الأسئلة الشائعة حول كلية الصيدلة جامعة الكويت

Discussion in 'استفسارات القبول في كليات المركز' started by صيدلانية المستقبل, ‏6/7/14.

  1. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    السلام عليكم

    هذي أكثر الأسئلة اللي تنسئل عن كلية الصيدلة جامعة الكويت وإذا عندكم أي استفسار ثاني ان شاء الله أقدر أجاوب عليه :)

    1- جم سنه الصيدلة و وين ممكن اشتغل ؟
    خمس سنين عبارة عن (سنة أولى تمهيدي + أربع سنين صيدلة)
    أماكن الشغل : المستشفيات - المستوصفات - الرقابة الدوائية - المستودعات الطبية - المصانع بصبحان - ونقدر نفتح صيدلية خاصة بعد 5 سنوات شغل - ويصير الصيادلة يشتغلون في جامعة الكويت كلية الصيدلة بقسم البراكتس نسميهم Teaching Assistant
    وأكو صيدلة اكلينيكية نكمل سنتين بعد الخمس سنين والمسمى يكون دكتور صيدلاني
    - ونقدر نكمل الماجستير والدكتوراه لأي مادة ونصير دكاترة بجامعة الكويت
    هذا اللي آنا أعرفه وما أدري إذا أكو أماكن ثانية ولا لأ

    2- جم نسبة القبول لكلية الصيدلة جامعة الكويت ؟؟؟

    [​IMG]

    في سنة 2014 :

    أدنى معدل قبول لكلية الصيدلة = 88.03% مكافئ
    عدد المقبولين في كلية الصيدلة = 60

    في سنة 2015 :

    أدنى معدل قبول للكويتيين = 89.87% مكافئ
    عدد المقبولين = 61
    أدنى معدل قبول لغير الكويتيين = 97% مكافئ
    عدد المقبولين = 3
    في سنة 2016 :

    أدنى معدل قبول للكويتيين = 91.09% مكافئ
    عدد المقبولين = 65
    أدنى معدل قبول لغير الكويتيين = 96.53% مكافئ
    عدد المقبولين = 5

    في سنة 2017 :

    أدنى معدل قبول للكويتيين = 93.26% مكافئ
    عدد المقبولين = 65
    أدنى معدل قبول لغير الكويتيين = 96.56% مكافئ
    عدد المقبولين = 3


    ( يختلف المعدل الأدنى للقبول في كل سنة على حسب شطارة الدفعة والاقبال على كلية الصيدلة )



    3- هل دراسة الصيدله أغلبها تعتمد على الكيمياء و الرياضيات ؟ و يقدر الصيدلي العادي او الالكلينيكي بتشخيص الحالات و تقديم الدوا المناسب ؟

    لا ما تعتمد عالكيميا والرياضيات بس فيها كيميا من سنة أولى لي سنة رابعة الكورس الاول أما الرياضيات عندنا بسنة ثانية اسمها فاينايت وأكو بالكورس الثاني حسابات للجرعات ومسائل بسيطة وبسنة رابعة أكو مادة كايناتيك نفس الرياضيات بس تكون المسائل عالادوية
    الصيدلة فيها مادة فارماكولوجي وهي ندرس فيها عن كل دوا وشنو المرض اللي يعالجه والاضرار الجانبية وشلون يشتغل بجسم الانسان وعندنا مادة البراكتس فيها تطبيق للي درسناه بالفارماكولوجي ويعطونا حالات مرضية فيها مشاكل ممكن نصادفها بالواقع وشلون نحل هذي الحالات ونقدم الدوا المناسب بس ما نركز عالتشخيص كثر ما نركز عالعلاج ،، والحمد لله الصيادلة يقدرون يقدمون الدوا المناسب وأخبر من الأطباء في اختيار الأدوية بس بالتشخيص الأطباء أخبر منا فاحنا نكمل بعض :)

    إذا حابين تعرفون عن موادنا بشكل مبسط شوفوا هالرابط
    [​IMG]

    وإذا حابين تعرفون عن كل سنة وشنو المواد اللي ناخذها هالرابط راح يفيدكم ان شاء الله
    [​IMG]

    وهذا الموضوع خاص عن مواد سنة أولى راح تكون مشتركة مع الطب ان شاء الله
    [​IMG]

    وأنصحكم تشوفون هالمنتدى فيه مواضيع تخص سنة أولى
    [​IMG]

