التعليم العالي ( المبلغ من التعليم العالي راح ينزل على حسابكم الكويتي فطلعوا تحويل راتب من البنك مالكم بعد )

    الدليل الدراسي

    كلية الطب

    [​IMG]

    كلية الأسنان

    [​IMG]


    :thoughtballoon: " ‏اتمنى اني غطيت كل شي، ‏و لو في اي سؤال عن اي شي يخص جامعه الشارجة ان شا الله ما بقصر"



    موفقين ✨
     
  2. reemalm

    reemalm Trainee

    Joined:
    ‏22/6/18
    Messages:
    4
    السلام عليكم
    نتيجه الايلتس لازم اوديها بوقت التسجيل للجامعه؟ولا بعد مايطلع قبولي؟
     
    ukvi2018 likes this.
  3. KU-Med

    KU-Med

    Staff Member Founder
    Joined:
    ‏20/7/13
    Messages:
    57
    وعليكم السلام ، الأفضل وقت التسجيل لأن..
     
  4. reemalm

    reemalm Trainee

    Joined:
    ‏22/6/18
    Messages:
    4
    تعرفين عن السكن الجامعي وشلون وضعه؟ وانا انقبلت جامعة الكويت طب مساعد نسبتي٩٤.٨٥ بخاطري طب اسنان الشارقه اقدر اقدم كورس ثاني ولا نظامهم سنوي نفسها؟واذا سحبت اوراقي من جامعه الكويت يصير اقدم واحولها على حساب الدوله ولا لا؟
     
    ukvi2018 likes this.
  5. UoS Student

    UoS Student Trainee

    Joined:
    ‏7/8/18
    Messages:
    6
    اي نعم تقدرين تقدمين الكورس الثاني بالجامعة لو حابة ، لكن راح تاخذين مواد الفصل الأول بالفصل الثاني " إذا كنتي معدية اللغة " و مواد الفصل الثاني الاساسية بالصيف ، فيها ضغط كبير بالصيف لكن في طلبة عدوا الفاونديشن بهالطريقة و عادي ، ما أدري بصراحة عن البعثات إذا يحولونج دايركت من الفصل الثاني الأفضل تتأكدين من التعليم العالي (برج السنابل الدور الخامس قسم البعثات العربية ) ، و اي إذا سحبتي أوراقج تقدرين تاخذين بعثه ،بالنسبة للسكن الجامعة فيها 3 سكنات للطالبات واحد رئيسي و 2 لطالبات الطب واحد قريب من مستشفى الجامعة ( نظام شقق لكن لازم معاج roommate ) ما يعطون مفرد وسكن طالبات الطب الثاني قريب من الكليات الطبية ( نظام استديو غرفة كبيرة و مطبخ صغير و تكرمين حمام ) و عادي تاخذينها مفرد ، كلهم يم بعض و يبعدون عن الكلية مسافة 10 دقايق مشي و في باصات توصل من و إلى كليات الطب و كذلك في باصات توصل كل نص ساعة لحرم الطالبات ( الجمعية / الكافيهات و المطاعم / الجيم ) ، السكن نظيف و شديد بالطلعة و الدخلة ممنوع الخروج إلا بتصريح ، ( لك تصريح خروج يوم واحد بالاسبوع حد أقصى إلى س 11 بليل ) و لك تصريحين ثانين في الأسبوع مدتهم 4 ساعات، في سيكيورتي عند بوابة السكن ما يفتح لج البوابة إلا بورقة التصريح ، و عند مدخل حرم كليات الطب شرطة المدينة الجامعية ،الحمدلله أمن و أمان ، لكل طالبة في سكن يوجد بطاقة اسمها بطاقة التسكين ، فيها البيانات و الأسماء المصرح لج الخروج معاهم لازم ولي الأمر يضيفهم بنفسة و يوقع ، الأشخاص الوحيدين اللي ممكن تخرجين معهم بدون تصريح من الأب هم الأخوان ( تطابق الأسماء ) أما بقية الأقارب لازم يضيفهم الأب و يوافق ، هذا نظام السكن ( في غرف غسيل مشتركة ، و غرفة تلفزيون ، وانترنت مجاني لكل غرفة ) الأسعار تختلف على حسب مفرد أو ثنائي لكن هالسنة الشيخ سلطان حاكم الشارقة جزاه الله خير أمر بتخفيض رسوم السكن إلى النص فصار سعر المفرد في السنة 7500 درهم و الثنائي بالسنة 4800 درهم .
     
  6. reemalm

    reemalm Trainee

    Joined:
    ‏22/6/18
    Messages:
    4
    مشكووره وااايد
    انا تخرجت سنه ٢٠١٨ وبقدم على السنه اليايه ٢٠١٩-٢٠٢٠ طب اسنان يصير صح؟
     
  7. UoS Student

    UoS Student Trainee

    Joined:
    ‏7/8/18
    Messages:
    6
    إي ، بس لازم مو أكثر من سنة
     
  8. reemalm

    reemalm Trainee

    Joined:
    ‏22/6/18
    Messages:
    4
    السلام عليكم
    اسفه اذيتج بالاسئله
    انا ماطلعت شهاده حسن سير وسلوك يصير اطلعها بأي وقت؟ولا لازم بالسنه اللي تخرجت فيها وجذي؟
    وعندي سؤال ثاني
    فلوس السكن تندفع دايركت من القنصليه؟ولا انا ادفعهم من الاعانه اللي عطوني اياها؟
    وشكراً وايد واسفه على الازعاج
     
  9. UoS Student

    UoS Student Trainee

    Joined:
    ‏7/8/18
    Messages:
    6
    وعليكم السلام لا ولو ما من ازعاج
    والله ما أدري
    تقدرين تطلعينها من المنطقة التعليمية بأي وقت
    واتوقع عادي بس تأكدي من الجامعة بخصوص السنة

    فلوس السكن أنتي تدفعينهم
    سواء كنتي سكن جامعي أو خاص
    القنصليه بس تدفعلج رسوم الدراسة وتعطيج راتب وبدلات
     

Share This Page