    * يصير نكمل ماستر صيدلة في جامعة الكويت؟

    يصير وإذا حابين تعرفون الشروط وجم سنة وشنو المواد
    [​IMG]

    4- يصير ادش طب مساعد بعدين احول صيدله ؟

    يصير وهذي شروط التحويل

    [​IMG]
    ملاحظات :
    - التحويل يعتمد على المقاعد الشاغرة في كلية الصيدلة
    - أولوية التحويل لطلبة الطب البشري والأسنان وإذا ظلت مقاعد شاغرة يفتحون التحويل لباجي الكليات
    - التحويل يصير من أي كلية إلى الصيدلة ، المهم اجتياز شروط التحويل

    - يستغرق التحويل من سنة ونص إلى سنتين والتقدم بالمستندات المطلوبة إلى عمادة القبول والتسجيل خلال شهر أغسطس بعد الإعلان عن فتح باب التحويل
    - يجب اجتياز امتحان المستوى في اللغة الانجليزية بنسبة 60% على الأقل الذي يعقده مركز العلوم الطبية خلال الأسبوع الأول من شهر سبتمبر
    -التحويل يكون بداية الكورس الأول لأن نظام الدراسة في كلية الصيدلة سنوي وبعد قبول تحويله يكون الطالب سنة ثانية في الصيدلة


    تفاصيل أكثر عن مواد التحويل وطريقتها شوفوا هالرابط
    [​IMG]




    5- دراسة الصيدلة سهلة ولا صعبة ؟
    دراسة الصيدلة مو سهلة يبيلها مجابل وتنظيم وقت وكل شي يتسهل إذا حبيتوا الكلية وحبيتوا المواد ودرستوا أول بأول


    6- دراسة الصيدلة كلها باللغة الانجليزية ؟
    إي بالانقلش ،، الكليات العلمية بجامعة الكويت كلها بالانقليزي مثل الهندسة والطب والعلوم وطب المساعد وحتى العلوم الإدارية

    7- اكيد المناهج كلها بالانقليزي فأكيد واجهتي صعوبة في الدراسه .. شلون كنتي تدرسين؟
    شوفي انا مو شاطرة بالانقليزي كلش ما افهم شي من ايام المتوسطة هي نقطة ضعفي
    واجهت صعوبة في البداية لأن شي غريب علي و مع الأيام تعودت الحمد لله

    مثلاً مادة الكمستري كنت كل كلمة اترجمها
    Bond = رابطة
    Interaction = تفاعل

    وبعدين ألقاها تتكرر هالكلمة جم مرة في النوتة ليمن اتعود عليها وشوي شوي مع بقية الكلمات
    اغلب مواد سنة اولى نفس الثانوية فسهل تفهمينهم
    صدقيني حاسة بشعورج كنت وايد احاتي اللغة وتخيلت نفسي راح اسقط من سبة الانقليزي وألقى اللي معاي يفهمون وانا متنحة ما ادري شيخربطون الدكاترة شعور يبجي بس لمن ارد البيت اترجم كل شي اول بأول وترا لي يومج هذا اكو كلمات يدد علي اترجمهم حدا عادي ولمن تدرسين يصير جنج تدرسين مادة انقليزي بس على احلا لأنهم مواد علمية ،، وهمن أكو دكاترة يدرسونا نص انقليزي ونص عربي فنفهم أكثر

    8- شنو يعني صيدلة سريرية (اكلينيكية) ؟
    الصيدلي المتخصص بهذا المجال يكون ضمن الفريق الطبي في المستشفى

    مهام الدكتور الصيدلاني :
    - متابعة الخطة العلاجية في سبيل اختيار الدواء المناسب والحد من المخاطر الدوائية من أعراض أو مضاعفات جانبية
    - تثقيف الطاقم التمريضي فيما يخص طريقة اعطاء الدواء وتخزينه تعارضاته الكيميائية

    - توفير معلومات عن الأدوية المختلفة و بدائلها مما يساعد إدارة المستشفيات على إتخاذ قرارات شراء الأدوية و المفاضلة فيما بينها علي أساس علمي و بدون تحيز :thumbsup:

    عدد سنوات دراسة التخصص؟
    أولا يتم القبول في كلية الصيدلة والحصول على درجة البكالريوس في الصيدلة ثم يتاح لخريج الصيدلة بأن يكمل دراسته في تخصص الصيدلة الإكلينكية مدة سنتين إضافية فوق الـ 5 سنوات

    المسمى الوظيفي:

    دكتور صيدلاني

    شروط القبول:
    [​IMG]

    9- حسابات في تويتر ممكن تفيدكم :
    جمعية الصيدلة :

    kpss_kw
    قائمة الصيدلة :
    Al9aidala

    قائمة الصيدلة للمستجدين :
    Al9aidala_f
    10- حساب في الانستقرام عن الأدوية وفيه فيديوات تبين وظيفة الصيدلي أنصح بمتابعته :
    Ph_amoon



    المصادر :
    www.hsc.edu.kw/FOP

    وإذا عندكم أي سؤال عن كلية الصيدلة جامعة الكويت ان شاء الله أقدر أجاوب عليه وأفيدكم
    موفقين ان شاء الله :blush:




     
    Last edited: ‏14/9/15
    KU-Med likes this.
  2. Chemist

    Chemist ku-med.com

    السلام عليكم

    مشكورة على الموضوع

    جم معاش الصيدلي أول ما يشتغل؟؟
     
  3. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام

    العفو ما سويت شي ؛)

    سامحوني ما أعرف بالضبط جم المعاش لأن تتراوح الأقوال بين ١٢٠٠ و ١٥٠٠ و ١٦٥٠ وتختلف باختلاف السلم الوظيفي والترقيات

    ويُقال أنه معاش مُرضي كصيدلاني فلا تحاتون
     
  4. Anwar

    Anwar Trainee

    Joined:
    ‏13/7/14
    Messages:
    1
    شنو اقل نسبه قبلوها العام بالصيدلة؟
     
  5. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    حبوبة العام نظام القبول كان غير ،، لأن الصيدلة كانت ضمن مركز العلوم الطبية مع الطب والاسنان فالقبول من الثانوية يصير نفس الطب القبول الفوري ٩٥ مكافئ وأقل معدل ٨٨.٢ مكافئ ولمن ينقبلون كانوا يدشون سنة تمهيدية مع الطب والاسنان واييبون معدل ٢.٥ للكويتيين وينقبلون بالصيدلة ( هذا النظام قديم )


    هالسنة تم فصل كلية الصيدلة عن مركز العلوم الطبية


    النظام يديد وهالسنة 2014 أقل معدل قبلوه هو 88.03% مكافئ وهذي النسبة قابلة للتغير في كل سنة على حسب شطارة الدفعة والاقبال على كلية الصيدلة

    موفقة ان شاء الله
     
    Last edited: ‏18/7/14
  6. dr.noor

    dr.noor Trainee

    Joined:
    ‏8/7/14
    Messages:
    3
    السلام عليكم ,,
    انا خريجة 2012-2013 ونسبتي كانت 95.87 ومع القدرات صارت 90.07

    وانا طموحي ابي طب اسنان وطافني تسجيل العام فنطرت سنه كااامله عشان اقدم بمركز العلوم فقدمت اول رغبة مركز العلوم الطبية والرغبة الثانية صيدلة وسبحان الله قبلوني صيدلة خيرة ان شاء الله

    السؤال هل ممكن احول من صيدلة لمركز العلوم الطبية ؟! لان انا حلمي اصير طبيبة اسنان

    واذا لأ هل الصيدلة حلوة ولها مستقبل ؟! يعني اقتنع واقعد فيها

    ومشكورة ...
     
  7. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام والرحمة ؛)

    مبرووووك القبول حبيبتي والحمد لله على كل حال و خيرة لج ان شاء الله
    بالنسبة للتحويل ،، النظام اليديد بعد فصل كلية الصيدلة خلوا في أمل اذا اكو شواغر في كلية الطب أو الأسنان بعد توزيع طلبة مركز العلوم الطبية ويبتي ٣ نقاط وفوق في السنة التمهيدية لكلية الصيدلة ممكن انهم يقبلونج بس الأولوية للأعلى ،، جيكي على دليل القبول صوب مركز العلوم الطبية وراح تلقين هالشرط
    http://reg.kuniv.edu.kw/admission/adm_guide14.pdf

    اما عن سؤالج هل الصيدلة لها مستقبل؟!

    راح اكون صريحة معاج ،، وظيفة الصيدلة غير عن طب الاسنان والدراسة مختلفة تمامًا
    من ناحية الدراسة = دراستنا كلها عن الادوية والامراض اللي تعالجها وندش باعماق الادوية ودراستنا مو سهلة و حلوة حق اللي يحبها
    من ناحية الشغل = حطيت لج مجالات الشغل فوق
    من ناحية المعاش = الحمد لله معاشنا حلو ونقدر نفتح صيدلية خاصة نطلع فيها ارباح

    نظرة المجتمع لنا في الكويت مو حلوة بس لو تفكرين فيها اصلاً الكويت متأخرة في اغلب مجالات الصحة والسياحة والرياضة وكل حاقة يعني ما يت على نظرتهم للصيدلي

    وان شاء الله في المستقبل القريب تفتح جامعة الكويت دراسة الصيدلة الاكلينيكية ويفتحون مجالات للتوظيف في الديوان الاميري واول ما يصير هالشي بإذن الله راح نكبر بعيون الناس

    من الحين لي ٥ سنين جدام متفائلة خير والصيدلة الاكلينيكية ما اعرف عنها اي شي لأنها تخصص يديد ويبون يفتحونه

    انا احب تخصصي وداشته رغبة أولى وحابة الوظيفة وكل شي فيه وترا اعرف ناس كانوا يبون اسنان دشوها وحبوها وبنوا طموحهم من يديد على انهم يكملون دراستهم

    فكري ان اللي صار خيرة وفكري بتخصص الصيدلة وانج تكملين ماستر ودكتوراه في اي مادة تبينها والله يوفقج ان شاء الله ❤

    واذا عندج اي استفسار ان شاء الله اقدر اجاوبج
     
  8. sara

    sara Trainee

    Joined:
    ‏9/7/14
    Messages:
    1
    السلام عليكم ورحمة الله وبركاته..
    شنو هي مواد الصيدلة الكورس الأول ؟
    وتبين بالسستم بالاوقات ؟
     
  9. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام حبيبتي ؛)

    هذي مواد سنة أولى صيدلة الكورس الأول راح نكون مع الطب

    English 181
    كيمياء حيوية
    فيزياء حيوية
    كمبيوتر
    مادة اختيارية

    والرابط فيه شرح كامل عن المواد
    http://www.ku-med.com/vb/showthread.php?t=148#.U8v5bPmSwuc


    قائمة الصيدلة راح يسوون لكم لقاء تنويري واحتمال يعرفون عن نظامكم اليديد
    تابعيهم في التويتر
    @al9aidala_f
    @Al9aidala
    وهذا اكاونت جمعية الصيدلة
    @kpss__2012

    أنصحكم تروحون اللقاءات لأن نظامكم يديد وهم راح يشرحونه لكم

    موفقة حبوبة ؛** ❤
     
    Last edited: ‏20/7/14
  10. dr.noor

    dr.noor Trainee

    Joined:
    ‏8/7/14
    Messages:
    3
    وأكو صيدلة اكلينيكية نكمل سنتين بعد الخمس سنين والمسمى يكون دكتور صيدلاني
    يعني ادرس بالصيدلة دراستي العادية واتخرج بعدين ادرس سنتين وين؟؟ وشنو المواد اللي ادرسها ..

    -
    ونقدر نكمل الماجستير والدكتوراه لأي مادة ونصير دكاترة بجامعة الكويت

    ما عليه طولي بالج علي ضااايعة بالطوشة ... شنو المواد اللي نقدر نختارها ؟ وجم سنه عشان اصير دكتورة بالجامعة

    ومشكورة حياتي تعبتج معاي
     
  11. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    العفو حبوبة لا تعب ولا شي واذا عندج اي سؤال اخذي راحتج لا تستحين وان شاء الله أقدر أجاوبج ؛)
     
  12. purple heart

    purple heart

    Staff Member Consultant
    Joined:
    ‏27/7/13
    Messages:
    95
    الله يعطيج العااااافية صيدلانيتنا على الموضوع المهم
    الواضح واللي جدااا مفيد
    تسلم الايادي وقواج الله
    حيل عجبني ..موفقة لكل خير يا الغالية
     
  13. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    حبيييييبتي بربل ،، الله يعاااافيج ويسلمج ويقويج ما سويت شي ؛***
    وان شاء الله الكل يستفيد منه وانتي بعد ما قصرتي مع عيال الطب في ميزان حسناتج ان شاء الله
    أجمعيييين يا حلوة ❤
     
  14. Mohammed

    Mohammed Trainee

    Joined:
    ‏21/7/14
    Messages:
    2
    السلام عليكم .
    اعتذر عن إزعاجج اختي صيدلانية المستقبل.
    جتني بعثة لتخصص الصيدلة، رغم ان كانت رغبتي الأولى طب
    لكن حبيت الصيدلة كثير من بعد ماسمعت بالفارم دي ، انصدمت لما دريت أن الدولة المتبعثيني لها مافيها غير Bpharma
    عموماً سحبت اوراقي من البعثة وقلت اقدم على جامعة الكويت الكورس الثاني.
    يصير اقدم على كلية العلوم البيولوجية بعدها احول للصيدلة؟ مع العلم ان نسبتي ٩٠٪ لكن امتحان القاذورات خسف بنسبتي D: .
    ياليت احد يطمني لان بالي ابداً مو مرتاح وشايل هم مستقبلي :")
     
  15. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام والرحمة ؛)
    لا ازعاج ولا شي انا حاطة هالموضوع علشان اجاوب على اسئلتكم

    هالسنة أخوي بطلوا باب التحويل للصيدلة ويصير التحويل من كلية العلوم او الطب المساعد إلى كلية الصيدلة وانا حاطة الرابط فوق فيه المواد
    بس اللي خايفين منه أن هل في السنين الياية راح يكون متبطل باب التحويل؟ لأن التحويل يعتمد على الشواغر في كلية الصيدلة فالخوف من أن يصير اكتفاء في كلية الصيدلة في السنين الياية وما أقدر أقولك أن التحويل مضمون أو لأ!! أكو ناس الله كتب لهم مقاعد في كلية الصيدلة وحولوا وهم معانا الحين ،، لا تحاتي و توكل على الله وربي يكتب لك اللي فيه الخير ان شاء الله ؛)
     
  16. Mohammed

    Mohammed Trainee

    Joined:
    ‏21/7/14
    Messages:
    2

    طيب اختي حصل ان في ناس كانت بتحول بس ماقدروا ؟
    والله انا محتار كثير مع اني اقدر ادخل هندسة ١٠٠٪ بس ابداً مو رغبتي ادرس كالكلولس وهالأمور d:
    انا اضمن معدل عالي جداً بس حيل خايف من سالفة عدم ضمان التحويل يعني :")

    وهل اذا درست بالعلوم البيولوجيه سنة مثلاً تطوف علي سنة بالصيدلة؟ ولا كأني دارس سنة تحضيرية
    بحيث ابدأ الدراسة بسنة ثانيه صيدلة ؟
     
  17. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49

    كل السنين كان التحويل سهالات بس على دفعتي ٢٠١٠ صارت مشكلة أن صار اكتفاء بس المحولين ما سكتوا وصارت سالفة بس بالنهاية انقبلوا معانا كل الناجحين بالامتحان الانقلش واللي مستوفين الشروط من بعد هالسنة قمنا ننبه اللي يبون يحولون أن التحويل مو مضمون
    بس الحين هالسنين التحويل ماشي حاله كل سنة قاعدين يفتحونه ويقبلون المستوفين الشروط والناجحين في امتحان الانقلش ؛)

    دام أنك ضامن الهندسة معناتها أن مكافئك حلو بالثمانينات فأنصحك تقدم قدرات على شهر ١٢ يمكن يرتفع أكثر وإذا ما ارتفع وحاب تقدم عالتحويل واستوفيت الشروط كلها راح تبدأ ان شاء الله سنة ثانية صيدلة ؛)

    الله يسهل عليك ان شاء الله ويوفقك يا رب
     
  18. Guest

    Guest ku-med.com

    السلام عليكم.. يعطيج العافييه اختي.. بغيت اسألج سؤال مادري اذا عندج خبر عنه ولا لا بس لان مادري منو اسأل،
    هل في فرق كبير بين معاش الصيدلانيه وطبيبه الاسنان؟ واذا اي جم؟ اذا تعرفين يعني..
    ومشكوره مقدماً♡♡
     
  19. صيدلانية المستقبل

    صيدلانية المستقبل

    Consultant
    Joined:
    ‏14/2/14
    Messages:
    49
    وعليكم السلام ،، الله يعافيج حبوبة ؛**
    المشكلة ما اعرف معاشنا بالضبط وما اعرف معاش الطب حاولت أسأل بس محد يعطيني الجواب الاكيد :/
    العفو حبيبتي ♥♥
     
  20. Guest

    Guest ku-med.com

    معاش الصيدلانية 1650
    معاش الأطباء تقريبا 1820 أول سنة امتياز
    بعد سنة الامتياز يصير 2020 تقريبا
     

Share This Page